Iphone 17e Update: టెక్ దిగ్గజం ఆపిల్ 2026 ను అట్టహాసంగా ప్రారంభించడానికి సిద్ధంగా ఉంది. కంపెనీ రాబోయే రోజుల్లో సరసమైన ధరకు ఐఫోన్ 17e విడుదల చేయడానికి రెడీ అయింది. తదుపరి ఐఫోన్ లైనప్ కోసం ముఖ్యంగా, ఐఫోన్ 17e కోసం ఎదురుచూస్తున్న ఆపిల్ ప్రియులకు ఇది గుడ్ న్యూస్ అని చెప్పవచ్చు. చైనీస్ మైక్రోబ్లాగింగ్ ప్లాట్ఫామ్ వీబో నుంచి వచ్చిన కొత్త లీక్ ఈ సరసమైన ఐఫోన్ మోడల్ త్వరలో భారీ ఉత్పత్తిలోకి ప్రవేశిస్తుందని సూచిస్తుంది. సమాచారం ప్రకారం..ఆపిల్ ఐఫోన్ 17eలో డైనమిక్ ఐలాండ్ డిస్ప్లేను పరిచయం చేస్తుంది.
వీబోలో టిప్స్టర్ స్మార్ట్ పికాచు ప్రకారం..జనవరి 9 వరకు లాస్ వెగాస్లో ముగిసే CES 2026 తర్వాత ఆపిల్ త్వరలోనే ఐఫోన్ 17e భారీ ఉత్పత్తిని ప్రారంభిస్తుంది. రాబోయే హ్యాండ్సెట్ “తక్కువ-ధర ఫ్లాగ్షిప్” స్మార్ట్ఫోన్లతో పోటీ పడుతోంది. ఐఫోన్ 17e 2026 మేలో లాంచ్ అవుతుందనే టాక్ వినిపిస్తున్నప్పటికీ, ఈ ఏడాది చివర్లో లాంచ్ అయ్యే అవకాశం కనిపిస్తోంది.
ఐఫోన్ 17e ఈ అప్గ్రేడ్లతో వస్తుంది (అంచనా)
- ఐఫోన్ 17e డైనమిక్ ఐలాండ్తో 6.1-అంగుళాల డిస్ప్లేను కలిగి ఉంటుంది. దీని అర్థం ఆపిల్ దాని ఎంట్రీ-లెవల్ లైనప్ నుండి నాచ్ను తొలగిస్తోంది. స్క్రీన్ ఇప్పుడు స్లిమ్ ఐలాండ్ను కలిగి ఉంటుంది. ప్యానెల్ 60Hz రిఫ్రెష్ రేటు వద్ద ఉండవచ్చు.
- మెరుగైన పనితీరు కోసం ఐఫోన్ 17e ఐఫోన్ 17లో ఉన్న అదే A19 చిప్సెట్ను కలిగి ఉంటుందని భావిస్తున్నారు. కొత్త చిప్సెట్లో శక్తి-సమర్థవంతమైన C1 మోడెమ్, N1 వైర్లెస్ చిప్ కూడా ఉంటుందని భావిస్తున్నారు.
- డిజైన్ గణనీయంగా మారినప్పటికీ, ఇది సన్నని ప్రొఫైల్, బహుళ రంగు ఎంపికలను కలిగి ఉండవచ్చు.
- కెమెరా విషయానికి వస్తే..ఐఫోన్ 16e లాగా, 17eలో కూడా ఒకే వెనుక కెమెరా ఉంటుంది. ఇది 48MP వెనుక కెమెరా, సెల్ఫీలు అండ్ వీడియో కాల్ల కోసం..18MP ఫ్రంట్-ఫేసింగ్ లెన్స్ను కలిగి ఉంటుందని భావిస్తున్నారు.
- ఐఫోన్ 17e వేగవంతమైన ఛార్జింగ్తో 4000mAh బ్యాటరీని కలిగి ఉండే అవకాశం ఉంది.
ధర వివరాలు ఇవేనా?
ఇటీవలి నివేదికల ప్రకారం..ఈ ఐఫోన్ ఇండియాలో రూ.60,000 నుంచి రూ.65,000 ర్యాంఫ్లే లో ఉండవచ్చు. కంపెనీ ఇందులో 128GB వేరియంట్ కాకుండా 256GB వేరియంట్ను ప్రామాణికంగా ఉంచుతుందని కూడా భావిస్తున్నారు. అయితే, ఈ ఊహాగానాలను కంపెనీ ఇంకా ధృవీకరించలేదు.