Motorola Edge 50 Fusion: పండగ సందర్బంగా ఫ్లిప్‌కార్ట్ లో జరిగిన బిగ్ బిలియన్ డేస్ సేల్ లో కస్టమర్లు భారీ డిస్కౌంట్లతో ఎలక్ట్రానిక్ వస్తువులు నుంచి ఇతర గృహోపకర పరికరాల వరకు కొనుగోలు చేశారు. అయితే, ఇప్పటికే ఈ సేల్ ముగిసినప్పటికీ, అనేక ఫోన్లపై ఆఫర్లు అలానే ఉన్నాయి. ఈ నేపథ్యంలో ఎక్కువ ఖర్చు చేయకుండా స్టైలిష్ మోటరోలా ఫోన్‌ను కొనుగోలు చేయాలని ప్లాన్ చేస్తుంటే, ఇదే సరైన అవకాశం. ప్రముఖ మోటరోలా ఎడ్జ్ 50 ఫ్యూజన్ ఫ్లిప్‌కార్ట్‌లో గణనీయమైన తగ్గింపుతో అందుబాటులో ఉంది.
మోటరోలా ఎడ్జ్ 50 ఫ్యూజన్ ఇండియాలో రూ.22,999 ప్రారంభ ధరకు లాంచ్ అయింది. అయితే, ఈ స్మార్ట్‌ఫోన్ ప్రస్తుతం ఫ్లిప్‌కార్ట్‌లో రూ.18,999కి లిస్ట్ అయింది. అంటే ఇ-కామర్స్ ప్లాట్‌ఫామ్ ఈ ఫోన్‌పై ఫ్లాట్ రూ.4,000 తగ్గింపును అందిస్తోంది. అదనంగా, ఈ పరికరం పై బ్యాంక్ ఆఫర్లు కూడా అందుబాటులో ఉన్నాయి. పాత ఫోన్‌ను ఎక్స్ఛేంజ్ చేసుకుంటే, రూ.14,620 వరకు తగ్గింపు పొందవచ్చు. అయితే, ఎక్స్ఛేంజ్ విలువ ఫోన్ కండిషన్ పై ఆధారపడి ఉంటుందని గుర్తించుకోండి.
also read:Potassium Rich Foods: పొటాషియం అధికంగా ఉండే ఆహారాలు..ఆరోగ్యానికి ఎన్ని ప్రయోజనాలో తెలుసా..?
ఫీచర్ల విషయానికి వస్తే, మోటరోలా ఎడ్జ్ 50 ఫ్యూజన్ 144Hz రిఫ్రెష్ రేట్, 1,600 నిట్‌ల వరకు గరిష్ట ప్రకాశానికి మద్దతుతో 6.7-అంగుళాల FHD+ pOLED కర్వ్డ్ డిస్‌ప్లేను కలిగి ఉంటుంది. ఈ ఫోన్ క్వాల్కమ్ స్నాప్‌డ్రాగన్ 7s జెన్ 2 ప్రాసెసర్ ను అమర్చారు. అడ్రినో 710 GPU ద్వారా శక్తిని పొందుతుంది. అదనంగా, ఫోన్ 12GB వరకు LPDDR4X RAM, 256GB వరకు UFS 2.2 నిల్వతో వస్తుంది. ఇక ఫోటోగ్రఫీ కోసం, ఎడ్జ్ 50 ఫ్యూజన్‌లో OIS మద్దతుతో 50MP సోనీ LYTIA 700C ప్రధాన కెమెరా, 13MP అల్ట్రా-వైడ్ లెన్స్ ఉన్నాయి. సెల్ఫీలు, వీడియో కాల్‌ల కోసం..32MP ఫ్రంట్ కెమెరా ఉంది. బ్యాటరీ గురించి మాట్లాడితే, ఈ ఫోన్ 68W ఫాస్ట్ ఛార్జింగ్‌కు మద్దతుతో 5,000mAh బ్యాటరీని ప్యాక్ చేస్తుంది.
