Rape Convict Asaram Bapu Granted Six-Month Bail: మైనర్ బాలికపై అత్యాచారం కేసులో జీవిత ఖైదు అనుభవిస్తున్న స్వయం ప్రకటిత దేవుడు ఆసారాం బాపు (84)కు రాజస్థాన్ హైకోర్టు వైద్య కారణాల (Medical Grounds)పై ఆరు నెలల బెయిల్‌ను మంజూరు చేసింది. అనారోగ్యం దృష్ట్యా శిక్ష సస్పెన్షన్, సాధారణ బెయిల్ కోరుతూ ఆసారాం దాఖలు చేసిన పిటిషన్‌పై విచారణ జరిపిన తాత్కాలిక ప్రధాన న్యాయమూర్తి సంజీవ్ ప్రకాష్ శర్మ, న్యాయమూర్తి సంగీతా శర్మతో కూడిన ధర్మాసనం ఈ ఆదేశాలు జారీ చేసింది.

ALSO READ: Maoist Lays Down Arms:మావోయిస్టు పార్టీకి మరో ఎదురుదెబ్బ.. ఇవాళ ఒక్కరోజే లొంగిపోయిన 72 మంది నక్సలైట్లు

దీర్ఘకాలిక అనారోగ్యంతో బాధ

ఆసారాం తరఫు న్యాయవాది దేవదత్ కామత్ వాదనలు వినిపిస్తూ, ఆసారాం దీర్ఘకాలిక అనారోగ్యంతో బాధపడుతున్నారని, జైలులో సరైన వైద్య చికిత్స అందించడం సాధ్యం కావడం లేదని కోర్టుకు తెలిపారు. అందుకే, వైద్య చికిత్స కోసం బెయిల్‌ను మంజూరు చేయాలని కోరారు.

మరోవైపు, అదనపు అడ్వకేట్ జనరల్ (AAG) దీపక్ చౌదరి, బాధితురాలి తరఫు న్యాయవాది పి.సి. సోలంకి బెయిల్‌ పిటిషన్‌ను తీవ్రంగా వ్యతిరేకించారు.

ఇరుపక్షాల వాదనలు విన్న ధర్మాసనం, మానవతా దృక్పథంతో ఆసారాం బాపుకు ఆరు నెలల తాత్కాలిక బెయిల్‌ను మంజూరు చేసింది.

ALSO READ: Rahul Gandhi: ‘ఓట్ల కోసం ప్రధాని డ్యాన్స్ కూడా చేస్తారు’.. బీహార్ ర్యాలీలో రాహుల్ గాంధీ వ్యాఖ్యలపై బీజేపీ ఆగ్రహం

నాలుగోసారి తాత్కాలిక ఉపశమనం

ఆసారాం బాపు ఏప్రిల్ 2018 నుండి జీవిత ఖైదు శిక్షను అనుభవిస్తున్నారు. దాదాపు 7 ఏళ్ల జైలు జీవితం తర్వాత, వైద్య కారణాల మీద ఆయనకు తాత్కాలిక బెయిల్ మంజూరు కావడం ఇది నాలుగోసారి. గతంలో 2025 జనవరి 7న తొలిసారిగా బెయిల్ లభించగా, అది జూలై, ఆగస్టు నెలల్లో పొడిగించబడింది. అయితే, ఆగస్టు 27న ఆయన బెయిల్ పొడిగింపు అభ్యర్థనను మరో ధర్మాసనం తోసిపుచ్చింది. దీంతో, ఆయన ఆగస్టు 30న తిరిగి లొంగిపోయారు.

ఈ ఆరు నెలల బెయిల్ కాలంలో, ఆసారాంకు మెరుగైన వైద్యం అందించేందుకు అవకాశం లభించనుంది.

ALSO READ: Justice Abhay: ‘మతం పేరుతో పర్యావరణాన్ని నాశనం చేస్తున్నారు’.. టపాసులు, అజాన్‌పై సుప్రీం మాజీ జడ్జి