Sanjay Murthy| కంప్ట్రోలర్‌ అండ్‌ ఆడిటర్‌ జనరల్‌(CAG) అధిపతిగా సీనియర్ ఐఏఎస్ అధికారి కె. సంజయ్ మూర్తి(K Sanjay Murthy) ప్రమాణ స్వీకారం చేశారు. ఢిల్లీలోని రాష్ట్రపతి భవన్‌లో జరిగిన కార్యక్రమంలో రాష్ట్రపతి ద్రౌపదీ ముర్ము (Droupadi Murmu) ఆయన చేత ప్రమాణం చేయించారు. ఈ పదవిలో ఆయన గరిష్టంగా ఆరు సంవత్సరాలు కానీ లేదా 65 ఏళ్ల వయసు వచ్చే వరకు కానీ కొనసాగడానికి వీలుంది. ఈ పదవి చేపట్టిన తొలి తెలుగు వ్యక్తిగా సంజయ్‌మూర్తి అరుదైన ఘనత సాధించారు.
- Advertisement -
కాగా తూర్పుగోదావరి జిల్లా అమలాపురం మాజీ ఎంపీ కేఎస్‌ఆర్‌ మూర్తి (KSR Murthy) కుమారుడైన సంజయ్ మూర్తి 1964 డిసెంబరు 24న జన్మించారు. మెకానికల్‌ విభాగంలో ఇంజినీరింగ్‌ చదివిన ఆయన 1989 సివిల్స్‌లో హిమాచల్ ప్రదేశ్ కేడర్‌కు ఎంపికయ్యారు. 2002-07 మధ్య కాలంలో కేంద్ర అటవీ, పర్యావరణ, ఐటీ మంత్రిత్వ శాఖల్లో పనిచేశారు.
