President Of India:ఉపాధ్యాయ దినోత్సవం సందర్భంగా శ్రేష్ఠమైన కృషి చేసిన ఉపాధ్యాయులను గౌరవించే జాతీయ అవార్డు కార్యక్రమం శుక్రవారం ఘనంగా జరిగింది. రాష్ట్రపతి ద్రౌపది ముర్ము దేశంలోని వివిధ ప్రాంతాల నుంచి ఎంపికైన 45 మంది ఉపాధ్యాయులకు 2025 సంవత్సరానికి గాను జాతీయ ఉపాధ్యాయ అవార్డులు అందజేశారు. విద్యార్థుల మానసిక అభివృద్ధి, సృజనాత్మక బోధన, క్లిష్ట పరిస్థితుల్లోనూ విజయాలను సాధించేందుకు చేసిన కృషి ఆధారంగా ఈ ఎంపిక జరిగింది.
తాళ్లపత్ర గ్రంథాలను సేకరించడం..
ఈ సందర్భంగా ప్రతిభ చూపిన ఉపాధ్యాయుల్లో ఆంధ్రప్రదేశ్‌ మైలవరంకి చెందిన ఎం. దేవానంద కుమార్ ప్రత్యేక గుర్తింపు పొందారు. ఆయన డాక్టర్ లకిరెడ్డి హనిమిరెడ్డి ప్రభుత్వ డిగ్రీ కళాశాలలో తెలుగు అధ్యాపకుడిగా పనిచేస్తున్నారు. బోధనలో వినూత్న పద్ధతులు ఆవిష్కరించడం, తాళ్లపత్ర గ్రంథాలను సేకరించడం, విద్యార్థుల కోసం విద్యా వీడియోలను సిద్ధం చేయడం వంటి ప్రత్యేక కార్యక్రమాల వల్ల ఆయన ఈ ప్రతిష్ఠాత్మక జాతీయ అవార్డుకు ఎంపికయ్యారు.
అరుణాచల్ ప్రదేశ్‌లోని రాజీవ్ గాంధీ సెంట్రల్ యూనివర్సిటీకి చెందిన సైకాలజీ విభాగం అధ్యాపకుడు ప్రోశాంతో క్ర సాహా కూడా ఈ అవార్డు పొందిన వారిలో ఒకరు. ఫోరెన్సిక్ సైకాలజీ , న్యూరోసైకాలజీ రంగాలలో ఆయన 14 ఏళ్లకుపైగా నైపుణ్యం సాధించారు. విశ్వవిద్యాలయంలో న్యూరోసైకాలజీ ల్యాబ్‌ను నెలకొల్పడం, శిక్షణా మాడ్యూళ్లను అభివృద్ధి చేయడం, ప్రధాన పరిశోధనలకు నాయకత్వం వహించడం ఆయన కృషిలో భాగం. అదనంగా, పిల్లలపై దాడులకు గురైన బాధితులకు మానసిక మద్దతు అందించడంలోనూ ఆయన ప్రధాన పాత్ర పోషించారు. ఈ అంశాలన్నీ ఆయన కృషిని మరింత విశేషంగా నిలిపాయి.
Sharing some more glimpses of the National Teachers Awards, 2025.
Some of the finest teachers of our country, their zealous efforts to enrich student experience and make learning student-centric is commendable. pic.twitter.com/Y32m1BgNJh
— Dharmendra Pradhan (@dpradhanbjp) September 5, 2025
అవార్డు గ్రహీతలకు రాష్ట్రపతి ముర్ము ప్రశంసలు అందజేయగా, ప్రధానమంత్రి నరేంద్ర మోడీ కూడా ఈ కార్యక్రమంలో పాల్గొని ఉపాధ్యాయులతో ముచ్చటించారు. ఈ సందర్భంగా ఆయన మాట్లాడుతూ ఉపాధ్యాయులు విద్యార్థులకు తరచుగా హోంవర్క్ ఇస్తారని, అయితే దేశ అభివృద్ధి కోసం కూడా ఉపాధ్యాయులు ఒక విధమైన బాధ్యత తీసుకోవాలని కోరారు. స్వదేశీ ఉత్పత్తుల వినియోగాన్ని ప్రోత్సహించడంలో, ‘మేక్ ఇన్ ఇండియా’ మరియు ‘వోకల్ ఫర్ లోకల్’ ఉద్యమాలను మరింత బలోపేతం చేయడంలో ఉపాధ్యాయుల స్ఫూర్తిదాయకమైన సహకారం అవసరమని ఆయన గుర్తుచేశారు.
‘आचार्य देवो भव’ की हमारी प्राचीन परंपरा के अनुसार, शिक्षक को सर्वाधिक महत्व देने के उनके उदात्त विचार के लिए, मैं सभी देशवासियों की ओर से, डॉक्टर राधाकृष्णन जी की पावन स्मृति को सादर नमन करती हूं। pic.twitter.com/7B6s36FcG9
— President of India (@rashtrapatibhvn) September 5, 2025
ఎం. దేవానంద కుమార్ వంటి ఉపాధ్యాయులు సంప్రదాయ బోధనతో పాటు ఆధునిక సాంకేతికతను వినియోగిస్తూ విద్యార్థులకు కొత్త అనుభవాన్ని అందించారు. ఆయన రూపొందించిన విద్యా వీడియోలు, లెర్నింగ్ మేనేజ్‌మెంట్ సిస్టమ్‌లో ఉపయోగపడే కంటెంట్ ద్వారా అనేక మంది విద్యార్థులు లబ్ధి పొందుతున్నారు. తాళ్లపత్ర గ్రంథాలను డిజిటల్ రూపంలో విద్యార్థులకు అందించడం ద్వారా వారసత్వ జ్ఞానాన్ని కొత్త తరాలకు చేరవేశారు.
