Nothing Phone 3 Offer: నథింగ్ కొంతకాలం క్రితం దాని తాజా ఫ్లాగ్‌షిప్ పరికరం నథింగ్ ఫోన్ 3ని మార్కెట్లో విడుదల చేసింది. ఈ హ్యాండ్‌సెట్‌ను కంపెనీ జూలై 1న రూ.79,999 ధరకు విడుదల చేసింది. అయితే ప్రస్తుతం ఈ పరికరంపై ఫ్లిప్‌కార్ట్, అమెజాన్ భారీ డిస్కౌంట్లను అందిస్తున్నాయి. ఫ్లిప్‌కార్ట్ బ్యాంక్ ఆఫర్‌లతో ఫోన్‌పై ఏకంగా రూ.10,000 ప్రత్యక్ష తగ్గింపును అందిస్తోంది. ఇదే సమయంలో ఈరోజు నుంచి ఫ్లిప్‌కార్ట్‌ ఫ్రీడమ్‌ సేల్‌ కూడా ప్రారంభమైంది. ఇందులో ఫోన్‌పై మరికొన్ని గొప్ప డిస్కౌంట్ ఆఫర్‌లు కూడా అందుబాటులో ఉన్నాయి.

నథింగ్ ఫోన్ 3పై డిస్కౌంట్ ఆఫర్:

ప్రస్తుతం అమెజాన్ నుండి కస్టమర్లు నథింగ్ ఫోన్ 3ని కేవలం రూ. 55,994కి కొనుగోలు చేయవచ్చు. ఇది దాని లాంచ్ ధర కంటే దాదాపు రూ. 24 వేలు తక్కువ. వినియోగదారులు HDFC బ్యాంక్ క్రెడిట్ కార్డ్‌ని యూజ్ చేసి రూ. 1500 బ్యాంక్ డిస్కౌంట్‌ను కూడా పొందవచ్చు. దీని వలన దాని ధర రూ. 54,494కి తగ్గుతుంది. దీనితో పాటు, ఫోన్‌పై ఎక్స్ఛేంజ్ ఆఫర్‌తో రూ. 33,050 వరకు ఎక్స్ఛేంజ్ విలువను పొందవచ్చు.

మరోవైపు..ఈ ఫోన్ దాని లాంచ్ ధరకే ఫ్లిప్‌కార్ట్‌లో లిస్ట్ అయింది. అయితే వినియోగదారులు IDFC బ్యాంక్ క్రెడిట్ కార్డ్, ICICI బ్యాంక్ క్రెడిట్ కార్డ్‌ యూజ్ చేసి దాదాపు రూ. 10,000 డైరెక్ట్ డిస్కౌంట్‌ను పొందొచ్చు. ఆ తర్వాత ఫోన్ ధర రూ. 69,999కి తగ్గుతుంది. అయితే, రెండు ప్లాట్‌ఫామ్‌లలో అమెజాన్ మెరుగైన డీల్‌ను అందిస్తోంది.

Also Read: Smart Tv: అమెజాన్ సూపర్ డీల్.. 40 అంగుళాల టీవీ కేవలం రూ.11,999..

నథింగ్ ఫోన్ 3 ఫీచర్లు:

ఈ పరికరం 6.67-అంగుళాల అమోలేడ్ డిస్‌ప్లేతో వస్తుంది. ఇది HDR10+ సపోర్ట్, కార్నింగ్ గొరిల్లా గ్లాస్ 7i ప్రొటెక్షన్‌ను అందిస్తుంది. ఈ పరికరం సున్నితమైన స్క్రోలింగ్ అనుభవం కోసం 120Hz అడాప్టివ్ రిఫ్రెష్ రేట్‌ను కలిగి ఉంది. అలాగే, ఈ పరికరం 4,500 నిట్‌ల గరిష్ట ప్రకాశాన్ని కూడా అందిస్తుంది. ఈ ఫోన్ శక్తివంతమైన స్నాప్‌డ్రాగన్ 8s జనరేషన్ 4 ప్రాసెసర్, 16GB వరకు RAMని కలిగి ఉంది. కెమెరా గురించి చెప్పాలంటే..ఈ పరికరం 50MP ప్రైమరీ కెమెరా, 3x ఆప్టికల్ జూమ్‌తో కూడిన 50MP పెరిస్కోప్ కెమెరా, 50MP అల్ట్రా-వైడ్ కెమెరాను కూడా కలిగి ఉంది. అలాగే, ఈ పరికరం 50MP సెల్ఫీ కెమెరాను కలిగి ఉంది. ఇక బ్యాటరీ విషయానికి వస్తే.. ఈ పరికరం 5,500 mAh బ్యాటరీతో 65W ఛార్జింగ్ సపోర్ట్‌ను కలిగి ఉంటుంది.