Motorola Razr Fold: ఫోల్డబుల్ ఫోన్ మార్కెట్లో పోటీ రోజు రోజుకు పెరుగుతోంది. ప్రీమియం సెగ్మెంట్లో పెద్ద బ్రాండ్లు కొత్త మోడళ్లను తీసుకువస్తున్న సమయంలో మోటరోలా తమ కొత్త ఫోల్డబుల్ ఫోన్ మోటరోలా రేజర్ ఫోల్డ్ను ఎం డబ్ల్యూసి 2026లో ఆవిష్కరించడానికి సిద్ధమైంది. అధికారిక ప్రకటనకు ముందే ఈ ఫోన్ గీక్బెంచ్ బెంచ్మార్క్ ప్లాట్ఫామ్లో కనిపించడం టెక్ ప్రపంచంలో ఆసక్తిని పెంచింది. ఇప్పటికే సిఈఎస్ 2026లో ప్రీవ్యూ చూపించిన ఈ ఫోన్ ఇప్పుడు పూర్తి వివరాలతో రానుంది.
గీక్బెంచ్ స్కోర్లు మరియు రామ్
మార్చి 1న గీక్బెంచ్లో కనిపించిన ఈ ఫోన్ సింగిల్ కోర్ టెస్ట్లో 2,693 పాయింట్లు, మల్టీ కోర్ టెస్ట్లో 9,213 పాయింట్లు సాధించింది. ఈ స్కోర్లు ఫ్లాగ్షిప్ స్థాయి పర్ఫార్మెన్స్ను సూచిస్తున్నాయి. లిస్టింగ్ ప్రకారం దాదాపు 14.90జీబీ రామ్ కనిపించింది, అంటే మార్కెట్లో 16జీబీ వేరియంట్గా రానుంది. సాఫ్ట్వేర్ పరంగా ఈ ఫోన్ నేరుగా ఆండ్రాయిడ్ 15తో వస్తోంది.
ప్రాసెసర్ పర్ఫార్మెన్స్
ఈ ఫోన్లో క్వాల్కమ్ యొక్క స్నాప్డ్రాగన్ 8 జెన్ 5 ప్రాసెసర్ వాడుతున్నారు. మొత్తం 8 కోర్లు ఉండగా, 6 కోర్లు 3.32గిగాహెర్ట్జ్ వరకు పని చేస్తాయి, 2 హై పర్ఫార్మెన్స్ కోర్లు 3.80గిగాహెర్ట్జ్ వరకు స్పీడ్ ఇస్తాయి. గేమింగ్, వీడియో ఎడిటింగ్, మల్టీటాస్కింగ్, ఏఐ ఫీచర్లు అన్నీ స్మూత్గా రన్ అవుతాయి. ఫోల్డబుల్ ఫోన్లలో హీట్ కంట్రోల్ కీలకం, ఈ చిప్సెట్ తగినంత స్థిరమైన పర్ఫార్మెన్స్ ఇస్తుందని గీక్బెంచ్ స్కోర్లు చెబుతున్నాయి.
డిస్ప్లే వివరాలు
మోటరోలా రేజర్ ఫోల్డ్ లోపలి స్క్రీన్ 8.1ఇంచుల ఎల్టీపీఓ ప్యానల్తో 2కే రిజల్యూషన్ ఇస్తుంది. రిఫ్రెష్ రేట్ డైనమిక్గా మారడం వల్ల బ్యాటరీ సేవ్ అవుతుంది. బయట కవర్ డిస్ప్లే 6.6ఇంచులు ఉండటం పెద్ద ప్లస్. ఫోన్ను ఓపెన్ చేయకుండానే మెసేజింగ్, కాలింగ్, సోషల్ మీడియా వాడుకోవచ్చు. పెద్ద కవర్ స్క్రీన్ వల్ల సాధారణ ఫోన్ అనుభవం దొరుకుతుంది.
డిజైన్ – కలర్స్
ఈ ఫోన్ బుక్ స్టైల్ ఫోల్డ్ డిజైన్తో వస్తోంది. ఓపెన్ చేసినప్పుడు టాబ్లెట్ అనుభవం, క్లోజ్ చేసినప్పుడు స్లిమ్ ఫోన్ లుక్ ఇస్తుంది. పాంటోన్ బ్లాకెన్డ్ బ్లూ, పాంటోన్ లిల్లీ వైట్ అనే రెండు కలర్స్లో ప్రదర్శించారు. మెటల్ ఫ్రేమ్, గ్లాస్ ఫినిష్ వల్ల ప్రీమియం ఫీల్ వస్తుంది. అప్డేటెడ్ లుక్తో హైఎండ్ సెగ్మెంట్ను టార్గెట్ చేస్తోంది.
కెమెరా – బ్యాటరీ
కెమెరా పూర్తి వివరాలు ఇంకా అధికారికంగా వెల్లడించలేదు. అయితే ప్రీమియం ఫోల్డబుల్ కావడంతో హై రిజల్యూషన్ ప్రైమరీ సెన్సర్, అల్ట్రా వైడ్ సెటప్ ఉండే అవకాశం ఉంది. ఫోల్డబుల్ డిజైన్ వల్ల మెయిన్ కెమెరాతోనే హై క్వాలిటీ సెల్ఫీలు తీసుకోవచ్చు. బ్యాటరీ సామర్థ్యం సుమారు 4,500ఎంఏహెచ్ నుంచి 5,000ఎంఏహెచ్ మధ్య ఉండవచ్చు. ఫాస్ట్ ఛార్జింగ్, వైర్లెస్ ఛార్జింగ్ సపోర్ట్ ఉండే అవకాశం ఉంది.
ధర – మార్కెట్ పోటీ
ప్రీమియం సెగ్మెంట్లో ఇప్పటికే శామ్సంగ్, వివో, గూగుల్ వంటి బ్రాండ్లు ఉన్నా, మోటరోలా ప్రత్యేక డిజైన్, క్లిన్ ఆండ్రాయిడ్ అనుభవంతో వేరుగా నిలబడాలని చూస్తోంది. ఇండియా మార్కెట్లో ఈ ఫోన్ ధర సుమారు రూ.1,49,999 నుంచి ప్రారంభమయ్యే అవకాశం ఉంది. టాప్ వేరియంట్ ధర రూ.1,69,999 వరకు ఉండవచ్చు. అధికారిక లాంచ్ తర్వాత పూర్తి స్పెసిఫికేషన్స్, అందుబాటు తేదీపై స్పష్టత రానుంది.