National Kick Boxing Championship: ఇటీవల ఛత్తీస్‌గఢ్‌లోని రాయ్‌పూర్‌లో అఖిల భారత సీనియర్ నేషనల్ కిక్‌ బాక్సింగ్ ఛాంపియన్‌షిప్ నిర్వహించారు. ఈ ఛాంపియన్‌షిప్ లో హిమాచల్ ప్రదేశ్‌కు చెందిన మండి జిల్లా యువకుడు సుమిత్ జంవాల్ కాంస్య పతకాన్ని సొంతం చేసుకున్నాడు. ఈ పోటీలు జూలై 16 నుండి 20 వరకు బల్బీర్ సింగ్ జునేజా ఇండోర్ స్టేడియంలో నిర్వహించబడ్డాయి.
ఈ పోటీలలో దేశవ్యాప్తంగా ఉన్న ప్రతిష్టాత్మక పోలీస్, పారామిలిటరీ బృందాలు పాల్గొన్నాయి. ముఖ్యంగా అస్సాం రైఫిల్స్, కేరళ పోలీస్ వంటి బలగాల నుండి వచ్చిన టాప్ క్రీడాకారులు ఈ పోటీలో పాల్గొన్నారు. ఈ పోటీలో సుమిత్ తన ప్రతిభను చాటుతూ కేరళ పోలీస్‌కు చెందిన ఓ బలవంతమైన ప్రత్యర్థిని ఓడించడం అతని విజయాన్ని మరింత గొప్పగా నిలిపింది.
Read more: https://teluguprabha.net/sports-news/junior-mens-hockey-national-championship-2025-day5/
అయితే, సెమీఫైనల్‌కు ముందు జరిగిన బౌట్‌లో సుమిత్ గాయాలపాలయ్యాడు. అతని ముక్కు మరియు కాలు గాయాలపాలవడంతో, వైద్య బృందం అతన్ని ఫిట్ కాదని ప్రకటించింది. దాంతో సుమిత్ సెమీఫైనల్‌కు వాకోవర్ ఇవ్వాల్సి వచ్చింది. ఈ పరిస్థితుల మధ్య కాంస్య పతకంతో మళ్లీ నిలవడం సుమిత్ పట్టుదలకు, నిబద్ధతకు నిదర్శనంగా నిలిచింది.
గాయాల కారణంగా సెమీఫైనల్‌కి నేరుగా పాల్గొనలేని స్థితిలో కూడా, విజయం ఒక గమ్యం కాదు, అది ఒక ప్రయాణం అనే ధోరణితో సుమిత్ తన ప్రయాణాన్ని కొనసాగిస్తున్నాడు. ఈ పోటీలకు ముందు సుమిత్ నెలల తరబడి కఠిన శిక్షణలో పాల్గొన్నాడు. ఎత్తైన ప్రాంతాల్లో ట్రైనింగ్, స్టామినా బిల్డింగ్ వర్కౌట్స్, స్పారింగ్ సెషన్లలో అతను చేసిన కఠినతరమైన శ్రమ సుమిత్ ని బలమైన పోటీదారునిగా తీర్చిదిద్దాయి.
Read more: https://teluguprabha.net/sports-news/lionel-messi-india-tour-2025-kolkata-delhi/
తన విజయానికి ప్రధాన కారణంగా తన కోచ్ డా.సంజయ్ యాదవ్ ను గుర్తు చేస్తూ కృతజ్ఞతలు సుమిత్ తెలిపారు. ఛత్తీస్‌గఢ్ ముఖ్యమంత్రి విష్ణు దేవ్ సాయ్ సుమిత్‌ను అభినందిస్తూ, అతని ధైర్యాన్ని, క్రీడా మనోభావాన్ని ప్రశంసించారు. ఈ ఘనత యువతలో క్రీడల పట్ల ఆసక్తిని పెంచేలా, క్రీడా జీవనశైలికి ప్రోత్సాహాన్ని అందించేలా ఉంది.
