iPhone 18 Pro Launch 2026: ఆపిల్ తన దశాబ్దాల సంప్రదాయాన్ని బ్రేక్ చేస్తూ ఐఫోన్ 18 బేస్ మోడల్ను 2027 వసంతకాలానికి వాయిదా వేయబోతుందని వార్తలు వస్తున్నాయి. ఇప్పటివరకు ప్రతి సంవత్సరం శరదృతువులో కొత్త ఐఫోన్ బేస్ మోడల్ విడుదల చేయడం ఆపిల్కు ఒక ఫిక్స్ అయిన ప్యాటర్న్. కానీ ఈసారి ఆ స్టైల్ మారబోతోంది. 2026 సెప్టెంబర్లో మాత్రం ఐఫోన్ 18 ప్రో, ప్రో మాక్స్ మోడళ్లు లాంచ్ అవుతాయి. అదే సమయంలో ఆపిల్ తన మొదటి ఫోల్డబుల్ ఐఫోన్ను కూడా పరిచయం చేసే అవకాశం ఉంది. అంటే సాధారణ బేస్ మోడల్ కోసం యూజర్లు దాదాపు 18 నెలలు వేచి చూడాల్సి వస్తుంది. ఐఫోన్ 17 చాలా కాలం వరకు లేటెస్ట్ స్టాండర్డ్ మోడల్గా ఉండబోతుంది.
చరిత్రలో మొదటిసారి
ఇది ఆపిల్ చరిత్రలో మొదటిసారి జరుగుతున్న విషయం. ఇప్పటివరకు ప్రతి క్యాలెండర్ ఇయర్లో కనీసం ఒక నాన్-ప్రో ఫ్లాగ్షిప్ ఐఫోన్ వచ్చేది. కానీ ఇప్పుడు కంపెనీ ఫోకస్ పూర్తిగా ప్రీమియం సెగ్మెంట్పై మారినట్లు కనిపిస్తోంది. ప్రో మోడళ్లు ఇప్పుడు ఆపిల్ స్ట్రాటజీలో సెంటర్ స్టేజ్ తీసుకుంటున్నాయి.
ప్రో మోడళ్ల విషయానికి వస్తే
ఐఫోన్ 18 ప్రో సిరీస్లో కొత్త A20 ప్రో చిప్సెట్ ఉండే అవకాశం ఉంది. ఇది TSMC 2nm ప్రాసెస్పై తయారవుతుందని సమాచారం. దీని వల్ల దాదాపు 15% మెరుగైన పర్ఫార్మెన్స్, 30% వరకు పవర్ ఎఫిషెన్సీ పెరుగుదల ఉంటుందని అంచనా. అంటే స్పీడ్ పెరగడమే కాదు, బ్యాటరీ లైఫ్ కూడా తగినంత మెరుగవుతుంది. ఐఫోన్ 18 ప్రో మాక్స్లో 5,100mAh బ్యాటరీ ఉండొచ్చని రూమర్లు చెబుతున్నాయి. ఇది ఇప్పటివరకు వచ్చిన ఐఫోన్లలోనే అతిపెద్ద బ్యాటరీ కావచ్చు. దాంతో ఫోన్ వెయిట్ కూడా పెరిగే అవకాశం ఉంది.
డైనమిక్ ఐలాండ్ సైజ్ కొంచెం చిన్నది
డిజైన్ పరంగా డైనమిక్ ఐలాండ్ సైజ్ కొంచెం చిన్నదిగా మారవచ్చు. కొత్త టైటానియం కలర్స్గా బ్రౌన్, పర్పుల్, బర్గండీ వంటి ఆప్షన్లు రావొచ్చు. అయితే బ్లాక్ కలర్ ఉండకపోవచ్చని సమాచారం. కెమెరా సెటప్లో కూడా అప్డేట్స్ ఉండొచ్చు. టెలిఫోటో లెన్స్కు వైడర్ అపర్చర్, మెయిన్ కెమెరాకు వేరియబుల్ అపర్చర్ సపోర్ట్ రావొచ్చు. దీని వల్ల లో లైట్ ఫోటోగ్రఫీ, డెప్త్ కంట్రోల్ మరింత మెరుగవుతాయి.
Read Also: Kawasaki Z650: మిడ్-రేంజ్ బైక్ లవర్స్కు పండగ.. కవాసాకి Z సిరీస్పై రూ. 27వేల వరకు తగ్గింపు
గ్లోబల్ మెమరీ చిప్
ఇక మరో పెద్ద సమస్య గ్లోబల్ మెమరీ చిప్ కొరత. డీఆర్ఏఎమ్ చిప్ల కొరత కారణంగా ఐఫోన్ ప్రొడక్షన్పై ప్రభావం పడే అవకాశముందని ఆపిల్ సీఈఓ టిమ్ కుక్ హెచ్చరించారు. AI డేటా సెంటర్ల పెరుగుదల వల్ల అల్ఫాబెట్, ఓపెన్ఏఐ వంటి పెద్ద కంపెనీలు భారీగా మెమరీ కొనుగోలు చేస్తున్నాయి. 2025 డిసెంబర్ నుంచి 2026 జనవరి మధ్య డీఆర్ఏఎమ్ ధరలు దాదాపు 75% పెరిగినట్లు సమాచారం. పెద్ద సప్లయర్లు ఇప్పుడు హై బ్యాండ్విడ్త్ మెమరీపై ఫోకస్ పెట్టడంతో సాధారణ కన్జ్యూమర్ ఎలక్ట్రానిక్స్ కోసం అవసరమైన డీఆర్ఏఎమ్ సరఫరా తగ్గుతోంది. ఇది ఐఫోన్ల అందుబాటు, ధరలపై ప్రభావం చూపే అవకాశం ఉంది.
ఆపిల్ రీలీజ్ స్ట్రాటజీ
ఇదంతా చూస్తే ఆపిల్ రీలీజ్ స్ట్రాటజీ పూర్తిగా మారుతున్నట్లు తెలుస్తోంది. గత సంవత్సరం ఐఫోన్ 16e, ఐఫోన్ ఎయిర్ వంటి మోడళ్లు మార్కెట్లోకి వచ్చాయి. 2026 చివరికి కనీసం 8 ఐఫోన్ మోడళ్లు ఒకేసారి మార్కెట్లో ఉండే అవకాశం ఉంది. అంటే కంపెనీ ఇప్పుడు ఒక్క సీజన్లో అన్ని మోడళ్లను లాంచ్ చేయడం కంటే, వేర్వేరు సమయాల్లో విడుదల చేస్తూ మార్కెట్ సెగ్మెంట్లను టార్గెట్ చేయాలని ప్లాన్ చేస్తోంది.
ప్రీమియం మోడళ్లకు ఎక్కువ హైలైట్
ఈ మార్పు వల్ల ప్రీమియం మోడళ్లకు ఎక్కువ హైలైట్ దక్కుతుంది. అలాగే తక్కువ ధర మోడళ్లను వేరే సీజన్లో విడుదల చేయడం ద్వారా సేల్స్ను ఏడాది పొడవునా స్టేబుల్గా ఉంచే అవకాశం ఉంటుంది. కానీ బేస్ మోడల్ కోసం ఎదురు చూసే యూజర్లకు ఇది కొంత నిరాశ కలిగించే విషయమే.
మొత్తానికి ఐఫోన్ 18 బేస్ మోడల్ ఆలస్యం
అనేది సాధారణ వాయిదా కాదు. ఇది ఆపిల్ బిజినెస్ స్ట్రాటజీలో పెద్ద మార్పుకు సంకేతం. ప్రో మోడళ్లకు ప్రాధాన్యం, ఫోల్డబుల్ ఐఫోన్ ఎంట్రీ, మెమరీ చిప్ కొరత వంటి అంశాలు కలిసి ఈ నిర్ణయానికి కారణమయ్యాయి. 2026 సెప్టెంబర్ లాంచ్ ఈసారి మరింత ఆసక్తికరంగా ఉండబోతోంది. ఆపిల్ తీసుకున్న ఈ నిర్ణయం మార్కెట్లో ఎలా ప్రభావం చూపుతుందో చూడాలి.