DC vs RCB IPL 2026: ఐపీఎల్ 2026లో భాగంగా ఈ రోజు మ్యాచ్లో వార్ వన్ సైడ్గా మారిపోయింది. ఢిల్లీ క్యాపిటల్స్ను అటు బ్యాటింగ్లోనూ, ఇటు బౌలింగ్లోనూ రాయల్ ఛాలెంజర్స్ బెంగళూరు చిత్తుగా ఓడించింది. ఢిల్లీలోని అరుణ్ జైట్లీ స్టేడియం వేదికగా డీసీపై ఆర్సీబీ 9 వికెట్ల తేడాతో అద్భుతమైన విజయం సాధించింది. టాస్ ఓడి తొలుత బ్యాటింగ్కి దిగిన ఢిల్లీ జట్టు కేవలం 75 పరుగులకే కుప్పకూలిపోగా.. ఆ నామమాత్రపు స్కోరును ఆర్సీబీ కేవలం 6.3 ఓవర్లలోనే ఛేదించి ఈ సీజన్లో రికార్డు సృష్టించింది.
Also Read: https://teluguprabha.net/telangana/hyderabad/cm-revanth-launches-spandana-teams-in-hyderabad/
ఢిల్లీ ఇన్నింగ్స్లో 2.4 ఓవర్లకి కేవలం 7 పరుగులు చేసి 5 వికెట్లు కోల్పోవడం ఆ జట్టును భారీగా దెబ్బతీసింది. దీంతో డీసీ బ్యాటర్లు ఉక్కిరిబిక్కిరి అయ్యారు. జోష్ హేజిల్వుడ్(4/12), భువనేశ్వర్ కుమార్(3/5) స్వింగ్తో ఢిల్లీ బ్యాటర్లను ఉతికారేశారు. సలాం, కృనాల్ పాండ్యా, సుయాశ్ శర్మకి తలో వికెట్ దక్కింది. వీరి ధాటికి పవర్ప్లేలోనే ఢిల్లీ వెన్ను విరిగింది. అయితే ఈ క్లిష్ట పరిస్థితుల్లో అభిషేక్ పోరెల్(30) పోరాటంతో ఢిల్లీ కనీసం ఆ స్కోరు అయినా చేయగలిగింది. డేవిడ్ మిల్లర్(19) పరుగులు చేశాడు. కొందరు డకౌట్ కాగా మరికొందరు సింగిల్ డిజిట్కే పరిమితమయ్యారు. మొత్తంగా 16.3 ఓవర్లలో 75 పరుగులకు ఆలౌటైంది.
76 పరుగుల స్వల్ప లక్ష్యంతో ఛేజింగ్కి దిగిన ఆర్సీబీ పవర్ ప్లే ముగిసిన కాసేపటికే మ్యాచ్ను ముగిచింది. ఒక్క జాకబ్ బెథెల్(20) వికెట్ మాత్రమే కోల్పోయింది. కైల్ జెమీసన్ ఈ వికెట్ పడగొట్టాడు. దేవదత్ పడిక్కల్ (13 బంతుల్లో 34 నాటౌట్, 3 ఫోర్లు, 3 సిక్సర్లు), విరాట్ కోహ్లీ (15 బంతుల్లో 23 నాటౌట్)తో కలిసి మరో వికెట్ పడకుండా గెలుపు లాంఛనాన్ని పూర్తి చేశారు. తాజా మ్యాచ్ ఫలితంతో పాయింట్ల పట్టికలో ఆర్సీబీ 6 విజయాలతో రెండో స్థానంలో ఉండగా.. డీసీ మూడు విజయాలతో ఏడో స్థానంలో ఉంది. కాగా, ఇరు జట్టు 8 మ్యాచుల చొప్పున ఆడాయి.