Jolla Phone Launch: ఫిన్లాండ్‌కు చెందిన టెక్నాలజీ సంస్థ జోల్లా సుదీర్ఘ విరామం తర్వాత మార్కెట్‌లోకి కొత్త స్మార్ట్‌ఫోన్‌ను విడుదల చేస్తుంది. కంపెనీ దీని జోల్లా ఫోన్‌ పేరిట తీసుకొచ్చింది. ఇది 2013లో వచ్చిన ఒరిజినల్ మోడల్‌కు కొనసాగింపుగా రూపొందించబడింది. ఈ పరికరం గోప్యత, దీర్ఘకాలిక సాఫ్ట్‌వేర్ మద్దతుపై దృష్టి పెడుతుంది. ఈ ఫోన్ ఆండ్రాయిడ్, iOS లకు ప్రత్యామ్నాయంగా వస్తోంది. ఈ ఫోన్‌లో యూజ‌ర్ల‌కు కంపెనీ డెవ‌ల‌ప్ చేసిన సెయిల్‌ఫిష్ అనే ఆప‌రేటింగ్ సిస్ట‌మ్ ల‌భిస్తుంది. దీన్ని లైన‌క్స్ ఆధారంగా రూపొందించారు. కంపెనీ మొదట దీనిని యూరప్‌లో అందుబాటులోకి తెచ్చింది. ప్రస్తుతానికి అక్కడ ప్రీ-ఆర్డర్‌లు అందుబాటులో ఉన్నాయి. ఇప్పుడు దీని ధర, ఫీచర్ల గురించి వివరంగా తెలుసుకుందాం.

also read:Upcoming Cars: కొత్త కారు కొనాలా..? డిసెంబర్, జనవరిలో లాంచ్ కానున్న 5 అద్భుతమైన కార్లు ఇవే..!

ధర, లభ్యత:

జోల్లా ఫోన్ ప్రస్తుతం కంపెనీ వెబ్‌సైట్ ద్వారా ప్రీ-ఆర్డర్ కోసం అందుబాటులో ఉంది. ఇందుకుగాను కస్టమర్లు ముందుగా 115 డాల‌ర్ల‌ను (దాదాపుగా రూ.10,409) చెల్లించాల్సి ఉంటుంది. త‌మ‌కు దాదాపు 2వేల యూనిట్స్ ప్రీ ఆర్డ‌ర్ వస్తే ఈ ఫోన్ల‌ను త‌యారు చేసి డెలివరీ చేస్తామని కంపెనీ పేర్కొంది. ఈ పరికరం ధ‌ర సుమారు 815 డాల‌ర్లుగా (దాదాపు రూ.73వేలు) ఉంటుంద‌ని స‌మాచారం. ఈ ఫోన్‌ను జ‌న‌వ‌రిలో వినియోగ‌దారుల‌కు డెలివ‌రీ చేయ‌నున్న‌ట్లు కంపెనీ తెలిపింది. కాగా యూకే, నార్వే, స్విట్జ‌ర్లాండ్‌, ఇత‌ర యూర‌ప్ దేశాల్లో ముందుగా ఈ ఫోన్ ల‌భ్యం కానుంది. అయితే త్వరలో భారత టెక్ మార్కెట్లో కూడా రిలీజ్ కావొచ్చు.

ఫీచర్లు

ఈ మొబైల్ 6.36-అంగుళాల పూర్తి-HD AMOLED డిస్‌ప్లేతో వస్తుంది. జోల్లా ఫోన్ గొరిల్లా గ్లాస్ ద్వారా రక్షణ పొందుతుంది. ఫోన్ మీడియాటెక్ 5G చిప్‌సెట్ ద్వారా శక్తిని పొందుతుంది. ఇది 12GB ర్యామ్, 256GB నిల్వతో వస్తుంది. మైక్రో SD కార్డ్ ద్వారా 2TB వరకు విస్తరించవచ్చు. ఫోన్ లైన‌క్స్ ఆధారిత సిస్టమ్ అయిన సెయిల్‌ఫిష్ ఆపరేటింగ్ సిస్టమ్ 5పై నడుస్తుంది. కంపెనీ కనీసం ఐదు సంవత్సరాల సాఫ్ట్‌వేర్ నవీకరణలను క్లెయిమ్ చేస్తుంది.

also read:Milk and Jaggery: బెల్లం, పాలు కలిపి తీసుకోవడం మంచిదేనా..?

కెమెరా పరంగా..జోల్లా ఫోన్‌లో 50MP ప్రైమరీ వైడ్-యాంగిల్ కెమెరా, 13MP అల్ట్రా-వైడ్-యాంగిల్ కెమెరా ఉన్నాయి. ముందు భాగంలో వైడ్-యాంగిల్ సెల్ఫీ కెమెరా ఉంది. అయితే కంపెనీ దాని మెగాపిక్సెల్ కౌంట్‌ను పంచుకోలేదు. ఫోన్ యొక్క అత్యంత ముఖ్యమైన ఫీచర్ దాని 5,500mAh రీప్లేసబుల్ బ్యాటరీ. ఈ పరికరం 5G/4G కనెక్టివిటీతో పాటు Wi-Fi 6, బ్లూటూత్ 5.4, NFC మరియు గ్లోబల్ రోమింగ్ సపోర్ట్‌ను కలిగి ఉంది. ఫోన్‌లో పవర్-కీ ఫింగర్‌ప్రింట్ సెన్సార్, RGB నోటిఫికేషన్ LED, హార్డ్‌వేర్-ఎనేబుల్డ్ ప్రైవసీ స్విచ్ కూడా ఉన్నాయి.