Indians arrested In America: అమెరికాలో ఇటీవల జరిగిన ఒక ప్రత్యేక ఆపరేషన్‌లో 8 మంది భారత సంతతి వ్యక్తులు అరెస్టయ్యారు. వీరిపై హింసాత్మక చర్యలు, కిడ్నాప్‌ వంటి తీవ్ర ఆరోపణలతో పాటు ఉగ్రవాద సంబంధాలపై అనుమానాలు వ్యక్తమవుతున్నాయి. అరెస్టు అయినవారిలో పవిట్టర్ సింగ్ బటాలా అనే వ్యక్తి ముఖ్యుడు. ఇతడు పంజాబ్‌కు చెందిన బహుళ ముద్దుల కేసుల్లో నిందితుడు కాగా, భారత జాతీయ దర్యాప్తు సంస్థ (NIA) అతడిని మోస్ట్ వాంటెడ్ క్రిమినల్‌గా ప్రకటించింది. అతడికి నిషేధిత ఉగ్రవాద సంస్థ బబ్బర్ ఖల్సా ఇంటర్నేషనల్ (BKI)తో సంబంధాలున్నట్లు అనుమానిస్తున్నారు.
ఇతడి‌తో పాటు దిల్‌ప్రీత్ సింగ్, అర్ష్‌ప్రీత్ సింగ్, అమృత్‌పాల్ సింగ్, విశాల్, గుర్తజ్ సింగ్, మన్‌ప్రీత్ రాంధావా, సరబ్‌జీత్ సింగ్‌లను కూడా అరెస్ట్ చేశారు. వీరంతా పంజాబ్ ప్రాంతానికి చెందిన వారే. భారత నిఘా వర్గాల సమాచారం ప్రకారం, వీరికి కూడా ఉగ్రవాద సంస్థలతో సంబంధాలున్నట్లు భావిస్తున్నారు.
కాలిఫోర్నియాలో నివసించే కొంతమంది బెదిరింపులు, దౌర్జన్య చర్యలు జరుపుతున్నారని ఫిర్యాదులు రావడంతో అక్కడి పోలీసులు గట్టి ఆపరేషన్ చేపట్టి వీరిని అదుపులోకి తీసుకున్నారు. నిందితుల నివాసాల్లో సోదాలు నిర్వహించగా, పెద్ద మొత్తంలో ఆయుధాలు, గుండు సామగ్రి, బుల్లెట్లు స్వాధీనం చేసుకున్నట్లు అధికారులు తెలిపారు. వీరంతా అమెరికాలోకి చట్టవిరుద్ధంగా ప్రవేశించినట్లు గుర్తించడంతో, ఇకపై వీరి వీసా స్టేటస్‌కి సంబంధించి చర్యలు తీసుకోవచ్చని, బహిష్కరణ అవకాశం కూడా ఉందని అధికారులు హెచ్చరించారు. ఇటీవల భారత్‌లో వీరిపై పలు క్రిమినల్ కేసులు నమోదవడం వల్ల, ఈ వ్యవహారంపై భారత ఎన్‌ఐఏతో అమెరికా చర్చలు జరుపుతోంది.
