ChatGPT Tips: రుణాలు, అప్పులు అనేవి ప్రతి ఒక్కరి జీవితంలో భాగమే! అయితే, ఈ భారం పెరిగినప్పుడు అది చాలా మానసిక, ఆర్థిక ఇబ్బందులను కలిగిస్తుంది. ఎంత ప్రయత్నించినా అప్పులు తీర్చడం పెద్ద సవాలుగా ఉంటుంది. సాంప్రదాయ ఆర్థిక సలహాదారుల స్థానంలో ఇప్పుడు చాట్‌జీపీటీ అడుగుపెట్టింది. మీరు మీ ఆర్థిక వివరాలను జాగ్రత్తగా అందిస్తే, ఈ ఏఐ టూల్ రుణాన్ని సమర్థవంతంగా తగ్గించడానికి ఒక నిర్దిష్ట మార్గాన్ని సూచించగలదు. అప్పుల బాధ నుంచి బయటపడటానికి చాట్‌జీపీటీ అందించే ఐదు ముఖ్యమైన చిట్కాలు గురించి ఇక్కడ తెలుసుకుందాం.
1. మొత్తం రుణాన్ని లెక్కించడం: రుణం మొత్తం ఎంత ఉందొ తెలుసుకోవడంతోనే దాని తగ్గించే ప్రక్రియ ప్రారంభమవుతుంది. మీ వివిధ క్రెడిట్ కార్డులు, వ్యక్తిగత రుణాల బ్యాలెన్స్‌లను విడివిడిగా లెక్కించాల్సిన అవసరం లేకుండా, ఒకేసారి ChatGPTని అడగవచ్చు.
చాట్‌జీపీటీ ఇవ్వవలసిన ప్రాంప్ట్: నాకు మూడు రుణాలు ఉన్నాయి. క్రెడిట్ కార్డ్ A పై రూ.X, లోన్ B పై రూ.Y, లోన్ C పై రూ.Z అప్పు ఉంది. నా మొత్తం ఋణ భారం ఎంత? ఇది రుణ భారాన్ని కలిపి స్పష్టమైన చిత్రాన్ని ఇస్తుంది.
2. వడ్డీ ప్రభావం, ప్రాధాన్యత నిర్ణయం: కేవలం రుణ మొత్తాన్ని తెలుసుకోవడం సరిపోదు. వివిధ రుణాలపై మీరు ఎంత వడ్డీ చెల్లించాల్సి ఉంటుందో కూడా తెలుసుకోవాలి. వడ్డీని బట్టి ముందుగా ఏ రుణాన్ని చెల్లించాలో చాట్‌జీపీటీ ద్వారా నిర్ణయించుకోవచ్చు.
రుణ చెల్లింపు పద్ధతులు: రుణాన్ని త్వరగా చెల్లించడానికి రెండు ప్రధాన పద్ధతులు ఉన్నాయి:
అవలాంచ్ పద్ధతి: ముందుగా అధిక వడ్డీ రేటుతో రుణాన్ని చెల్లించడం. ( దీని ద్వారా వడ్డీ రూపంలో చెల్లించే డబ్బు ఆదా అవుతుంది)
స్నోబాల్ పద్ధతి: తక్కువ మొత్తం ఉన్న రుణాన్ని ముందుగా చెల్లించడం. (దీని ద్వారా మానసికంగా త్వరగా విజయం సాధించే అనుభూతిని కలుగుతుంది)
చాట్‌జీపీటీ సహాయం: మీరు మీ రుణ వివరాలు, వడ్డీ రేట్లు ఇస్తే చాట్‌జీపీటీ అవలాంచ్ లేదా స్నోబాల్ పద్ధతుల్లో దేనిని పాటించాలో చెబుతుంది.
3. ఖర్చు బడ్జెట్ ప్రణాళిక: రుణాన్ని చెల్లించడానికి ఖర్చులను నియంత్రించడం చాలా అవసరం. మీరు మీ నెలవారీ ఆదాయం, అద్దె, కిరాణా సామాగ్రి, ఇతర ఖర్చులు వంటి వివరాలను ఇస్తే, చాట్‌జీపీటీ ఒక సాధారణ బడ్జెట్ ఫ్రేమ్‌వర్క్‌ను రూపొందిస్తుంది.
ప్రాంప్ట్ ఉదాహరణ: “నా నెలవారీ ఆదాయం రూ. X, స్థిర ఖర్చులు రూ. Y. రుణాన్ని తిరిగి చెల్లించడానికి, పొదుపు చేయడానికి నేను ఎంత కేటాయించాలి? నాకు ఒక బడ్జెట్ ప్రణాళికను (ఉదా. 50/30/20 ఫార్ములా). రెడీ చేసి ఇస్తే,” ఇది మీ ఖర్చుల నుంచి ఎంత ఆదా చేయవచ్చో చెబుతుంది.
4. అదనపు ఆదాయ వనరులు: రుణ భారాన్ని త్వరగా తగ్గించడానికి అదనపు ఆదాయం ముఖ్యం. మీకు ఏ నైపుణ్యాలు ఉన్నాయో (ఉదా.రైటింగ్, వంట, సోషల్ మీడియా నైపుణ్యం) చాట్‌జీపీటీ కి చెబితే, వాటి ఆధారంగా ఇంటి నుండి లేదా ఆన్‌లైన్ నుండి డబ్బు సంపాదించే అవకాశాలను సూచిస్తుంది.
5. పొదుపు, పెట్టుబడులపై సలహా: అప్పు తీర్చడంతో పాటు, భవిష్యత్తు కోసం పొదుపు చేయడం, పెట్టుబడి పెట్టడం కూడా ముఖ్యం. మీరు చాట్‌జీపీటీ ని అడిగితే, మీరు లేని సమయంలోసమయంలో ఎంత పెట్టుబడి పెట్టాలి? పన్నులను ఎలా తగ్గించాలి? ఉత్తమ పొదుపు ఖాతాలు ఏమిటి వంటి అంశాలపై ప్రాథమిక సమాచారాన్ని అందించగలదు.
