Google Pixel 10 Offer on Amazon Festive Sale: సెర్చింజన్‌ దిగ్గజం గూగుల్ స్మార్ట్‌ఫోన్‌ మార్కెట్‌లోనూ దూసుకుపోతోంది. ఈ కంపెనీ కొన్ని ఫోన్లను మాత్రమే మార్కెట్‌లో రిలీజ్‌ చేస్తున్నటప్పటికీ మంచి డిమాండ్‌ సంపాదించుకుంది. ఐఫోన్లకు పోటీగా గూగుల్‌ అద్భుతమైన ఫీచర్లను అందిస్తుండటంతో పిక్సెన్‌ ఫోన్లను ఎగబడి మరీ కొంటున్నారు. అమ్మకాలను మరింతగా పెంచుకునేందుకు గూగుల్‌ మరో తన లేటెస్ట్‌ పిక్సెల్ 10 స్మార్ట్‌ఫోన్‌పై అధిరిపోయే డిస్కౌంట్‌ను ప్రకటించింది. ఏకంగా రూ. 11 వేల తగ్గింపును అందిస్తోంది. అమెజాన్ గ్రేట్ ఇండియన్ ఫెస్టివల్ దీపావళి సేల్‌లో ఈ ఆఫర్‌ను అందజేస్తోంది. ఈ ఆఫర్‌కు సంబంధించిన పూర్తి వివరాలు తెలుసుకుందాం.

గూగుల్‌ పిక్సెల్‌ 10 ఆఫర్

గూగుల్ పిక్సెల్ 10 ఫోన్ భారత మార్కెట్‌లో రూ.79,999 వద్ద లాంచ్ అయింది. ఈ ఫోన్‌పై ఇప్పడు 14 శాతం డిస్కౌంట్ లభిస్తోంది. దీంతో కేవలం రూ. 68,890 వద్ద కొనుగోలు చేయచ్చు. అంటే మొత్తంమీద రూ.11,110 వరకు ఆదా చేయవచ్చు. అంతేకాకుండా అమెజాన్ పే బ్యాలెన్స్ నుంచి పేమెంట్ చేస్తే రూ.2,066 వరకు క్యాష్‌బ్యాక్ లభిస్తుంది. దానితో పాటు ఎస్‌బీఐ క్రెడిట్ కార్డ్ లేదా యాక్సిస్ బ్యాంక్ క్రెడిట్ కార్డ్‌ని ఉపయోగించి కొనుగోలు చేస్తే మరో రూ.1,000 వరకు తగ్గింపు పొందచ్చు.

గూగుల్‌ పిక్సెల్‌ 10 స్పెసిఫికేషన్లు..

గూగుల్ పిక్సెల్ 10 ఫోన్‌లో 6.3 అంగుళాల ఓఎల్ఈడీ డిస్‌ప్లే ఉంటుంది. ఈ డిస్‌ప్లే 1080 x 2424 రిజల్యూషన్, స్మూత్ స్క్రోలింగ్ కోసం 120 Hz రిఫ్రెష్ రేట్‌తో వస్తుంది. 3,000 నిట్స్ వరకు పీక్ బ్రైట్నెస్‌కి సపోర్ట్ చేస్తుంది. దీనితో పాటు కార్నింగ్ గొరిల్లా గ్లాస్ విక్టస్ 2 ప్రొటక్షన్ కూడా అందించారు. ఇది వాటర్, డస్ట్ రెసిస్టెనక్స్ కోసం IP68 రేటింగ్‌ను కూడా పొందుతుంది. ఈ ఫోన్ అబ్సిడియన్, ఇండిగో ఫ్రాస్ట్, లెమన్‌గ్రాస్ కలర్ ఆప్షన్‌లలో లభిస్తుంది. దీనిలో టెన్సార్ G5 చిప్‌సెట్ ఉంటుంది. దీనిని TSMC 3ఎన్ఎమ్ ప్రాసెస్‌లో తయారీ చేశారు. ఫోన్‌లో గేమింగ్, మల్టీ టాస్కింగ్ వంటి హై-ఎండ్ పనులను ఎటువంటి సమస్య లేకుండా సులభంగా మెనేజ్‌ చేయచ్చు. ఈ ఫోన్‌ 7 సంవత్సరాల ఆపరేటింగ్ సిస్టమ్,సేఫ్టీ అప్‌డేట్లను పొందుతుంది. ఫోన్ ఆండ్రాయిడ్ 16లో రన్ అవుతుంది. అలానే దీనికి పిక్సెల్ డ్రాప్స్ సపోర్ట్ కూడా ఉంది. ఈ ఫోన్‌లో 12జీబీ ర్యామ్, 128జీబీ లేదా 256జీబీ వరకు ఇంటర్నల్ స్టోరేజ్ ఉంటుంది. ఇక, కెమెరా విషయానికి వస్తే.. దీని బ్యాక్ సైడ్‌ ట్రిపుల్ కెమెరా ఉంటుంది. ఇందులో 48 మెగాపిక్సెల్ మెయిన్ లెన్స్, 13 మెగాపిక్సెల్‌ అల్ట్రా-వైడ్ లెన్స్, 5x ఆప్టికల్ జూమ్‌తో 10.8మెగాపిక్సుల్ టెలిఫోటో లెన్స్ కెమెరాలు ఉంటాయి. ఇది కెమెరా కోచ్, నైట్ సైట్, మైక్రో ఫోకస్, బెస్ట్ టేక్ వంటి AI-ఫీచర్లు ఉంటాయి. ఫ్రంట్ ఆటో-ఫోకస్ ఫీచర్‌తో 10.5MP సెల్ఫీ కెమెరా ఉంటుంది. దీని వెనుక, ముందు కెమెరాలలో 4K వీడియో రికార్డింగ్‌కు కూడా సపోర్ట్ ఇస్తుంది. ఇక, బ్యాటరీ విషయానికి వస్తే.. 4,970mAh బ్యాటరీని ప్యాక్‌తో వస్తుంది. ఇది 24 గంటలకు పైగా బ్యాకప్ అందిస్తుంది. 30W వైర్డు ఫాస్ట్ ఛార్జింగ్ సపోర్ట్‌తో ఈ ఫోన్‌ను త్వరగా ఛార్జ్ చేయచ్చు.