smartphones launching in July : జూలై 2025లో భారత స్మార్ట్‌ఫోన్ మేనియా ప్రారంభం కానుంది. ఇప్పటికే మార్కెట్‌లో ఉత్సాహం తారస్థాయికి చేరింది. వినియోగదారులు ఎంతో ఆసక్తిగా ఎదురుచూస్తున్న పలు పెద్ద బ్రాండ్లు ఈ నెలలో తమ తాజా మోడళ్లను విడుదల చేయనున్నాయి. ఈ ఫోన్లు కేవలం హార్డ్‌వేర్ పరంగా కాదు, సాఫ్ట్‌వేర్‌, డిజైన్, ఎఐ పరంగా కూడా కొత్త ప్రమాణాలతో రికార్డు సృష్టించనున్నాయి.
Nothing Phone (3) ఇది సరికొత్త టెక్నాలజీతో వస్తోంది. ఈ ఫోన్ పై ఎక్కుమంది ఆసక్తి ఉంది. జూలై 1న విడుదలైన ఈ ఫోన్, గత మోడళ్లకు కొనసాగింపుగా వచ్చినప్పటికీ, దీని డిజైన్‌లో వచ్చిన మార్పులు వినియోగదారులను ఆకట్టుకుంటున్నాయి. వెనుక భాగం, మళ్లీ డిజైన్ చేసిన “గ్లిఫ్” లైటింగ్ సిస్టమ్, 50MP పెరిస్కోప్ కెమెరా దీన్ని ప్రత్యేకంగా నిలబెట్టాయి. Nothing బ్రాండ్ గత రెండేళ్లలో తన యూనిక్ డిజైన్ భాషతో యువతలో క్రేజ్ పొందింది. తాజా సమాచారం ప్రకారం, ఈ ఫోన్‌లో AI ఆధారిత వ్యక్తిగతీకరణ ఫీచర్లు, Snapdragon 8 Gen 3 చిప్, మరియు 120Hz AMOLED డిస్‌ప్లే ఉంటాయని అంచనా వేస్తున్నారు.
ఇంకో పెద్ద అప్‌డేట్ Samsung నుంచి రాబోతుంది. జూలై 9న సామ్సంగ్ తన కొత్త ఫోల్డబుల్ ఫోన్లను విడుదల చేయనుంది. Galaxy Z Fold 7 మరియు Galaxy Z Flip 7 రెండు మోడళ్లు ఈవెంట్ హైలైట్‌గా నిలవనున్నాయి. మరోవైపు, Flip 7లో మునుపటి మోడళ్లతో పోలిస్తే ఎక్కువ కవర్ డిస్‌ప్లే అందుబాటులో ఉండే అవకాశం ఉంది. Samsung ఈవెంట్‌లో ఒక కొత్త Galaxy FE మోడల్‌ను కూడా విడుదల చేయవచ్చని ఊహాగానాలు ఉన్నాయి.
జూలై ఫోన్ లాంచ్‌ల జాబితా ఇక్కడితో ముగియదు. OnePlus Nord 5 సిరీస్ కూడా ఈ నెలలో మార్కెట్‌లోకి రానుంది. Nord సిరీస్ ఇప్పటికే మిడ్-రేంజ్ సెగ్మెంట్‌లో మంచి గుర్తింపు సంపాదించుకుంది. దీనిలో Dimensity 8200 ప్రాసెసర్‌, 50MP సోనీ కెమెరాలు ఉంటాయి. వేగవంతమైన ఛార్జింగ్ ఫీచర్లు జత చేశారని తెలుస్తోంది.
Vivo కూడా Julyలో తన కొత్త X200 FE ఫోన్‌ను పరిచయం చేయనుంది. ఈ ఫోన్‌కి కెమెరా విభాగంలో ZEISS భాగస్వామ్యం ఉన్నట్లు సమాచారం. 6.4 అంగుళాల AMOLED డిస్‌ప్లే, Snapdragon 7 Gen 3 చిప్, మరియు సౌండ్ క్వాలిటీ కోసం ప్రత్యేకమైన ట్యూనింగ్ వంటి ఫీచర్లు ఇందులో ఉండే అవకాశముంది. ఇది కాంపాక్ట్ ఫ్లాగ్‌షిప్ లవర్స్ కోసం మంచి ఎంపికగా మారవచ్చు.
OPPO కూడా తన Reno 14 సిరీస్‌ను భారత మార్కెట్‌లో ప్రవేశపెడుతోంది. Reno 14 మరియు Reno 14 Pro మోడల్స్‌ను విడుదల చేయనున్నారు. వీటిలో AI ఆధారిత కెమెరా ఫీచర్లు, మ్యాజిక్ రిటచింగ్ టెక్నాలజీ, మరియు స్మార్ట్ నైట్ మోడ్ వంటి ఫీచర్లు ఉంటాయని కంపెనీ టీజర్లు చెబుతున్నాయి. OPPO కెమెరా క్వాలిటీ విషయంలో ఎప్పుడూ ప్రత్యేకతను చూపిస్తుంది, ఇది ఈ సిరీస్‌తో మరింత బలపడనుంది.
మొత్తంగా చూస్తే, జూలై నెల స్మార్ట్‌ఫోన్ ప్రియుల కోసం ఒక టెక్నాలజీ పండుగ. ప్రతి బ్రాండ్ కూడా వినూత్న ఫీచర్లు, ఆధునిక డిజైన్, మరియు పవర్‌ఫుల్ ప్రాసెసర్‌లతో వినియోగదారులను ఆకట్టుకునే ప్రయత్నం చేస్తోంది. మీరు కొత్త ఫోన్ కొనే ఆలోచనలో ఉన్నట్లయితే, ఈ నెల విడుదలైన ఫోన్లను ఓసారి పరిశీలించడం మర్చిపోకండి.