Apple Veritas App Siri Upgrade : టెక్ వరల్డ్‌లో యాపిల్ ఒక్కొక్కసారి సర్ప్రైజ్ ఇస్తుంటుంది కదా. ఇప్పుడు తమ పాపులర్ వాయిస్ అసిస్టెంట్ సిరికి భారీ అప్‌గ్రేడ్ ఇవ్వడానికి సిద్ధమవుతోంది. దీనికోసం చాట్‌జీపీటీ లాంటి ఒక స్పెషల్ యాప్‌ను రూపొందించింది. ఈ యాప్ కోడ్‌నేమ్ ‘వెరిటాస్’ – లాటిన్‌లో ‘నిజం’ అని అర్థం. ఇది యాపిల్ ఇంజినీర్లు మాత్రమే ఉపయోగించే ఇంటర్నల్ టూల్. దీని ద్వారా నెక్స్ట్-జెన్ సిరి AI ఫీచర్లను టెస్ట్ చేసి, లోపాలు సరిచేసుకుని 2026లో మార్కెట్‌లోకి తీసుకురావాలని ప్లాన్.

బ్లూమ్‌బర్గ్ రిపోర్ట్ ప్రకారం, వెరిటాస్ యాప్ పాపులర్ చాట్‌బాట్‌ల్లా పని చేస్తుంది. మల్టిపుల్ కన్వర్సేషన్లు మేనేజ్ చేయొచ్చు, పాస్ట్ చాట్‌లను సేవ్ చేసి రిఫరెన్స్ చేయొచ్చు, లాంగ్ బ్యాక్-అండ్-ఫోర్త్ ఎక్స్‌చేంజ్‌లు సపోర్ట్ చేస్తుంది. యాపిల్ AI టీమ్ దీని ఉపయోగించి రియల్-వరల్డ్ చాట్స్‌ను సిమ్యులేట్ చేస్తోంది. సిరి సమాధానాల నాణ్యత, ప్రాంప్ట్ స్ట్రాటజీస్, ఎర్రర్ హ్యాండ్లింగ్ వంటి అంశాలను మెరుగుపరుస్తోంది. ఈ యాప్ ‘లిన్‌వుడ్’ పేరుతో అభివృద్ధి చేసిన లార్జ్ లాంగ్వేజ్ మోడల్ (LLM) మీద ఆధారపడి పని చేస్తుంది. ఇది యాపిల్ ఫౌండేషన్ మోడల్స్ టీమ్ వర్క్‌తో థర్డ్-పార్టీ మోడల్ కాంబినేషన్.

మొదట ఐఓఎస్ 18తో నెక్స్ట్-జెన్ సిరిని లాంచ్ చేయాలని యాపిల్ ప్లాన్ చేసింది. కానీ టెక్నికల్ ఇష్యూస్ వల్ల డిలే అయ్యింది – ఫీచర్లు ఒక మూడవ వంతు టైమ్‌లో ఫెయిల్ అవుతున్నాయని రిపోర్ట్స్. ఇప్పుడు 2026 మార్చిలో, బహుశా iOS 19.4తో విడుదల చేయాలని లక్ష్యం. అంతేకాదు, 2026 చివరికి సిరి డిజైన్‌కు కూడా మార్పులు తీసుకురావాలని భావిస్తోంది. ఈ అప్‌గ్రేడ్‌తో సిరి పర్సనల్ డేటా (ఈమెయిల్స్, టెక్స్ట్స్, క్యాలెండర్) సెర్చ్ చేసి, ఇన్-అప్ టాస్కులు (ఫోటో ఎడిటింగ్, రిజర్వేషన్లు) చేయగలదు. ఇది సిరిని మరింత కన్వర్సేషనల్‌గా, ఇంటెలిజెంట్‌గా మారుస్తుంది.

ప్రస్తుతం గూగుల్ అసిస్టెంట్, సామ్‌సంగ్ బిక్స్‌బైతో పోలిస్తే సిరి AI రంగంలో వెనుకబడి ఉందని నిపుణులు అంటున్నారు. యాపిల్ CEO టిమ్ కుక్ AIని ‘డెకేడ్స్‌లో అతి పెద్ద ట్రాన్స్‌ఫర్మేషన్’ అని పిలిచారు. కంపెనీ ఓపెన్‌ఏఐ, క్లాడ్, గూగుల్ జెమిని వంటి టీమ్‌లతో చర్చలు జరిపింది. భవిష్యత్తులో AI ఆధారిత్ స్మార్ట్ హోమ్ డివైసెస్ (హోమ్‌పాడ్, యాపిల్ టీవీ), వెబ్ సెర్చ్ సేవల్లో కూడా కొత్త ఫీచర్లు తీసుకురావాలని యోచిస్తోంది. వెరిటాస్ 2023లోని యాపిల్‌జీపీటీ ప్రోటోటైప్ సక్సెసర్. ఇది పబ్లిక్‌కు విడుదల కాదు, కానీ సిరి ఫ్యూచర్‌ను షేప్ చేస్తుంది.