తెలుగుదేశం పార్టీ జాతీయ అధ్యక్షులు నారా చంద్రబాబు నాయుడు శ్రీశైలం నియోజకవర్గం టీడీపీ అభ్యర్థిగా బుడ్డా రాజశేఖర రెడ్డిని ప్రకటించడంతో మండలంలోని పార్టీ కార్యకర్తలు, అభిమానులు ఆనంద డోలికలలో మునిగిపోయారు. బుడ్డా రాజశేఖరరెడ్డి, బుడ్డా శైలజ దంపతులు నంద్యాలకు వెళ్తుండగా మండలంలోని టీడీపీ కార్యాలయం వద్ద కార్యకర్తలు వారిని కలిసి, ఆఫీసులోకి ఆహ్వానించి, పుష్పగుచ్చాలతో, పూల మాలలతో, గజమాలతో బుడ్డా దంపతులను ఘనంగా సత్కరించారు.
అందరూ కలిసి పోరాడదాం
అనంతరం బుడ్డా మాట్లాడుతూ రాబోయే ఎన్నికల్లో అందరూ కలిసికట్టుగా పోరాడి, మండలంలో అత్యధిక మెజారిటీ తెస్తే, శ్రీశైల నియోజకవర్గంలో టీడీపీ విజయం తథ్యమని తెలియజేశారు. ఈ కార్యక్రమంలో శ్రీశైలం మండల టిడిపి అధ్యక్షుడు నందిపాటి నరసింహారెడ్డి, తెలుగుదేశం పార్టీ రాష్ట్ర మైనార్టీ సెల్ అధికార ప్రతినిధి పఠాన్ అన్వర్ ఖాన్, నియోజకవర్గం తెలుగు యువత అధ్యక్షులు బొల్లారం మల్లేశ్వరెడ్డి, సింగిల్ విండో మాజీ చైర్మన్ కంచర్ల మనోహర్ చౌదరి, జి.సి.పాలెం ఉపసర్పంచ్ కంచర్ల చిన్నలింగారెడ్డి, తెలుగుదేశం పార్లమెంటు కార్యదర్శి జాకీర్ ఖాన్, సిద్దిరెడ్డి మోహన్ రెడ్డి, లాయరు కృష్ణారెడ్డి, మాజీ సర్పంచ్ నందయ్య, అంజద్ ఖాన్, ఇస్మాయిల్, బారెడ్డి మోహన్ రెడ్డి, వై వి సుబ్బారెడ్డి, దేరెడ్డి చిన్న శంకర్ రెడ్డి, మిడ్తూరు జయరాంరెడ్డి, మండల తెలుగుదేశం పార్టీ నాయకులు కార్యకర్తలు తదితరులు పాల్గొన్నారు.
