Bsnl Special Plan: ప్రైవేట్ టెలికాం కంపెనీలతో బిఎస్ఎన్ఎల్ పోటీపడుతోంది. ఎయిర్టెల్, వోడాఫోన్, జియో తో పోలిస్తే బిఎస్ఎన్ఎల్ రీఛార్జ్ ప్లాన్లు చాలా చవకగా ఉంటాయి. ఈ కారణంతోనే చాలామంది తమ సిమ్ ను బిఎస్ఎన్ఎల్ కు పోర్ట్ చేసుకుంటారు. కస్టమర్లను ఆకర్షించేందుకు బిఎస్ఎన్ఎల్ అనేక బెనిఫిట్స్ తో కొత్త ప్లాన్లను తీసుకువస్తూనే ఉంది. ఈ క్రమంలోనే బిఎస్ఎన్ఎల్ విద్యార్థుల, మహిళల కోసం ప్రత్యేకంగా రూపొందించిన కొత్త ప్లాన్‌లను త్వరలో ప్రవేశపెట్టనున్నట్లు CMD ఏ. రాబర్ట్ జె. రవి తెలిపారు. ఈ ప్రకటనతో పాటు బాలల దినోత్సవం సందర్భంగా కొత్త స్టూడెంట్ స్పెషల్ ప్లాన్లను సంస్థ ఇప్పటికే మార్కెట్లోకి తీసుకొచ్చింది. విద్యార్థులను లక్ష్యంగా చేసుకుని రూపొందించిన ఈ బిఎస్ఎన్ఎల్ స్టూడెంట్ స్పెషల్ ప్లాన్ పరిమిత కాలానికి మాత్రమే అందుబాటులో ఉంటుంది.

also read:Oppo Reno 15 Series Launched: ఒప్పో రెనో 15 సిరీస్ వచ్చేసిందోచ్..6500ఎంఏహెచ్​ బ్యాటరీ, 200ఎంపీ కెమెరా!

బిఎస్ఎన్ఎల్ స్టూడెంట్ స్పెషల్ ప్లాన్ అంటే ఏమిటి?

బిఎస్ఎన్ఎల్ స్టూడెంట్ స్పెషల్ ప్లాన్ విద్యార్థుల కోసం ప్రత్యేకంగా రూపొందించబడిన పరిమిత కాల ఆఫర్.ఈ ప్లాన్ రోజుకు కేవలం రూ. 8.96 (రూ.251/28 రోజులు)రీఛార్జ్ తో వాయిస్ కాలింగ్, డేటా, SMS సేవలను అందిస్తుంది. ఈ ప్లాన్ అపరిమిత కాలింగ్‌తో పాటు 100GB హై-స్పీడ్ డేటా, రోజుకు 100 SMS ప్రయోజనాలను అందిస్తుంది. ఈ ప్లాన్ ను నవంబర్ 14 నుండి డిసెంబర్ 13, 2025 వరకు యాక్టివేట్ చేయవచ్చు. ఈ ఆఫర్ కొత్త వినియోగదారులకు మాత్రమే కాకుండా అందరికి అందుబాటులో ఉండటం ప్రత్యేకత. కస్టమర్లు ఈ ప్లాన్‌ను పొందడానికి సమీపంలోని బిఎస్ఎన్ఎల్ కస్టమర్ సర్వీస్ సెంటర్‌ను సందర్శించడం ద్వారా లేదా 1800-180-1503 కు కాల్ చేయడం ద్వారా లేదా బిఎస్ఎన్ఎల్ వెబ్ సైట్ కు వెళ్లి ప్లాన్‌ను యాక్టివేట్ చేసుకోవచ్చు.

దేశవ్యాప్తంగా బిఎస్ఎన్ఎల్ స్వదేశీ టెక్నాలజీ ఆధారంగా డెవలప్ చేసిన అత్యాధునిక క 4G మొబైల్ నెట్‌వర్క్‌ను ప్రవేశపెట్టిన నేపథ్యంలో ఈ ప్లాన్‌ను విడుదల చేసినట్లు CMD తెలిపారు. భారతదేశం ప్రపంచంలోనే తన స్వంత 4G టెక్నాలజీని అభివృద్ధి చేసుకున్న ఐదవ దేశమని, ఈ టెక్నాలజీని బిఎస్ఎన్ఎల్ చాలా కాలంగా అభివృద్ధి చేసి ఇప్పుడు జాతీయస్థాయిలో విజయవంతంగా అమలు చేస్తోందని ఆయన పేర్కొన్నారు.