Suryakumar Yadav : జ‌ట్టులోకి ఆల‌స్యంగా వ‌చ్చినా త‌న‌దైన మార్క్‌ను చూపిస్తున్నాడు సూర్యకుమార్ యాదవ్. ఇప్ప‌టి వ‌ర‌కు కేవ‌లం 41 టీ20 మ్యాచులు మాత్ర‌మే ఆడిన‌ప్ప‌టికి ఈ ఫార్మాట్‌లో అత‌డు రికార్డుల రారాజుగా మారాడు. నేడు(ఆదివారం నవంబ‌ర్ 20) న్యూజిలాండ్‌తో జ‌రిగిన మ్యాచ్‌లో 51 బంతుల్లో 11 ఫోర్లు, 7 సిక్స‌ర్లు బాది 111 ప‌రుగుల‌తో అజేయంగా నిలిచాడు. త‌న కెరీర్‌లో రెండో శ‌త‌కం బాదిన సూర్యకుమార్ యాదవ్ ఈ క్ర‌మంలో ప‌లు రికార్డుల‌ను బ‌ద్ద‌లు కొట్టాడు.
- Advertisement -
రికార్డులు ఇవే..
- న్యూజిలాండ్ గ‌డ్డ‌పై టీ20ల్లో సెంచ‌రీ చేసిన తొలి భార‌త ఆట‌గాడిగా నిలిచాడు
- ఒక క్యాలెండ‌ర్ ఇయ‌ర్ రెండు సెంచ‌రీలు సాధించిన రెండో భార‌త ఆట‌గాడిగా రోహిత్ శ‌ర్మ రికార్డును స‌మం చేశాడు. 2018లో రోహిత్ ఈ ఘ‌న‌త సాధించాడు.
- అంత‌ర్జాతీయ టీ20 క్రికెట్‌లో భార‌త్ త‌రుపున అత్య‌ధిక శ‌త‌కాలు బాదిన కేఎల్ రాహుల్ రికార్డును స‌మ‌యం చేశాడు. రాహుల్ 72 మ్యాచుల్లో రెండు శ‌త‌కాలు చేయ‌గా సూర్య 41 మ్యాచుల్లోనే ఈ ఘ‌న‌త సాధించాడు. నాలుగు సెంచ‌రీల‌తో రోహిత్ శ‌ర్మ ఈ జాబితాలో అంద‌రి కంటే ముందు ఉన్నాడు.
- ఒక క్యాలెండ‌ర్ ఇయ‌ర్‌లో అంత‌ర్జాతీయ టీ20ల్లో అత్య‌ధిక అర్థ‌శ‌త‌కాలు(11) చేసిన రెండో ఆట‌గాడిగా రికార్డుల‌కెక్కాడు. ఈ క్ర‌మంలో పాక్ కెప్టెన్ బాబ‌ర్ అజామ్‌(10) ను అధిగ‌మించాడు. పాక్ కే చెందిన మ‌హ్మ‌ద్ రిజ్వాన్(13) ఈ జాబితాలో తొలి స్థానంలో ఉన్నాడు.
- సూర్యకుమార్ సాధించిన రెండు శ‌త‌కాలు కూడా విదేశాల్లో చేసిన‌వే. ఇలా రెండు సెంచ‌రీలు విదేశాల్లో చేయ‌డం కూడా ఓ రికార్డే.
అంత‌ర్జాతీయ టీ20 క్రికెట్‌లో సూర్యకుమార్ నేటి మ్యాచ్‌తో క‌లిపి 41 మ్యాచులు ఆడాడు. 39 ఇన్నింగ్స్‌లో 181.64 స్ట్ర‌యిక్ రేట్‌తో 45 స‌గ‌టున 1395 ప‌రుగులు చేశాడు. ఇందులో రెండు శ‌త‌కాలు, 12 అర్థ‌శ‌త‌కాలు ఉన్నాయి.
