Motorola razr 50 5G: మీరు మోటరోలా ఫోన్‌ను కొనాలని ఆలోచిస్తున్నారా? అది కూడా ప్రీమియం ఫోల్డబుల్ స్మార్ట్ ఫోన్! అయితే, మీకే ఈ వార్త. ప్రముఖ బ్రాండ్ మోటోరోలా మోటరోలా రేజర్ 50 ఫోల్డబుల్ స్మార్ట్ ఫోన్ భారీ డిస్కౌంట్ తో అందుబాటులో ఉంది. పోయిన ఏడాది లాంచ్ అయినా ఈ పరికరం ఇప్పుడు అమెజాన్ ఇండియాలో దాని పరిచయం ధర కంటే రూ.21,409 తక్కువకు కొనుగోలుకు అందుబాటులో ఉంది.
మోటరోలా రేజర్ 50 ఫోల్డబుల్ స్మార్ట్ ఫోన్ 8GB RAM+256GB ఇంటర్నల్ స్టోరేజ్‌ లాంచ్ ధర రూ.64,999. ఆఫర్ లో భాగంగా ఇప్పుడు దీని అమెజాన్ ఇండియాలో కేవలం రూ.43,590కి కొనుగోలు చేయొచ్చు. అంతేకాదు, ఈ ఫోన్‌ను రూ.2,179 వరకు క్యాష్‌బ్యాక్‌ కూడా పొందొచ్చు. ఇది ఎక్స్ఛేంజ్ ఆఫర్‌తో మరింత చౌకగా ఉండవచ్చు. కాకపోతే, ఎక్స్ఛేంజ్ ఆఫర్‌తో అందుకున్న డిస్కౌంట్ పాత ఫోన్ కండిషన్, బ్రాండ్, కంపెనీ ఎక్స్ఛేంజ్ పాలసీపై ఆధారపడి ఉంటుందని గుర్తుంచుకోండి.
ఫీచర్ల విషయానికి వస్తే ఈ మోటరోలా స్మార్ట్‌ఫోన్ 6.9-అంగుళాల ఫ్లెక్స్‌వ్యూ ఫుల్ HD+ డిస్‌ప్లేను కలిగి ఉంది. ఈ పోల్డ్ LTPO డిస్ప్లే 120Hz రిఫ్రెష్ రేట్‌కు మద్దతు ఇస్తుంది. డిస్ప్లే గరిష్ట బ్రైట్‌నెస్ స్థాయి 3000 నిట్‌లు. ఫోన్ యొక్క ఔటర్ డిస్ప్లే 3.6 అంగుళాలు కొలుస్తుంది. 90Hz రిఫ్రెష్ రేట్‌తో ఈ పోల్డ్ డిస్ప్లేపై కంపెనీ గొరిల్లా గ్లాస్ విక్టస్ రక్షణను కూడా అందిస్తుంది. ఈ మోటరోలా ఫ్లిప్ ఫోన్ 8GB LPDDR4x RAM, 256GB వరకు UFS 2.2 స్టోరేజ్‌తో వస్తుంది. ప్రాసెసర్‌గా, కంపెనీ మాలి-G615 MC2 GPUతో డైమెన్సిటీ 7300x చిప్‌సెట్‌ను అందిస్తోంది.
ఇక ఫోటోగ్రఫీ కోసం, ఫోన్‌లో 50-మెగాపిక్సెల్ ప్రైమరీ కెమెరా ఉంది. అదనంగా, 13-మెగాపిక్సెల్ అల్ట్రా-వైడ్-యాంగిల్ సెన్సార్‌ను ఇచ్చారు. సెల్ఫీల కోసం, కంపెనీ 32-మెగాపిక్సెల్ ఫ్రంట్ కెమెరాను అందిస్తోంది. బ్యాటరీ గురించి మాట్లాడితే, ఫోన్ 33W ఫాస్ట్ ఛార్జింగ్‌కు మద్దతుతో 4200mAh బ్యాటరీతో శక్తినిస్తుంది. ఇది 15W వైర్‌లెస్ ఛార్జింగ్‌కు కూడా మద్దతు ఇస్తుంది. ఫోన్ IPX8 వాటర్ రెసిస్టెన్స్ రేటింగ్‌ను అందిస్తుంది. బయోమెట్రిక్ భద్రత కోసం, కంపెనీ సైడ్-మౌంటెడ్ ఫింగర్ ప్రింట్ సెన్సార్‌ను చేర్చింది. శక్తివంతమైన ధ్వని కోసం, ఫోన్‌లో డాల్బీ అట్మాస్ కూడా ఉంది.
