పండ్లు మన ఆరోగ్యానికి ఎంతో మేలు చేస్తాయి. వీటిలో పుష్కలంగా ఉండే విటమిన్లు, ఖనిజాలు, ఫైబర్, యాంటీఆక్సిడెంట్లు శరీరానికి కావాల్సిన పుష్టిని అందిస్తాయి. రోజూ పండ్లు తినడం ద్వారా రోగ నిరోధక శక్తి పెరిగి, హృదయ సంబంధిత సమస్యలు, డయాబెటిస్, క్యాన్సర్ వంటి ప్రమాదకరమైన వ్యాధుల నుంచి రక్షణ పొందవచ్చు. అయితే, పండ్లు తిన్న వెంటనే నీరు తాగడం వల్ల ఆరోగ్యపరమైన కొన్ని సమస్యలు తలెత్తే అవకాశం ఉంది.
పండ్లలో సహజసిద్ధమైన పాచక రసాలు (Digestive Enzymes) ఉంటాయి. ఇవి ఆహారం సులభంగా జీర్ణం అయ్యేలా సహాయపడతాయి. కానీ, పండ్లు తిన్న వెంటనే నీరు తాగితే, ఈ ఎంజైమ్‌లు నీటితో కలిసిపోయి తమ ప్రభావాన్ని కోల్పోతాయి. దీని వల్ల జీర్ణక్రియ మందగించవచ్చు. అంతేకాదు కడుపులోని హైడ్రోక్లోరిక్ ఆమ్లం (HCL) ఆహారం సరైన విధంగా జీర్ణం కావడంలో సహాయపడుతుంది. అయితే, పండ్లు తిన్న వెంటనే నీరు తాగితే ఈ ఆమ్లం ఒరిగిపోతుంది. ఫలితంగా, ఆహారం పూర్తిగా జీర్ణం కాకపోవడంతో కడుపులో ఉబ్బరం, గ్యాస్ వంటి సమస్యలు ఏర్పడే అవకాశముంది.
ముఖ్యంగా దోసకాయ, పుచ్చకాయ వంటి అధిక నీటి శాతం కలిగిన పండ్లు తిన్న వెంటనే నీరు తాగితే, శరీరంలో నీటి నిల్వలు అధికమై, ప్రేగుల కదలికలు వేగంగా మారుతాయి. దీని ప్రభావంగా విరేచనాలు రావచ్చు. పండ్లు తిన్న వెంటనే నీరు తాగడం వల్ల శరీరంలోని pH స్థాయి ప్రభావితమవుతుంది. ఇది జీర్ణ ప్రక్రియ మందగించడానికి కారణమవుతుంది. శరీరానికి అవసరమైన పోషకాలు పూర్తిగా శోషించబడకుండా పోవడం వల్ల శక్తి స్థాయిలు తగ్గిపోవచ్చు.
జీర్ణ వ్యవస్థలోని గ్యాస్ట్రిక్ ఎంజైమ్‌లు సరైన విధంగా పని చేయాలంటే, వాటి సహజ స్థితిని కాపాడుకోవాలి. కానీ, పండ్లు తిన్న వెంటనే నీరు తాగితే, ఈ ఎంజైమ్‌ల ప్రభావం తగ్గిపోతుంది. దీని వల్ల శరీరం అవసరమైన పోషకాలను సరిగ్గా గ్రహించలేకపోవచ్చు. పండ్లు తిన్న వెంటనే నీరు తాగడం వల్ల జీర్ణక్రియ మందగించి, కడుపులో మంట, గ్యాస్, అసౌకర్యం వంటి సమస్యలు ఏర్పడే అవకాశముంది. అందువల్ల, ప్రత్యేకంగా జీర్ణ సమస్యలు ఉన్నవారు ఈ విషయాన్ని ప్రత్యేకంగా గుర్తుంచుకోవాలి.
శరీరానికి మేలు చేయాలంటే, పండ్లు తిన్న తర్వాత కనీసం 30 నుంచి 45 నిమిషాల పాటు వేచి ఉన్న తర్వాత మాత్రమే నీరు తాగడం ఉత్తమం. ఇలా చేయడం వల్ల జీర్ణక్రియ సజావుగా జరిగి, పండ్లలోని పోషకాలు పూర్తిగా శరీరానికి అందుతాయి.
