Airtel Rs.189 Recharge Plan: ప్రముఖ టెలికాం సంస్థ ఎయిర్‌టెల్ తన కోట్లాది కస్టమర్ల షాక్ ఇచ్చింది. కంపెనీ తన ప్రీపెయిడ్ రీఛార్జ్ ప్లాన్ పోర్ట్‌ఫోలియో నుండి రూ.189 ప్లాన్‌ను నిలిపివేసింది. ఇది కంపెనీ వాయిస్-ఓన్లీ ప్లాన్. ఈ రీఛార్జ్ ప్లాన్ తర్వాత కస్టమర్లు తమ నంబర్‌ను యాక్టివ్‌గా ఉంచడానికి కనీసం రూ.199కి రీఛార్జ్ చేసుకోవాల్సి ఉంటుంది. ఈ ప్లాన్‌ను నిలిపివేయడం ద్వారా డేటా-సెంట్రిక్ ప్లాన్‌ల వైపు కంపెనీ తన పురోగతిని సూచించింది. ఈ ఎయిర్‌టెల్ రూ.189 రీఛార్జ్ ప్లాన్ సీనియర్ సిటిజన్లు, డేటా అవసరం లేని వినియోగదారులకు ఉపయోగకరంగా ఉండేది. ఇది కేవలం వాయిస్ కాలింగ్‌ను మాత్రమే అందించింది. ఈ ప్లాన్ తొలగింపు తర్వాత ఎయిర్‌టెల్ ఎంట్రీ-లెవల్ ప్లాన్ డేటా, ఇతర డిజిటల్ ప్రయోజనాలను అందిస్తుంది. అయితే, కాలింగ్ సేవలను మాత్రమే ఉపయోగించే కస్టమర్లు ఇప్పుడు మొబైల్ రీఛార్జ్‌ల కోసం అధిక ధర చెల్లించి ఇతర రీఛార్జ్ ప్లాన్ కొనుగోలు చేయాల్సి ఉంటుంది. ఇప్పుడు నిలివేసిన ఎయిర్ టెల్ రూ.189 రీఛార్జ్ ప్లాన్ గురించి వివరంగా తెలుసుకుందాం.

also read:Vida VX2 Go: విడా VX2 Go కొత్త వేరియంట్ లాంచ్..రేంజ్ 100కి.మీ..ధరెంతో తెలుసా..?

ఎయిర్‌టెల్ రూ.189 రీఛార్జ్ ప్లాన్‌

ఎయిర్‌టెల్ తన ప్రీపెయిడ్ ప్లాన్‌లను అప్‌డేట్ చేసి రూ.189 ప్లాన్‌ను నిలిపివేసింది. ఇప్పుడు కొత్త రూ. 199 ప్లాన్ కంపెనీ వెబ్‌సైట్‌లో అందుబాటులో ఉంది. ఈ రీఛార్జ్ ప్లాన్ కంపెనీ అత్యంత చౌకైన రీఛార్జ్ ప్లాన్‌గా నిలిచింది. ఈ రూ.189 రీఛార్జ్ ప్లాన్ దేశవ్యాప్తంగా ఏ నెట్‌వర్క్‌కైనా వినియోగదారులకు అపరిమిత కాలింగ్ ప్రయోజనాలను అందించేది. అయితే, ఈ ప్లాన్ డేటాను అందించలేదు. ఇప్పుడు కస్టమర్లు ఎంట్రీ-లెవల్ రీఛార్జ్ కోసం రూ. 199 ప్లాన్ కొనుగోలు చేయాల్సి ఉంటుంది. ఈ ప్లాన్ డేటా, వాయిస్, SMS సేవలను అందిస్తుంది. ఇప్పుడు ఎయిర్‌టెల్ రూ. 199 ప్లాన్ వివరాల్లోకి వెళ్తే!

ఎయిర్‌టెల్ రూ.199 రీఛార్జ్ ప్లాన్

ఎయిర్‌టెల్ కొత్త రూ. 199 ప్లాన్ అపరిమిత వాయిస్ కాలింగ్‌ను అందిస్తుంది. అదనంగా, వినియోగదారులు రోజుకు 100 మెసేజెస్, 28 రోజుల పాటు 2GB డేటాను ఆస్వాదించవచ్చు. అదనంగా ఈ ప్లాన్‌లో ఉచిత హలో ట్యూన్స్, పెర్ప్లెక్సిటీ ప్రో AI టూల్‌కు ఒక సంవత్సరం సబ్‌స్క్రిప్షన్ కూడా అందుబాటులో ఉంది.