కుమ్రం భీమ్ ఆసిఫాబాద్ జిల్లా కేంద్రంలోని ఆదర్శ పాఠశాల, కళాశాలలో నెట్ బాల్ సబ్ జూనియర్ అసోసియేషన్ పోటీలు నిర్వహించారు. వివిధ పాఠశాలల నుంచి విద్యార్థి, విద్యార్థినిలు సుమారు 80 మంది వరకు పాల్గొన్నారు. వారిలో ప్రతిభ కనబరిచిన బాలుర జట్టు 12 బాలికల జట్టు 12 మొత్తం జిల్లా స్థాయి నుండి 24 మంది ని సెలెక్ట్ చేసినట్టు జిల్లా అధ్యక్షులు అలిబిన్ అహ్మద్ జిల్లా కార్యదర్శి బి. తిరుపతిలు పేర్కొన్నారు.
జిల్లా అధ్యక్షులు అలీబిన్ అహ్మద్ మాట్లాడుతూ.. రాష్ట్ర స్థాయిలో కూడా ప్రతిభ కనబరిచాలని, జిల్లాకి మంచి పేరు తీసుకురావాలని అభినందించారు. ఆదర్శ పాఠశాల కళాశాల ప్రిన్సిపల్ దుర్గం మహేశ్వర్ మాట్లాడుతూ.. పిల్లలకీ స్పోర్ట్స్ వల్ల మానసిక ఆరోగ్యం మెరుగవుతుందనీ, ప్రతి ఒక్కరూ స్పోర్ట్స్ ఆడాలని తెలిపారు. సెలెక్ట్ అయిన విద్యార్థులకు అభినందనలు తెలిపారు.
ఈ కార్యక్రమంలో పి ఈ టి, పీడీలు కోచ్ సి.ఎచ్. ఏడుకొండలు, అంకిలా, నాగరాణి పాల్గొన్నారు. ఈ నెల 8 నుండి 10 తేది వరకు ఎన్టీఆర్ స్టేడియం నిర్మల్ లో జరిగే రాష్ట్ర స్థాయి సుబ్ జూనియర్ పోటీలకు ఈ జట్లు తలపడనున్నాయి.
