TGSPC| తెలంగాణలో గ్రూప్-3 పరీక్షల(Group-3 Exams) నిర్వహణకు తెలంగాణ పబ్లిక్ సర్వీస్ కమిషన్(TGSPC) సిద్ధమైంది. ఈ మేరకు తాజాగా హాల్ టికెట్లను విడుదల చేసింది. వెబ్‌సైట్‌ నుంచి డౌన్‌లోడ్‌ చేసుకున్న హాల్‌టికెట్‌ కాపీని భద్రంగా పెట్టుకోవాలని అధికారులు సూచించారు. తొలిరోజు పేపర్-1 పరీక్షకు హాజరైన హాల్‌టికెట్‌ను మిగతా పరీక్షలకు ఉపయోగించాలని పేర్కొన్నారు. ప్రశ్నాపత్రాలు, హాల్‌టికెట్లను నియామకప్రక్రియ ముగిసేవరకు జాగ్రత్తగా ఉంచుకోవాలని హెచ్చరించారు.
కాగా ఈనెల 17, 18వ తేదీల్లో పరీక్ష నిర్వహించనుంది. ఈనెల 17న ఉదయం 10 గంటల నుంచి మధ్యాహ్నం 12.30 గంటల వరకు పేపర్-1 పరీక్ష జరగనుంది. అదే రోజు మధ్యాహ్నం 3 నుంచి సాయంత్రం 5.30 గంటల వరకు పేపర్-2 పరీక్ష నిర్వహించనుంది. ఈనెల 18న ఉదయం 10 గంటల నుంచి మధ్యాహ్నం 12.30 గంటల వరకు పేపర్-3 పరీక్ష ఉండనుంది. ఈ పోస్టులకు 5.36 లక్షల మందికి పైగా అభ్యర్థులు దరఖాస్తు చేసుకున్నారు. పరీక్షలకు హాజరయ్యే అభ్యర్థులు నిమిషం ఆలస్యమైనా పరీక్షా కేంద్రంలోకి అనుమతి ఉండద.
