iQOO Sale: ఐకూ 15ఆర్ సేల్ ఈరోజు మధ్యాహ్నం 12గంటల నుంచి అధికారికంగా ప్రారంభమైంది. మిడ్ రేంజ్ సెగ్మెంట్‌లో ఫ్లాగ్ షిప్ స్థాయి స్పీడ్ ఇవ్వాలనే లక్ష్యంతో తీసుకొచ్చిన ఈ ఫోన్ మొదటి రోజే భారీ ఆఫర్లతో వినియోగదారులను ఆకట్టుకుంటోంది. కాంపాక్ట్ సైజ్, అప్‌డేటెడ్ లుక్ కలయికతో చేతిలో పట్టుకున్నప్పుడు ప్రీమియం ఫీలింగ్ ఇస్తుంది. నలుపు షేడ్, సిల్వర్ షేడ్ రెండు రంగుల్లో అందుబాటులోకి రావడం వల్ల యంగ్ యూజర్లకు స్టైలిష్ ఆప్షన్ అవుతోంది. అమెజాన్ ఇండియా, ఐకూ అధికారిక వెబ్‌సైట్‌ల్లో సేల్ కొనసాగుతోంది.

డిస్‌ప్లే విషయంలో 6.59అంగుళాల అమోలెడ్ ప్యానెల్ ఇస్తున్నారు. 144హెచ్‌జెడ్ రిఫ్రెష్ రేట్ ఉండటం వల్ల స్క్రోలింగ్ చాలా స్మూత్‌గా ఉంటుంది. 1.5కే రిజల్యూషన్ కారణంగా వీడియోలు, గేమ్స్ స్పష్టంగా కనిపిస్తాయి. 5000నిట్స్ పీక్ బ్రైట్నెస్ ఉండటం వల్ల బయట సూర్యరశ్మిలో కూడా స్క్రీన్ క్లియర్‌గా కనిపిస్తుంది. ఇన్ డిస్‌ప్లే ఫింగర్ ప్రింట్ సెన్సార్ వేగంగా అన్‌లాక్ చేస్తుంది. గేమింగ్ సమయంలో టచ్ రిస్పాన్స్ చాలా ఫాస్ట్‌గా పనిచేస్తుంది.

పర్‌ఫార్మెన్స్ కోసం క్వాల్కమ్ స్నాప్‌డ్రాగన్ 8జెన్5 ప్రాసెసర్ ఇచ్చారు. 3నానోమీటర్ టెక్నాలజీతో వచ్చిన ఈ చిప్ సెట్ పవర్‌ఫుల్ పనితీరు ఇస్తుంది. సుమారు 3.5మిలియన్ పైగా అన్టుటు స్కోర్ కంపెనీ ప్రకటించింది. క్యూ2 సూపర్ కంప్యూటింగ్ చిప్ గేమింగ్ సమయంలో ఫ్రేమ్ స్టేబిలిటీ పెంచుతుంది. నెట్‌వర్క్ ఎన్‌హాన్స్‌మెంట్ చిప్ వల్ల సిగ్నల్ స్ట్రెంత్ మెరుగ్గా ఉంటుంది. 12జీబీ ఎల్‌పీడీడీఆర్5ఎక్స్ ర్యామ్, 512జీబీ స్టోరేజ్ వరకు ఆప్షన్ ఉండటం వల్ల హెవీ యాప్స్, పెద్ద గేమ్స్ సులభంగా రన్ అవుతాయి. మల్టీటాస్కింగ్ సమయంలో ల్యాగ్ సమస్య కనిపించదు.

Read Also: AI Plus Pulse 2: భారత మార్కెట్లోకి ‘పల్స్ 2’ ఎంట్రీ.. రూ. 5,999 కే 6000mAh భారీ బ్యాటరీ ఫోన్

కెమెరా సెటప్‌లో 50ఎంపీ సోనీ ఎల్వైటీ700వి మెయిన్ సెన్సార్ ఉంది. ఫోటోలు క్లియర్ డీటైల్స్‌తో వస్తాయి. 8ఎంపీ అల్ట్రా వైడ్ సెన్సార్ ద్వారా విస్తృత దృశ్యాలు క్యాప్చర్ చేయవచ్చు. ముందు భాగంలో 32ఎంపీ సెల్ఫీ కెమెరా ఉంది. 4కే 60ఎఫ్‌పిఎస్ వీడియో రికార్డింగ్ సపోర్ట్ ఉండటం వల్ల వీడియోలు షార్ప్‌గా ఉంటాయి. ఎఐ కెమెరా ఫీచర్స్ ఫోటోలను ఆటోమేటిక్‌గా మెరుగుపరుస్తాయి. నైట్ ఫోటోగ్రఫీలో కూడా మంచి ఫలితాలు అందిస్తుందని కంపెనీ చెబుతోంది.

బ్యాటరీ విషయంలో 7600ఎంఏహెచ్ భారీ కెపాసిటీ ఇవ్వడం ఈ ఫోన్ ప్రత్యేకత. ఒకసారి ఫుల్ ఛార్జ్ చేస్తే దీర్ఘకాలం ఉపయోగించుకోవచ్చు. 100వాట్ ఫ్లాష్ ఛార్జ్ సపోర్ట్ వల్ల తక్కువ సమయంలోనే బ్యాటరీ పూర్తిగా నిండుతుంది. ఐపి68, ఐపి69 రేటింగ్ ఉండటం వల్ల డస్ట్, వాటర్ నుంచి రక్షణ ఉంటుంది. మొత్తంగా చూస్తే డిస్‌ప్లే, పర్‌ఫార్మెన్స్, కెమెరా, బ్యాటరీ కలయికతో ఐకూ 15ఆర్ ఈ సేల్‌లో బలమైన ఆప్షన్‌గా నిలుస్తోంది.

ధరల విషయానికి వస్తే 8జీబీ+256జీబీ వేరియంట్ రూ.44,999గా ఉంది. 12జీబీ+256జీబీ వేరియంట్ రూ.47,999గా ఉంది. 12జీబీ+512జీబీ వేరియంట్ రూ.52,999గా ఉంది. ఐసిఐసిఐ, హెచ్‌డిఎఫ్‌సి, యాక్సిస్ బ్యాంక్ కార్డ్స్‌పై రూ.4,000 ఇన్‌స్టంట్ డిస్కౌంట్ అందిస్తున్నారు. ఈ బ్యాంక్ ఆఫర్ వర్తిస్తే ప్రారంభ వేరియంట్ నెట్ ఎఫెక్టివ్ ధర రూ.40,999కి వస్తుంది. 6నెలల వరకు నో కాస్ట్ ఈఎంఐ సదుపాయం కూడా ఇవ్వడం వల్ల ఒకేసారి మొత్తం చెల్లించాల్సిన అవసరం లేదు. ఈ ఆఫర్లు ప్రారంభ సేల్ దశలో మాత్రమే ఉండే అవకాశం ఉంది.