జైలుకు వెళ్లి, విడుదలైన అనంతరం తొలిసారి ఇందూరుకు వస్తున్న ఎమ్మెల్సీ కవితకు ఘన స్వాగతం పలికేందుకు బీఆర్‌ఎస్‌ నేతలు, జాగృతి నాయకులు విస్తృత ఏర్పాట్లు చేశారు. ఎమ్మెల్సీ కవితకు తొలుత ఇందల్వాయి టోల్ గేట్ వద్ద , అనంతరం డిచ్‌పల్లి వద్ద ఘనంగా స్వాగతం పలకనున్నారు. అనంతరం ఎమ్మెల్సీ కవిత నేరుగా నిజామాబాద్‌లోని సుభాష్‌నగర్‌ తెలంగాణ తల్లి విగ్రహం వరకు చేరుకుంటారు. ప్రజలనుద్దేశించి ప్రసంగించనున్నారు.
- Advertisement -
నేటి కార్యక్రమంలో బీఆర్‌ఎస్‌ రాష్ట్ర స్థాయి ముఖ్య నేతలతో పాటు పార్టీ కార్యకర్తలు పెద్ద సంఖ్యలో పాల్గొననున్నారు. ఎమ్మెల్సీ కవితకు స్వాగతం పలుకుతూ ఇప్పటికే నగరంలోని ప్రధాన కూడళ్లలో పెద్దపెద్ద హోర్డింగ్‌లు ఏర్పాటు చేశారు.
