Economic growth and inequality : దేశ ఆర్థిక వ్యవస్థ సుస్థిరంగా ఉందా లేక అగాధంలోకి జారుకుంటోందా? సామాన్యుడి జేబుకు చిల్లు పడుతుంటే, అధికార పీఠం ఎందుకు మౌనంగా ఉంది? రాయ్‌బరేలీ వేదికగా లోక్‌సభలో విపక్ష నేత రాహుల్ గాంధీ చేసిన వ్యాఖ్యలు ఇప్పుడు దేశ రాజకీయాల్లో, ఆర్థిక వర్గాల్లో పెను ప్రకంపనలు సృష్టిస్తున్నాయి. రాహుల్ గాంధీ తన ప్రసంగంలో ఆర్థిక వ్యవస్థలోని ప్రధాన లోపాలను మూడు దశల్లో వివరించారు.

Also Read: https://teluguprabha.net/telangana/kaleshwaram-saraswati-antya-pushkaralu-arrangements/

బిలియనీర్ల అనుకూల విధానాలు : ప్రస్తుత ఆర్థిక వ్యవస్థ శ్రామిక వర్గాన్ని విస్మరించి, కేవలం కొద్దిమంది కార్పొరేట్ దిగ్గజాలకు, బిలియనీర్లకు ప్రయోజనం చేకూర్చేలా ఉందని ఆయన ఆరోపించారు. దీనివల్ల సంపద పంపిణీలో అసమానతలు పెరిగి, సామాన్యుడి కొనుగోలు శక్తి తగ్గుతోందని ఆర్థిక విశ్లేషకులు భావిస్తున్నారు.

ద్రవ్యోల్బణం – అసలైన శత్రువు: పెట్రోల్ ధరలు లేదా విద్యుత్ వాహనాలపై దృష్టి పెట్టడం కంటే, ద్రవ్యోల్బణాన్ని  అదుపు చేయడమే అత్యంత ముఖ్యమని రాహుల్ స్పష్టం చేశారు. ధరల పెరుగుదల వల్ల సామాన్యుడి మధ్యతరగతి జీవనం దుర్భరమవుతోందని ఆయన గుర్తు చేశారు.

Also Read: https://teluguprabha.net/telangana/cm-revanth-deadline-to-ministers-and-mlas/

పాలనలో వైరుధ్యం: “పౌరులు విదేశీ ప్రయాణాలను తగ్గించుకోవాలి” అని చెబుతున్న ప్రభుత్వం, ప్రధాని స్వయంగా తరచుగా విదేశీ పర్యటనలు చేయడంపై ఆయన వ్యంగ్యాస్త్రాలు సంధించారు. ఇది పాలనలో బాధ్యతారాహిత్యానికి నిదర్శనమని ఆయన వాదించారు.