సిరిసిల్ల ప్రజా ఆశీర్వాదసభలో సీఎం కేసీఆర్ గారి ప్రసంగం – ముఖ్యాంశాలు :
• నా డెబ్బై ఏండ్ల జీవితంలో కనీసం ఒక వంద డెబ్బైసార్లు తిరిగిన జిల్లా సిరిసిల్ల.
• ఇక్కడ బంధుత్వాలు, బాంధవ్యాలు, ఆత్మీయతలు, ఎంతోమంది నా క్లాస్ మేట్స్ ఉన్న జిల్లా సిరిసిల్ల.
• అప్పర్ మానేరు నుంచి సిరిసిల్ల వరకు ఒక సజీవ జలధారగా మారింది.
• నలభై, యాభై ఏండ్ల కింద మానేరులో ఒక పాయలాగా బ్రహ్మాండంగా నీళ్లు కనిపించేవి.
• సమైక్య పాలనలో మొత్తం నాశనం అయింది.
• నా చిన్నతనంలో నీళ్లు, రైస్ మిల్లులు ఎన్నో ఉండేవి. సమైక్య పాలకుల దౌర్జన్యాలు పెరుగుతున్నా కొద్దీ అవన్నీ మాయమైనాయి.
• అప్పర్ మానేరు ప్రాజెక్టుతోనే తెలంగాణ ఉద్యమ సభ కూడా జరిపాం.
• అప్పర్ మానేరు మత్తడి ఎండాకాలంలో కూడా దూకుతావుంటే అద్భుతమైన ఆత్మసంతృప్తి కలుగుతావుంది.
• ఉద్యమ సమయంలో ఒక రోజు మధ్యరాత్రి ప్రొ.జయశంకర్, నేను ఒక మీటింగ్ ముగించుకొని సిరిసిల్లా గుండా వెళుతుంటే కార్ల హెడ్ లైట్లలో గోడలమీద ‘ఆత్మహత్యలు పరిష్కారం కాదు.. చావులు పరిష్కారం కాదు..చావకండి’ అనే రాతలు మేమిద్దరం కండ్లకు నీళ్లు తీసుకున్నం.
• 70 ఏండ్ల స్వతంత్రంలో ఇలాంటి వాల్ రైటింగ్ లు చూడాల్సి వచ్చింది.. ఈ సమైక్య రాష్ట్రంలో మనకెందుకీ బాధలని బాధపడ్డాం.
• నేను ఎంపీగా ఉన్నప్పుడు ఒకరోజు 7గురు చేనేత కార్మికులు చనిపోయినప్పుడు ఎంతో చలించి ఎవరూ చనిపోవద్దని రూ.50 లక్షల పార్టీ ఫండ్ ను ఇవ్వడం జరిగింది.
• కేటీఆర్ సిరిసిల్ల ఎమ్మెల్యే కావడం మీ అందరి అదృష్టం.
• చేనేత మంత్రిగా కూడా కేటీఆర్ యే ఉండటంతో అనేక మీటింగ్ లలో నాతో కొట్లాడి, అనేక రకాల పోరాటాలు చేసి చేనేత కార్మికులకు కావాల్సిన మరమగ్గాలు ఏర్పాటు, వాటి ఆధునీకరణకు డబ్బులు తెచ్చి చేనేత కార్మికుల పరిస్థితులు మార్చాడు.
• చేనేత కార్మికులను ఆత్మహత్యల పరిస్థితి నుంచి ఈరోజు చల్లగ బతికేందుకు కృషి చేసినందుకు కేటీఆర్ ను కూడా అభినందిస్తున్నాను.
• షోలాపూర్ ఏ విధంగా ఉందో సిరిసిల్లను కూడా అట్లాగే చేయాలని చేనేత వర్గానికే చెందిన ఎమ్మెల్సీ ఎల్.రమణ అడిగినట్లుగా మళ్లీ అధికారంలోకి రాగానే తప్పకుండా నేను, ప్రభుత్వం మీ వెంట ఉంటుందని హృదయపూర్వకంగా హామీనిస్తున్నాను.
• ప్రతి విషయన్నని నీచాతినీచంగా రాజకీయాలు చేసే చిల్లరగాళ్లు, కొందరు దుర్మార్గులు ఉంటరు. వాళ్లున్నరని చిన్నబోవద్దు. చేనేత కార్మికులు బతకాలె.
• చేనేత కార్మికులకు పని కల్పించే బాధ్యతను ప్రభుత్వమే తీసుకొని బతుకమ్మ, రంజాన్, క్రిస్మస్ పండుగలకు కానుకలుగా రాష్ట్రంలోని కోటి మంది పేదలకు కొత్త చీరలు, కొత్త బట్టలను అందజేస్తున్నది.
• మూడు, నాలుగు వందల కోట్ల రూపాయలతో సిరిసిల్లలో చేనేత కార్మికులకు పనిదొరకడమే గాకుండా పేదలకు కొత్త బట్టలు కూడా అందుతున్నాయి.
• కొంతమంది దుర్మార్గులు బతుకమ్మ చీరలను కూడా కాలబెట్టి రాజకీయం చేస్తున్నరు.
• బతుకమ్మ చీరలు కేవలం చీరల కోసమే కాదు..ఇక్కడ ఉరిబెట్టుకొని, సచ్చిపోయి, అప్పులపాలైన చేనేత కార్మికుల బిడ్డల కన్నీళ్లు తుడిచేటటువంటి ఒక గొప్ప మానవతా దృక్పథంతో చేపట్టిన పథకం ‘బతుకమ్మ చీరలు’.
• ఎమ్మెల్యే, మంత్రి కేటీఆర్ శ్రీకారం చుడితే, ఇది కావాలని, చేనేత కార్మికులను కాపాడుకోవాలని కేబినేట్ ఒప్పుకొని చేసాం.
• ఓట్ల కోసం అడ్డగోలు అబద్ధాలు చెప్పకుండా మేనిఫెస్టోను చెప్పాం.
• కళ్యాణలక్ష్మి యాభైవేలతో ప్రారంభించి, తర్వాత డెబ్బై ఐదు వేలు, ఆ తర్వాత లక్ష వెయ్యి నూటపదహార్లకు పెంచుకున్నాం.
• పెన్షన్ ను మొదటి వెయ్యి రూపాయలు పెట్టుకొని, తర్వాత రెండు వేలకు పెంచుకున్నాం. ఇప్పుడు ఐదు వేలకు ప్రకటించుకున్నాం.
• మొదటి సంవత్సరంలో రెండు వేల పెన్షన్ ను మూడు వేలకు, తర్వాత సంవత్సరానికి ఐదొందలు పెంచుతూ ఐదు వేలకు పెంచుతాం.
• రైతుబంధు, ఇతర కార్యక్రమాలతో ఇవ్వాల మూడు కోట్ల టన్నుల వరి పండించి భారతదేశానికే అన్నం పెడుతున్నాం.
• సిద్ధిపేట నుంచి సిరిసిల్ల వరకు ఖాళీ జాగా లేకుండా పచ్చని పంట పొలాలతో వరి ఉంది.
• తెలంగాణ ప్రజలందరూ కూడా సన్న బియ్యం ఇవ్వాలని నిర్ణయించడం జరిగింది.
• అనేకమైన అబద్ధాలతో, మోసపు మాటలు చెబుతూ ఆపదమొక్కులు మొక్కుతూ వచ్చే వాళ్లుంటరు.
• రామారావును పొగుడుకుంటే నన్ను నేను పొగుడుకున్నట్లు ఉంటది.
• రామారావు గుణగణాలు ఏందో నాకంటే మీకే ఎక్కువ తెలుసు.
• మీరూ, ఆయన కలిసి పనిచేస్తున్నరు కాబట్టి నేను రామారావును పొగిడే అవసరం లేదు.
• భవిష్యత్తులో గొప్ప విద్యా కేంద్రంగా, నీళ్లు కూడా వచ్చాయి కాబట్టి మంచి ప్రాంతంగా సిరిసిల్ల అన్ని హంగులు ఏర్పడే విధంగా నేను చర్యలు తీసుకుంటాను.
• 3 సంవత్సరాలు మేధోమథనం చేసి రైతుల భూములు క్షేమంగా ఉండాలని ధరణి పోర్టల్ తెచ్చుకున్నాం.
• ఏ మండలంలోని వారికి ఆ మండలంలోనే పావు గంటలో రిజిస్ట్రేషన్ అయిపోతావుంది.
• గతంలో రిజిస్ట్రేషన్ ఎలా ఉండె..ఇప్పుడు ఎలా ఉందో మీ కండ్ల ముందు ఉంది.
• కాంగ్రెస్ అధికారంలోకి వస్తే ధరణినీ తీసి బంగాళాఖాతంలో వేస్తామని పిసిసి అధ్యక్షుడు, సీఎల్పీ నాయకుడు, రాహూల్ గాంధీ కూడా ప్రకటించిండు. కాంగ్రెస్ పార్టీ గొడ్డలి మీ భుజమ్మీద పెట్టుకొని రెడీ గా ఉంది.
• మీ భూములపై అధికారాన్ని మీకే ఇచ్చినం.
• మీ బొటనవ్రేలు ముద్రలేకుండా మీ భూములను అమ్మే అధికారం గ్రామస్థాయి నుంచి ముఖ్యమంత్రి స్థాయి వరకు ఎవరికీ లేకుండా చేశాం.
• పల్లెలు ప్రశాంతంగా ఉన్నాయంటే ధరణియే కారణం.
• కైలాసం ఆటలో పెద్ద పాము మింగినట్లైతది. కాబట్టి జాగ్రత్తగా ఉండాలె.
• తలసరి ఆదాయం, తలసరి విద్యుత్ వినియోగంలో తెలంగాణ నంబర్ వన్.
• ప్రతి ఇంటికి నల్లా నీరు ఇస్తున్నది ఒకే ఒక రాష్ట్రం తెలంగాణ.
• కరెంటు 24 గంటలు ఉండాల్నా? లేక 3 గంటలు ఉండాల్నా?
• 60 కాంగ్రెస్ పాలనలో ఏనాడూ కరెంటు సక్కగ ఇయ్యలేదు.
• ధరణి పోతే.. మళ్లీ అధికారుల పెత్తనం
• చేనేతల కోసం కేటీఆర్ పోరాడుతున్నారు.
• సిరిసిల్లలో చేనేత కార్మికుల పరిస్థితి మార్చాం.
• ఇప్పుడు వేసవిలో కూడా అప్పర్ మానేరు మత్తడి దూకుతున్నది.
• చేనేత కార్మికులకు అండగా ఉంటాం.
• మంచి నాయకుడు, మంచి భవిష్యత్తు ఉన్న నాయకుడు కేటీఆర్ మీ దగ్గరే ఉన్నడు.
కేటీఆర్ ను దీవించి కారు గుర్తుకు ఓటు వేసి గెలిపించాలని కోరుతున్నాను.
