ఐపీఎల్ 2025 లీగ్ దశలోని చివరి మ్యాచ్ లో.. రాయల్ ఛాలెంజర్స్ బెంగళూరు (RCB) అద్భుత విజయం సాధించింది. ఈ మ్యాచ్ లో బెంగళూరు, లక్నో సూపర్ జెయింట్స్‌పై అద్భుత విజయాన్ని నమోదు చేసింది. 6 వికెట్ల తేడాతో 18.4 ఓవర్లలోనే గెలిచిన ఆర్సీబీ, ప్లేఆఫ్స్‌లో క్వాలిఫయర్-1కు అర్హత సాధించింది.
ఈ మ్యాచ్ లో తొలుత బ్యాటింగ్ చేసిన లక్నో ముందుగా బ్యాటింగ్ చేసి 20 ఓవర్లలో 3 వికెట్లు కోల్పోయి 227 పరుగుల భారీ స్కోర్‌ను నమోదుచేసింది. ఓపెనర్ మిచెల్ మార్ష్ (67) హాఫ్ సెంచరీతో మెరిశాడు. కెప్టెన్ రిషబ్ పంత్ 118 పరుగులు చేసి.. ప్రత్యర్థులకు భారీ లక్ష్యాన్ని నిలబెట్టాడు. పూరన్ (13), మాథ్యూ (12) కొంతమంది సహకరించగా.. అబ్దుల్ సమద్ చివర్లో 1 నాటౌట్ పరుగుతో నిలిచాడు. బెంగళూరు బౌలింగ్ విభాగంలో నువాన్ తుషార, భువనేశ్వర్ కుమార్, షెపర్డ్ తలో వికెట్ సాధించారు.
అయితే భారీ లక్ష్యాన్ని ఛేదించేందుకు బరిలోకి దిగిన బెంగళూరు ఆరంభం నుంచే అద్భుతంగా ఆడింది. మయాంక్ అగర్వాల్ (41) ఫలకాన్ని వేగంగా నడిపించగా, ఫిల్ సాల్ట్ (30) కీలక సహకారం అందించాడు. ఇక స్టార్స్ ఆఫ్ ది మ్యాచ్‌గా నిలిచిన కెప్టెన్ జితేశ్ శర్మ (85 నాటౌట్) అద్భుత ఇన్నింగ్స్ ఆడాడు. క్రీజులో నిశ్చలంగా నిలిచిన విరాట్ కోహ్లి (54) హాఫ్ సెంచరీతో ఆకట్టుకున్నాడు. పాటిదార్ 14 పరుగులు చేసి వెనుదిరిగాడు. లివింగ్‌స్టోన్ మాత్రం ఖాతా తెరవకుండానే వెనుదిరిగాడు. లక్నో బౌలింగ్‌లో ఒరూర్కే రెండు వికెట్లు తీసినవాడు. ఆకాష్ సింగ్, అవేశ్ ఖాన్ తలో వికెట్ సాధించారు.
ఈ విజయం ద్వారా బెంగళూరు పాయింట్ల పట్టికలో 19 పాయింట్లతో టాప్ 2లోకి ఎగబాకింది. ఇప్పటికే లక్నో ప్లేఆఫ్స్ రేసు నుంచి తప్పుకున్న విషయం తెలిసిందే. ఇదే మ్యాచ్‌తో లీగ్ దశ ముగిసింది. ఇక ఈ నెల 29న క్వాలిఫయర్-1లో పంజాబ్‌తో ఆర్సీబీ తలపడనుంది. ఈ మ్యాచ్‌లో గెలిచిన జట్టు నేరుగా ఫైనల్‌కు వెళ్లనుండగా, ఓడిన జట్టు క్వాలిఫయర్-2లో మళ్లీ ఆడనుంది. ఈ సీజన్ ఆఖర్లోనూ.. ఆర్సీబీ చూపిన ఫారమ్ చూస్తుంటే… ఈసారి కప్ మా దే.. అనే నమ్మకమే బెంగళూరు ఫ్యాన్స్‌లో మరింత బలపడుతోంది.
