సీఎం, టీపీసీసీ అధ్యక్షులు రేవంత్ రెడ్డితో టీపీసీసీ వర్కింగ్ ప్రెసిడెంట్ ఎమ్మెల్సీ మహేష్ కుమార్ గౌడ్ భేటీ అయ్యారు. ముఖ్యమంత్రి రేవంత్ రెడ్డి నివాసంలో సమావేశమైన నాయకులు, పార్లమెంట్ ఎన్నికలు, తాజా రాజకీయ అంశాలపై చర్చించారు. 29న సాయంత్రం 5 గంటలకు గాంధీ భవన్ లో టీపీసీసీ ఎగ్జిక్యూటివ్ కమిటీ సమావేశం జరుగనుంది. ఈ భేటీకి ముఖ్యమంత్రి రేవంత్ రెడ్డి, ఏఐసీసీ ఇంచార్జ్ దీపాదాస్ మున్షి, ఉప ముఖ్యమంత్రి భట్టి విక్రమార్క, ఏఐసీసీ కార్యదర్శులు, సీనియర్ నాయకులు హాజరుకానున్నారు. సమావేశంలో పార్లమెంట్ ఎన్నికలపై ప్రచార వ్యూహాలపై వీరంతా చర్చించనున్నారు.
