యువతలో ఐక్యతా భావాన్ని పెంపొందించేందుకు క్రీడలు ఉపయోగపడతాయని నిర్మల్ ఎంఎల్ఏ ఏలేటి మహేశ్వర్ రెడ్డి అన్నారు. పల్లె స్థాయి నుంచి ప్రపంచ స్థాయికి అనే నినాదంతో రాష్ట్ర వ్యాప్తంగా నిర్వహిస్తున్న సిఎం కప్ క్రీడా పోటీలను ఆయన ఆదివారం ప్రారంభించారు.
- Advertisement -
నిర్మల్ జిల్లా కేంద్రంలోని ఎన్టీఆర్ మినీ స్టేడియంలో జరిగిన ఈ కార్యక్రమంలో మహేశ్వర్ రెడ్డి, కలెక్టర్ అభిలాష అభినవ్ తో కలిసి జ్యోతి ప్రజ్వలన గావించారు. ఈ మేరకు పోటీల్లో పాల్గొనే యువతకు మహేశ్వర్ రెడ్డి అభినందనలు తెలిపారు.
ఈ కార్యక్రమంలో అదనపు పాలనాధికారి ఫైజాన్ అహ్మద్, జిల్లా యూత్, స్పోర్ట్స్ అధికారులు, మున్సిపల్ చైర్మన్ ఈశ్వర్, కౌన్సిలర్లు పాల్గొన్నారు.