Rape: భారతదేశంలో మహిళల భద్రత ప్రధాన సమస్యగా ఉన్న తరుణంలో, అబ్బాయిలపై జరుగుతున్న అఘాయిత్యాలు కూడా ఇప్పుడు తీవ్ర చర్చనీయాంశమవుతున్నాయి. ముఖ్యంగా పంజాబ్లోని జలంధర్ నగరంలో తాజాగా వెలుగులోకి వచ్చిన ఒక ఘటన దేశవ్యాప్తంగా సంచలనం సృష్టిస్తోంది. ఈ సంఘటన భద్రత విషయంలో కొత్త కోణాన్ని, సవాల్ను తెరపైకి తెచ్చింది.
జలంధర్లో అత్యంత షాకింగ్ సంఘటన చోటుచేసుకుంది. ఇటీవల రాత్రి పూట నలుగురు యువతులు కలిసి ఒక టీనేజ్ బాలుడిని బలవంతంగా కారులో ఎక్కించుకున్నారు. ఆ నలుగురూ మద్యం సేవించి ఉన్నట్లు తెలుస్తోంది.
వారు రాత్రంతా కారులో బాలుడిని తిప్పుతూ అతనిపై అఘాయిత్యానికి పాల్పడ్డారు. ఈ దారుణాన్ని ఆపకుండా, నగర శివార్లలోని పొదల్లోకి అతన్ని లాక్కెళ్లి, స్పృహ తప్పిపోయే వరకు అతడిపై అత్యాచారం చేశారు. ఆ తర్వాత, బాలుడిని అక్కడే వదిలేసి పారిపోయారు.
మరుసటి రోజు స్పృహలోకి వచ్చిన బాధితుడు వెంటనే పోలీసులను ఆశ్రయించి, జరిగిన దారుణాన్ని వివరించాడు. అయితే, మొదట్లో పోలీసులు ఈ ఘటనపై పెద్దగా దృష్టి సారించలేదని, కేసు నమోదు చేయడానికి వెనుకడుగు వేశారని సమాచారం.
దీంతో, బాధితుడు మరింత వివరంగా జరిగిన సంఘటనను వివరించడంతో, పోలీసులు ఈ కేసును తీవ్రంగా పరిగణించారు. కేసు నమోదు చేసి, దర్యాప్తు ప్రారంభించి, ఈ దారుణానికి పాల్పడిన నలుగురు యువతులను అదుపులోకి తీసుకున్నారు.
సాధారణంగా మహిళలపై అఘాయిత్యాలు వార్తల్లో నిలిచే సమయంలో, ఒక యువ బాలుడిపై నలుగురు యువతులు కలిసి అత్యాచారానికి పాల్పడిన ఈ ఘటన దేశవ్యాప్తంగా పెద్ద చర్చకు దారితీసింది. సోషల్ మీడియాలో ఈ విషయంపై పెద్ద ఎత్తున రచ్చ జరుగుతోంది. చట్టాలు లింగ భేదం లేకుండా అందరికీ భద్రత కల్పించాలని, అబ్బాయిల భద్రత కూడా ఇప్పుడు ప్రశ్నార్థకమైందని నెటిజన్లు తీవ్రంగా డిమాండ్ చేస్తున్నారు. ఈ ఘటన కేవలం పంజాబ్లోనే కాకుండా, యావత్ దేశంలోనూ లింగ భేదం లేకుండా భద్రత కల్పించాల్సిన ఆవశ్యకతను మరోసారి గుర్తు చేసింది.