ముల్తాన్ వేదిక‌గా పాకిస్థాన్, వెస్టిండీస్(PAK vs WI) జట్ల మధ్య రెండో టెస్టు ప్రారంభమైంది. టాస్ గెలిచిన వెస్టిండీస్ కెప్టెన్ క్రైగ్ బ్రాత్‌వైట్ బ్యాటింగ్ ఎంచుకున్నాడు. అయితే పాక్ బౌల‌ర్ల ధాటికి 37 ప‌రుగుల‌కే నాలుగు వికెట్లు కోల్పోయి పీకల్లోతుక‌ష్టాల్లో ప‌డింది. ఇదే సమయంలో స్పిన్నర్ నొమన్ అలీ(Noman Ali) బౌలింగ్‌కు వచ్చాడు. 12వ ఓవ‌ర్‌ బౌలింగ్ వేసిన నొమన్.. తొలి బంతికి జస్టిన్‌ గ్రీవ్స్‌(1), రెండో బంతికి టెవిన్‌ ఇమ్లాచ్‌(0), మూడో బంతికి కెవిన్‌ సిన్‌క్లెయిర్‌(0)లను ఔట్ చేసి హ్యాట్రిక్ సాధించాడు. దీంతో టెస్టుల్లో హ్యాట్రిక్ సాధించిన తొలి పాక్ స్పిన్న‌ర్‌గా నిలిచాడు. ఓవ‌రాల్‌గా పాకిస్థాన్ త‌రుపున టెస్టుల్లో హాట్రిక్ సాధించిన ఐదో బౌల‌ర్‌గా నిలిచాడు.
టెస్టుల్లో హ్యాట్రిక్ తీసిన పాక్ బౌల‌ర్లు..
వసీం అక్రమ్ – 1999లో (శ్రీలంక)
వసీం అక్రమ్ – 1999లో (శ్రీలంక)
అబ్దుల్‌ రజాక్ – 2000లో (శ్రీలంక)
నసీం షా – 2020లో (బంగ్లాదేశ్‌)
నొమన్ అలీ – 2025లో (వెస్టిండీస్)
