Yuvraj Singh reaction to Abhishek Sharma:భారత క్రికెట్‌లో యువ ఆటగాళ్లలో అభిషేక్ శర్మ, శుభ్‌మన్ గిల్ పేర్లు ప్రస్తుతం ఎక్కువగా వినిపిస్తున్నాయి. ఇద్దరూ తమ ప్రతిభతో కొత్త తరం బ్యాట్స్‌మెన్‌గా ఎదుగుతున్నారు. ఈ ఇద్దరికి ఉన్న అనుబంధం కూడా ప్రత్యేకమే. చిన్ననాటి స్నేహితులైన వీరు దాదాపు పదమూడు సంవత్సరాల వయస్సు నుంచే కలిసి బ్యాట్ పట్టారు.

వీరి క్రికెట్‌ ప్రయాణంలో ప్రధాన పాత్ర పోషించిన గురువు ఎవరో అంటే, భారత మాజీ ఆల్‌రౌండర్ యువరాజ్ సింగ్.ఇటీవల ఈ ముగ్గురి పేర్లు మళ్లీ వార్తల్లోకి వచ్చాయి. కారణం అభిషేక్ శర్మ, శుభ్‌మన్ గిల్ ఆస్ట్రేలియాలో తీరిక సమయంలో గడిపిన కొన్ని ఫొటోలు. ప్రస్తుతం టీ20 సిరీస్ కోసం భారత జట్టు ఆస్ట్రేలియా పర్యటనలో ఉంది. ఐదు మ్యాచ్‌ల సిరీస్‌లో రెండు జట్లు చెరో మ్యాచ్ గెలిచాయి. నాలుగో టీ20 గోల్డ్ కోస్ట్‌లో నవంబర్ 6న జరగనుంది.

Also Read: https://teluguprabha.net/sports-news/india-squad-for-hong-kong-sixes-2025-dinesh-karthik-to-lead/

షర్ట్ లేకుండా..

మ్యాచ్‌ల మధ్య విరామం వచ్చిన నేపథ్యంలో అభిషేక్, గిల్ ఇద్దరూ గోల్డ్ కోస్ట్ బీచ్‌లో సరదాగా గడపాలని నిర్ణయించారు. వారు బీచ్‌లో సేదతీరుతూ తీసుకున్న ఫొటోలను సోషల్ మీడియాలో పోస్ట్ చేశారు. షర్ట్ లేకుండా సముద్రంలోకి వెళ్లి సరదాగా ఉన్న ఈ ఫొటోలు క్షణాల్లో వైరల్ అయ్యాయి.

మీ ఇద్దరినీ నా షూలతో కొడతా..

ఈ ఫొటోలు యువరాజ్ సింగ్ దృష్టికి కూడా వెళ్లాయి. తన ఇద్దరు శిష్యులు ఆస్ట్రేలియాలో బీచ్‌లో ఎంజాయ్ చేస్తున్న దృశ్యాలను చూసి యువరాజ్ స్పందించాడు. అభిషేక్ శర్మ పోస్ట్‌పై యువరాజ్ పంజాబీ భాషలో సరదాగా కామెంట్ చేస్తూ “జుటీ లావన్ దోనా దే” అని రాశాడు. దాని అర్థం, “మీ ఇద్దరినీ నా షూలతో కొడతా” అన్నట్లుగా ఉంటుంది. ఈ వ్యాఖ్య హాస్యాత్మకంగా ఉన్నప్పటికీ, సోషల్ మీడియాలో ఇది చర్చకు దారి తీసింది.

గురువు తన శిష్యుల పట్ల..

అభిమానులు యువరాజ్ కామెంట్‌కి విపరీతంగా స్పందించారు. కొందరు ఆయన సరదాగా అన్నారనగా, మరికొందరు “గురువు తన శిష్యుల పట్ల క్రమశిక్షణను గుర్తు చేస్తున్నాడు” అని అభిప్రాయపడ్డారు. కానీ ఈ మొత్తం వ్యవహారం సరదాగా సాగింది.

అభిషేక్, గిల్‌లకు యువరాజ్ సింగ్ ప్రత్యేక బంధం ఉంది. క్రికెట్‌లో అడుగుపెట్టినప్పటి నుంచి యువరాజ్ వీరికి బ్యాటింగ్‌లో పలు చిట్కాలు నేర్పాడు. ఆ మార్గదర్శకత్వం వల్లే ఈ ఇద్దరు యువ ఆటగాళ్లు ఐపీఎల్, అంతర్జాతీయ స్థాయిలో త్వరగా ఎదిగారు. ఇప్పుడు భారత్ తరపున టీ20 సిరీస్‌లో ప్రారంభ బ్యాట్స్‌మన్‌లుగా ఆడుతున్నారు.

సిరీస్ మొదటి మూడు మ్యాచ్‌లలో అభిషేక్ శర్మ ఒక అర్ధసెంచరీతో ఆకట్టుకున్నాడు. గిల్ మాత్రం పెద్ద ఇన్నింగ్స్ ఆడలేకపోయాడు. అయినా ఇద్దరూ జట్టుకు కీలక ఆటగాళ్లుగా ఉన్నారు.

Also Read: https://teluguprabha.net/sports-news/ms-dhoni-will-play-ipl-2026-confirms-chennai-ceo/

యువరాజ్ సింగ్ తన శిష్యులపై ఎప్పుడూ గర్వంగా ఉంటాడని తెలిసిన విషయమే. ఆయనకు ఈ ఇద్దరి ప్రతిభపై నమ్మకం ఉంది. అయితే గురువుగా యువరాజ్ కోరేది ఒక్కటే. వారు సరదాగా గడపడం కంటే మైదానంలో జట్టు విజయానికి కృషి చేయాలని.

భారత్ ప్రస్తుతం సిరీస్‌ను గెలవాలంటే చివరి రెండు మ్యాచ్‌లు గెలవాలి. ఆస్ట్రేలియా కూడా అదే లక్ష్యంతో ఉంది. ఇలాంటి సందర్భంలో యువరాజ్ చేసిన కామెంట్ అభిమానుల్లో ఆసక్తి రేపింది. ఆయన తన శిష్యులను సరదాగా ఆటపట్టించినా, వాస్తవానికి వారిపై ఉన్న ప్రేమను, అంచనాలను ఆ వ్యాఖ్య చూపిస్తుంది.

నేర్పులు, మానసిక ధృడత..

యువరాజ్ సింగ్ గతంలో ఎన్నో సార్లు భారత జట్టును గెలుపు దిశగా నడిపించాడు. ఆయన నేర్పులు, మానసిక ధృడత ఇప్పుడు ఈ కొత్త తరం ఆటగాళ్లలో ప్రతిబింబిస్తుంది. అభిషేక్ శర్మ, శుభ్‌మన్ గిల్ వంటి ఆటగాళ్లు భవిష్యత్తులో భారత క్రికెట్‌కు కొత్త విజయాలను అందిస్తారని ఆయన ఆశిస్తున్నాడు.