Smartphone India : స్మార్ట్ఫోన్ ప్రియుల్లో భారీ క్రేజ్ ఉన్న iQOO బ్రాండ్ నుంచి త్వరలో ఒక సంచలన మోడల్ మార్కెట్లోకి రాబోతోంది. తన స్మార్ట్ఫోన్ చరిత్రలోనే మొదటిసారిగా ‘అల్ట్రా’ (iQOO 15 Ultra) వేరియంట్ను కంపెనీ పరిచయం చేస్తోంది. ఇది iQOO లైనప్లోనే అత్యంత శక్తివంతమైన , ఖరీదైన ఫోన్గా నిలవనుంది. ఇప్పటికే విడుదలైన టీజర్లు, తాజాగా వెల్లడైన డిజైన్ వివరాలు ఈ ఫోన్ పట్ల అంచనాలను భారీగా పెంచేశాయి. ఫిబ్రవరి మొదటి వారంలోనే ఈ పవర్హౌస్ స్మార్ట్ఫోన్ అధికారికంగా విడుదల కానుంది.
ఫ్యూచరిస్టిక్ డిజైన్ , ఆకట్టుకునే రంగులు
iQOO 15 Ultra డిజైన్ పరంగా తన సోదర మోడల్ అయిన iQOO 15 కంటే పూర్తిగా భిన్నంగా ఉండబోతోంది. ఫోన్ వెనుక భాగంలో పెద్ద స్క్వేర్ ఆకారంలో ఉన్న కెమెరా మాడ్యూల్, స్పష్టంగా కనిపించే సెన్సార్లు దీనికి ఒక గంభీరమైన రూపాన్ని ఇస్తున్నాయి. ముఖ్యంగా ఇందులో కొత్తగా చేర్చిన హారిజాంటల్ లైట్ స్ట్రిప్, మధ్యలో ఉన్న హనీకాంబ్ డిజైన్ ఫోన్కు ఫ్యూచరిస్టిక్ , సై-ఫై లుక్ను అందిస్తున్నాయి. ఈ ఫోన్ ప్రధానంగా రెండు ఆకర్షణీయమైన కలర్ వేరియంట్స్లో లభించనుంది.
Anil Ravipudi: ఊహించని కాంబో – అనిల్ రావిపూడి నెక్స్ట్ సినిమాలో హీరో ఇతడేనా?
2049 కోల్డ్ బ్లూ
2077 ఫ్లోయింగ్ ఆరెంజ్ గేమర్ల సౌకర్యార్థం ఫోన్ సైడ్ ఫ్రేమ్పై ప్రత్యేకంగా షోల్డర్ బటన్స్ను కూడా అమర్చారు. ఇది ప్రీమియం లుక్తో పాటు గేమింగ్ స్మార్ట్ఫోన్ ఫీచర్లను సమతుల్యంగా అందిస్తోంది.
రికార్డు బ్రేకింగ్ పెర్ఫార్మెన్స్
పెర్ఫార్మెన్స్ విషయంలో iQOO 15 Ultra కొత్త రికార్డులను సృష్టించబోతోంది. కంపెనీ వెల్లడించిన అధికారిక వివరాల ప్రకారం, ఈ ఫోన్ , AnTuTu బెంచ్మార్క్ స్కోరు 4.5 మిలియన్లకు పైగా నమోదైంది. ఇది ఇప్పటివరకు మార్కెట్లో ఉన్న ఏ స్మార్ట్ఫోన్కు లేనంత అత్యధిక స్కోరు కావడం విశేషం. అంతేకాదు, ఇది ఫోన్ , గరిష్ట సామర్థ్యం మాత్రమేనని, వాస్తవ పనితీరులో ఇంకా మెరుగైన ఫలితాలను ఇచ్చే అవకాశం ఉందని కంపెనీ వర్గాలు చెబుతున్నాయి.
అడ్వాన్స్డ్ కూలింగ్ సిస్టమ్ , స్టోరేజ్
- యాక్టివ్ కూలింగ్ ఫ్యాన్: తన సెగ్మెంట్లోనే అతిపెద్దదైన 17 × 17 × 4 మిల్లీమీటర్ల పరిమాణం గల యాక్టివ్ కూలింగ్ ఫ్యాన్ను ఇందులో అమర్చారు.
- ఎయిర్ ఫ్లో డిజైన్: కెమెరా మాడ్యూల్ కింద నుంచి గాలిని లోపలికి తీసుకుని (Air Intake), సైడ్ ఫ్రేమ్ ద్వారా వేడిని బయటకు పంపేలా (Exhaust) దీని డిజైన్ ఉంటుంది. దీనివల్ల గంటల తరబడి గేమింగ్ చేసినా ఫోన్ పెర్ఫార్మెన్స్ తగ్గదు.
- మెమరీ వేరియంట్స్: ఈ ఫోన్ 16GB RAM + 512GB స్టోరేజ్ ప్రారంభ వేరియంట్ నుంచి, ఏకంగా 24GB RAM + 1TB స్టోరేజ్ వరకు లభించనుంది. ఇందులో UFS 3.1 టెక్నాలజీని వినియోగించారు.
మార్కెట్ లభ్యత
ప్రస్తుతానికి ఈ ఫోన్ చైనాలో లాంచ్ కాబోతున్నట్లు అధికారిక సమాచారం ఉంది. భారత మార్కెట్లోకి ఇది ఎప్పుడు వస్తుందనే దానిపై ఇంకా స్పష్టత లేదు. అయితే, ఒకవేళ భారత్లోకి వస్తే మాత్రం ROG లేదా RedMagic వంటి గేమింగ్ ఫోన్లకు ఇది గట్టి పోటీనివ్వడం ఖాయం. హెవీ మల్టీటాస్కింగ్ , హై-ఎండ్ గేమింగ్ కోరుకునే యూజర్లకు iQOO 15 Ultra ఒక అద్భుతమైన ఎంపిక కానుంది.
Kalyani Priyadarshan: కల్యాణి ప్రియదర్శన్ గ్లామర్ విత్ ఎలిగెన్స్