టీ20ల్లో వెస్టిండీస్ మాజీ క్రికెటర్ కీరన్ పొలార్డ్(Kieron Pollard) చరిత్ర సృష్టించాడు. ఇంటర్నేషనల్ లీగ్ టీ20లో ఎంఐ ఎమిరేట్స్ జట్టుకు ఆడుతున్న పొలార్డ్… డెసెర్ట్ వైపర్స్‌తో గురువారం జరిగిన మ్యాచ్‌లో 36 పరుగులు సాధించాడు. ఇందులో రెండు ఫోర్లు, మూడు సిక్సర్లు ఉన్నాయి. ఈ మూడు సిక్సర్లతో కలిపి టీ20 క్రికెట్‌లో పొలార్డ్ సిక్సర్ల సంఖ్య 900 దాటింది. దీంతో టీ20 క్రికెట్ హిస్టరీలో 900 సిక్సర్లు బాదిన రెండవ ఆటగాడిగా నిలిచాడు. వెస్టిండీస్ దిగ్గజ క్రికెటర్ క్రిస్ గేల్ ఈ జాబితాలో అగ్రస్థానంలో ఉన్నారు. పొలార్డ్ ఇప్పటివరకు మొత్తం 690 మ్యాచ్‌లు ఆడి 901 సిక్సర్లు సాధించాడు.
- Advertisement -
టీ20 క్రికెట్‌లో అత్యధిక సిక్సర్లు కొట్టిన టాప్ 5 ఆటగాళ్లలో నలుగురు వెస్టిండీస్ ఆటగాళ్లు ఉండటం విశేషం.
- క్రిస్ గేల్ – 1056 సిక్సర్లు
- కీరన్ పొలార్డ్ – 901 సిక్సర్లు
- ఆండ్య్రూ రస్సెల్స్ – 727 సిక్సర్లు
- నికోలస్ పూరన్ – 592 సిక్సర్లు
- కోలిన్ మన్రో – 550 సిక్సర్లు
