కొత్త సంవత్సరం ప్రారంభం బంగారం ధరల్లో కొన్ని మార్పులు కనిపించినప్పటికీ, ఫిబ్రవరి నెల మాత్రం బంగారం ధరలు భారీగా పెరిగాయి. ఈ ధరలు పెట్టుబడిదారులు, సాధారణ ప్రజలు, వ్యాపారులు, ఉత్పత్తిదారులందరినీ ఆందోళనకు గురిచేసింది. ఇందుకు తగ్గట్టు, ఇండియాలో బంగారం ధర పెరగడం సామాన్య ప్రజలు, వ్యాపారులు, ఉత్పత్తిదారులపై తీవ్ర ప్రభావం చూపుతోంది. బంగారం కొనుగోలు చేసే వారు ఈ అధిక ధరలతో కొనాలా వద్దా అని సతమతమవుతున్నారు. గతంలో ఎన్నో సార్లు బంగారం ధరలు పెరిగినప్పటికీ, ఈసారి ధరలు ఎంతో పెరిగాయి. అయితే మార్చి నెల ప్రారంభం బంగారం ధర తగ్గింది. దీనితో బంగారం వైపు కొంచెం మొగ్గు చూపుతున్నారు.
ఫిబ్రవరి 27న 22 క్యారట్ల బంగారం ధర రూ.8010 (ఒక గ్రాముకు)గా ఉంది, అంటే 10 గ్రాముల బంగారం ధర రూ.80100 ఉంది. అదే 24 క్యారట్ల బంగారం ధర రూ.8738 (ఒక గ్రాముకు)గా ఉంది. 10 గ్రాముల ధర రూ.87380 గా ఉంది.
ఫిబ్రవరి 28న, 22 క్యారట్ల బంగారం ధర ఒక గ్రాముకి రూ.7960 వరకు తగ్గింది. అంటే 10 గ్రాముల బంగారం ధర రూ.79600 కి చేరింది. అలాగే, 24 క్యారట్ల బంగారం ధర ఒక గ్రాము రూ. 8684 తగ్గింది, అంటే 10 గ్రాముల ధర రూ.86840.
అయితే, ఈ రోజు బంగారం ధరలు మరలా కొంచెం తగ్గాయి. 22 క్యారట్ల బంగారం ధర రూ.20 లు తగ్గి రూ.7940కి చేరింది. 10 గ్రాముల ధర రూ.79400గా ఉంది. అదే 24 క్యారట్ల బంగారం ధర రూ.22 లు తగ్గి రూ.8662 చేరింది. 10 గ్రాముల ధర రూ.86620 గా ఉంది. నిపుణులు చెబుతున్నట్టుగా, ఈ ధరలు క్రమంగా తగ్గే అవకాశాలు ఉన్నాయి. ఈ నెలలో బంగారం ధరలు మరింత తగ్గవచ్చు.
