మహాకుంభమేళ తొక్కిసలాటలో మృతుల సంఖ్య 30కి చేరింది. ఈ తొక్కిసలాటలో 60 మంది గాయపడ్డట్టు వెల్లడించారు. ఈమేరకు సర్కారు అధికారిక ప్రకటన చేసింది. ప్రయాగరాజ్ లో త్రివేణీ సంగమంలో కొనసాగుతున్న పుణ్యస్నానాల ముహూర్తం దగ్గరికి రాగానే ఒక్కసారిగా తోపులాట చోటుచేసుకుని వందలమంది గల్లంతయ్యారు. ఇప్పటికి 25 మంది మృతదేహాలను గుర్తించినట్టు పోలీసులు వెల్లడించారు.
- Advertisement -
మౌని అమావాస్య సందర్భంగా అమృత స్నానం ఆచరించేందుకు దేశ విదేశాలనుంది కోట్లాదిమంది భక్తులు చేరుకోవటంతో ఇక్కడ పరిస్థితి అదుపుతప్పింది. మరోవైపు పెద్ద సంఖ్యలో వీఐపీలు, సెలబ్రిటీలు రావటంతో పరిస్థితి చేయిదాటిపోయిందనే వార్తలు వినవస్తున్నాయి.
ఈరోజు తెల్లవారుజామున ఒంటిగంట నుంచి 2 గంటల మధ్య సమయంలో ఈ తోపులాటతో డజన్ల మంది ఇంకా గల్లంతై ఉన్నట్టు సమాచారం.
