Electric Vehicles : మహారాష్ట్ర ప్రభుత్వం ఎలక్ట్రిక్ వాహనాల (ఈవీ) యజమానులకు శుభవార్త చెప్పింది. రాష్ట్రంలోని అన్ని టోల్ ప్లాజాల వద్ద ఎలక్ట్రిక్ కార్లు, బైక్‌లు, ఇతర వాహనాలకు టోల్ రుసుము మినహాయింపు ఇస్తున్నట్లు అధికారిక ఉత్తర్వులు జారీ చేసింది. ఈ నిర్ణయం రాష్ట్రంలో కాలుష్యాన్ని తగ్గించడంతో పాటు ఎలక్ట్రిక్ వాహనాల వినియోగాన్ని ప్రోత్సహించడానికి ఉద్దేశించింది.
ALSO READ : ADR Report: 40% మంది ముఖ్యమంత్రులపై క్రిమినల్ కేసులు
పెరుగుతున్న వాహన కాలుష్యం దృష్ట్యా, మహారాష్ట్ర ప్రభుత్వం ఈవీలను ప్రోత్సహించేందుకు ఈ చర్య తీసుకుంది. గతంలో ఢిల్లీలో వాహన కాలుష్యం వల్ల ఎదురైన సమస్యలను గమనించి, మహారాష్ట్ర ఈ దిశగా ముందడుగు వేసింది. ఈ నిర్ణయంతో ఎలక్ట్రిక్ వాహనాల కొనుగోలుపై ప్రజల ఆసక్తి పెరుగుతుందని ప్రభుత్వం ఆశిస్తోంది. అంతేకాదు, ఈ చర్య రాష్ట్రంలో ఎలక్ట్రిక్ వాహన తయారీ కంపెనీల స్థాపనకు కూడా దోహదం చేస్తుందని అంచనా.
ASLO READ : Supreme Court: ఓటర్ల జాబితా సవరణకు ఆధార్‌ను ఆమోదించిన సుప్రీంకోర్టు
ఈ మినహాయింపు వల్ల ఎలక్ట్రిక్ వాహన యజమానులు ఆర్థిక భారం నుంచి ఉపశమనం పొందుతారు. అదే సమయంలో, పర్యావరణ సమస్యలపై అవగాహన పెరుగుతుంది. ఈవీలు ఉపయోగించడం వల్ల ఇంధన వాహనాల కంటే గణనీయంగా తక్కువ కాలుష్యం వెలువడుతుంది. ఈ నిర్ణయం పట్ల ప్రజలు సంతోషం వ్యక్తం చేస్తున్నారు. మహారాష్ట్రలో ఈవీల సంఖ్య పెరిగితే, రాష్ట్రం మరింత పర్యావరణ హితంగా మారుతుందని నిపుణులు అభిప్రాయపడుతున్నారు. ఈ చర్య ఇతర రాష్ట్రాలకు కూడా ఆదర్శంగా నిలుస్తుందని ఆశిస్తున్నారు.
