Men Accused Of Firing At Disha Patani’s House Killed: బాలీవుడ్ నటి దిశా పటానీ బరేలీలోని ఆమె స్వగృహంపై జరిగిన కాల్పుల కేసులో కీలక మలుపు చోటుచేసుకుంది. ఈ ఘటనకు బాధ్యులైన ఇద్దరు నిందితులు ఉత్తరప్రదేశ్‌లోని ఘజియాబాద్‌లో జరిగిన పోలీసు ఎన్‌కౌంటర్‌లో హతమయ్యారు. ఈ ఇద్దరు నిందితులు అంతర్జాతీయ నేర ముఠాతో సంబంధం ఉన్నవారిగా పోలీసులు గుర్తించారు.

ALSO READ: Maoist Ceasefire: శాంతి మంత్రం పఠిస్తూనే రక్తపాతం.. 24 గంటల్లోనే మావోయిస్టుల ద్వంద్వ నీతి బట్టబయలు!

సెప్టెంబర్ 12వ తేదీ తెల్లవారుజామున సుమారు 3:45 గంటల ప్రాంతంలో బరేలీలోని సివిల్ లైన్స్ ప్రాంతంలో ఉన్న దిశా పటానీ పూర్వీకుల ఇంటిపై కాల్పులు జరిగిన విషయం తెలిసిందే. కాల్పులు జరిగిన సమయంలో ఇంట్లో దిశా పటానీ తండ్రి, రిటైర్డ్ డీఎస్పీ జగదీశ్ సింగ్ పటానీ, ఆమె తల్లి, అక్క ఖుష్బూ పటానీ ఉన్నారు. అదృష్టవశాత్తు వారికి ఎలాంటి ప్రమాదం జరగలేదు.

గోల్డీ బ్రార్ ముఠా బాధ్యత:

ఈ కాల్పులు జరిగిన కొద్దిసేపటికే, కెనడా కేంద్రంగా పనిచేసే గ్యాంగ్‌స్టర్ గోల్డీ బ్రార్ సోషల్ మీడియా పోస్ట్ ద్వారా ఈ దాడికి తానే బాధ్యుడినని ప్రకటించాడు. కొంతమంది మత పెద్దలపై దిశా పటానీ, ఆమె సోదరి చేసిన వ్యాఖ్యలకు నిరసనగా ఈ దాడి చేసినట్లు ఆ పోస్ట్‌లో బ్రార్ పేర్కొన్నాడు.

ALSO READ: Bank Fraud: రూ.500 కోట్ల భారీ కుంభకోణం.. అండమాన్ మాజీ ఎంపీ సహా ముగ్గురు అరెస్ట్

ఎన్‌కౌంటర్‌ వివరాలు:

ఈరోజు (సెప్టెంబర్ 17) ఉదయం, ఉత్తరప్రదేశ్ స్పెషల్ టాస్క్ ఫోర్స్ (STF)కు చెందిన నోయిడా యూనిట్, మరియు ఢిల్లీ పోలీసు క్రైమ్ ఇంటెలిజెన్స్ (CI) యూనిట్ సంయుక్తంగా ఘజియాబాద్‌లో ఆపరేషన్ నిర్వహించాయి. ఈ క్రమంలో నిందితులు పోలీసు బృందంపై కాల్పులు జరిపారు. పోలీసులు ఆత్మరక్షణ కోసం జరిపిన ఎదురుకాల్పుల్లో (ఎన్‌కౌంటర్) ఇద్దరు నిందితులు తీవ్రంగా గాయపడ్డారు.

తరువాత వారిని అదుపులోకి తీసుకుని, చికిత్స నిమిత్తం ఆసుపత్రికి తరలించగా, వారు మరణించినట్లు పోలీసులు నిర్ధారించారు. హర్యానాలోని రోహ్‌తక్‌కు చెందిన రవీంద్ర మరియు సోనిపట్‌కు చెందిన అరుణ్‌గా నిందితులను గుర్తించారు. ఈ ఆపరేషన్‌లో ఒక ఢిల్లీ పోలీసు సిబ్బంది కూడా గాయపడ్డారు. ఘటనా స్థలం నుంచి పోలీసులు గ్లాక్ పిస్టల్, జిగానా పిస్టల్తో పాటు పెద్ద మొత్తంలో లైవ్ కాట్రిడ్జ్‌లను స్వాధీనం చేసుకున్నారు.

ALSO READ: Temple Entry: కరూర్ ఆలయంలో దలితులపై వివక్ష.. అధికారులపై మద్రాస్ హైకోర్టు నిప్పులు