GT vs CSK IPL 2026: ఐపీఎల్‌ 2026లో భాగంగా చెన్నై సూపర్ కింగ్స్‌తో జరిగిన మ్యాచ్‌లో గుజరాత్ టైటాన్స్ సూపర్‌ విక్టరీని నమోదు చేసింది. చెన్నైలోని ఎం.ఎ చిదంబర్‌ స్టేడియం వేదికగా ఆదివారం జరిగిన ఈ మ్యాచ్‌లో గుజరాత్ 8 వికెట్ల తేడాతో చెన్నైని చిత్తుగా ఓడించింది. సాయి సుదర్శన్ అదరగొట్టే పర్ఫామెన్స్‌తో సీఎస్‌కే సవాల్‌ విసిరిన లక్ష్యాన్ని సులుభంగా ఛేదించింది. 

Also Read: https://teluguprabha.net/andhra-pradesh-news/minister-nadendla-manohar-said-there-is-no-fuel-shortage-in-the-state/

టాస్‌ గెలిచిన గుజరాత్‌ టైటాన్స్‌ బౌలింగ్‌ ఎంచుకోగా.. సీఎస్‌కే బ్యాటింగ్‌ దిగింది. ఓపెనర్లు క్రీజులోకి రాగనే గుజరాత్‌ బౌలర్లు పరుగుల కట్టడిలో విజయం సాధించారు. కగిసో రబాడ 3 వికెట్లు తీసి టాప్‌ ఆర్డర్‌ను పెవిలియన్‌ చేర్చాడు. సంజూ శాంసన్ (11), ఉర్విల్ పటేల్ (4), సర్ఫరాజ్ ఖాన్ (0) బ్యాటింగ్‌లో విఫలమయ్యారు. అయితే కెప్టెన్‌ రుతురాజ్‌ గైక్వాడ్‌ నిలకడగా ఆడుతూ చివరి వరకూ పోరాడాడు. 60 బంతుల్లో 74(6 ఫోర్లు, 4 సిక్సర్లు) పరుగులు చేసి హాఫ్‌ సెంచరీతో రాణించాడు. శివమ్ దూబే (22) పరుగులు చేశాడు. దీంతో చెన్నై నిర్ణీత 20 ఓవర్లలో 7 వికెట్ల నష్టానికి 158 పరుగులు చేసింది. గుజరాత్ బౌలర్లలో అర్షద్‌ ఖాన్‌, మానవ్‌ సుతార్‌, సిరాజ్‌ తలో వికెట్‌ తీశారు.  

Also Read: https://teluguprabha.net/sports-news/ipl-2026-gujarat-titans-beat-csk-by-8-wickets/

స్వల్ప లక్ష్య ఛేదనకి దిగిన గుజరాత్ టైటాన్స్ ఆరంభం నుంచే తడబడకుండా ఆడుతూ మ్యాచ్‌ను త్వరగా ముగించింది. ఓపెనర్లు సాయి సుదర్శన్ 87(46 బంతుల్లో 4 ఫోర్లు, 7 సిక్సర్లతో), శుభ్‌మన్ గిల్(33) జట్టును విజయతీరాలకు చేర్చారు. వీరిద్దరూ పెవిలియన్‌ చేరాక.. జోస్ బట్లర్(39*)తో జయభేరి మోగించాడు. దీంతో గుజరాత్‌ 16.4 ఓవర్లలోనే 2 వికెట్లు కోల్పోయి లక్ష్యాన్ని ఛేదించింది. సీఎస్‌కే బౌలర్లలో హుస్సేన్‌, నూర్‌ అహ్మద్‌ తలో వికెట్‌ పడగొట్టారు. తాజా మ్యాచ్‌ ఫలితంతో సీఎస్‌కే ఆడిన 8 మ్యాచుల్లో 3 గెలుపొందగా, గుజరాత్‌ టైటాన్స్‌ 4 విజయాలు నమోదు చేసింది.