Flipkart Diwali Dhamaka Sale: ఇటీవలే దసరా సందర్భంగా బిగ్‌ బిలియన్‌ డేస్‌ సేల్ నిర్వహించిన ఫ్లిప్కార్ట్.. ఇప్పుడు మరో సేల్‌తో ముందుకొచ్చింది. దీపావళి సందర్భంగా దివాళీ దమాకా సేల్‌ను ప్రకటించింది. ఫ్లిప్‌కార్ట్‌లో ఈ సేల్ రేపు (అక్టోబర్ 11)న ప్రారంభమవుతుంది. ఈ సేల్‌లో మరోసారి స్మార్ట్ఫోన్లపై కళ్లు చెదిరే డిస్కౌంట్లు లభించనున్నాయి. శాంసంగ్, వివో, నథింగ్ వంటి బ్రాండ్‌ల నుండి కొత్త ఫోన్‌లను భారీ డిస్కౌంట్లతో వీటిని కొనుగోలు చేయచ్చు. ఫ్లిప్కార్ట్ బ్లాక్, ప్లస్ మెంబర్లకు ఈ ఆఫర్లు ఉదయం 12 గంటల నుండి సేల్ అందుబాటులో ఉంటాయి. సాధారణ యూజర్లకు 12న రాత్రి 12 గంటల నుంచి సేల్ లైవ్‌లో ఉంటుంది. ఈ ఫ్లిప్కార్ట్ దీపావళి ధమాకా సేల్‌లో అందుబాటులో ఉన్న టాప్ స్మార్ట్ఫోన్ ఆఫర్లపై ఓలుక్కేద్దాం.
రియల్‌మీ 15 ప్రో
ఈ రియల్‌మీ ఫోన్ కేవలం రూ.26,999 ప్రారంభ ధరకు అందుబాటులో ఉంటుంది. ఫోన్ కొనుగోలుపై బ్యాంక్ డిస్కౌంట్లు, ఎక్స్ఛేంజ్ ఆఫర్లు కూడా అందుబాటులో ఉంటాయి. ఈ ఫోన్ 12 జీబీ ర్యామ్, 256 జీబీ స్టోరేజ్, 50 మెగాపిక్సెల్ డ్యూయల్ కెమెరా, 6.8 అంగుళాల అమోలెడ్ డిస్‌ప్లేతో వస్తుంది. ఈ స్మార్ట్ఫోన్ క్వాల్‌కమ్ స్నాప్‌డ్రాగన్ 7 జెన్ 4 ప్రాసెసర్‌తో పనిచేస్తుంది. ఫోన్‌లో 7000mAh బ్యాటరీ ఉంది. ఈ బ్యాటరీ ఫాస్ట్ ఛార్జింగ్‌‌కి కూడా సపోర్ట్ చేస్తుంది.
నథింగ్ ఫోన్(3a)
ఇది ఈ ఏడాది నథింగ్ సంస్థ నుంచి వచ్చిన మిడ్-బడ్జెట్ ఫోన్. రూ.24,999 ప్రారంభ ధరతో విడుదలైన ఈ ఫోన్‌ను సేల్‌లో రూ.4,000 కంటే తక్కువ ధరకు కొనుగోలు చేయవచ్చు. అంటే కేవలం రూ.20,999 వద్ద అందుబాటులో ఉంటుంది. ఈ ఫోన్‌లో 50మెగాపిక్సెల్ కెమెరా, 5000mAh బ్యాటరీతో పాటు అనేక ఇతర ఫీచర్లు ఉన్నాయి.
వివో T4R 5G
ఈ వివో ఫోన్ రూ.17,499 ప్రారంభ ధరకు అందుబాటులో ఉంది. ఈ ఫోన్‌లో 5700mAh బ్యాటరీ, మీడియాటెక్ డైమెన్సిటీ 7400 ప్రాసెసర్, 12జీబీ ర్యామ్ వంటి ఫీచర్లు ఉన్నాయి. ఈ వివో ఫోన్ కొనుగోలుపై 10 శాతం ఇన్‌స్టంట్ బ్యాక్ డిస్కౌంట్ లభిస్తుంది. ఎక్స్ఛేంజ్ ఆఫర్ కూడా అందుబాటులో ఉంటుంది.
శామ్‌సంగ్‌ గెలాక్సీ F36
ఈ శాంసంగ్ ఫోన్ 8జీబీ ర్యామ్, 256జీబీ స్టోరేజ్‌తో వస్తుంది. ఈ ఫోన్ కొనుగోలుపై భారీ డిస్కౌంట్లు లభిస్తాయి. ఈ ఫోన్‌ను రూ.13,999 ప్రారంభ ధర వద్ద కొనుగోలు చేయవచ్చు. బ్యాంక్ డిస్కౌంట్లు, ఎక్స్ఛేంజ్ ఆఫర్లు కూడా అందుబాటులో ఉంటాయి.
