UIDAI Aadhaar App : ఆధార్ వినియోగదారులకు భారత విశిష్ట గుర్తింపు ప్రాధికార సంస్థ (UIDAI) అదిరిపోయే వార్తను అందించింది. ఆధార్ సేవలను మరింత సులభతరం చేస్తూ నేడు (జనవరి 28, 2026) సరికొత్త ఆధార్ యాప్ (New Aadhaar App) ఫుల్ వెర్షన్ను అధికారికంగా విడుదల చేసింది. ఇకపై ఆధార్లో మార్పులు లేదా అప్డేట్ల కోసం ఆధార్ సెంటర్ల చుట్టూ తిరగాల్సిన అవసరం లేకుండా, నేరుగా మొబైల్ నుంచే పనులు పూర్తి చేసుకునేలా ఈ యాప్ను రూపొందించారు.
- Advertisement -
Ajit Pawar Passed Away: అజిత్ పవార్ మృతి.. మహారాష్ట్రలో విషాదం!
కొత్త ఆధార్ యాప్ – 5 కీలక ఫీచర్లు
- సిలెక్టివ్ డేటా షేరింగ్ (Selective Data Sharing): ఈ ఫీచర్ ద్వారా మీ ఆధార్లోని అన్ని వివరాలు కాకుండా, అవసరమైన వివరాలను (ఉదాహరణకు కేవలం పేరు, ఫోటో లేదా అడ్రస్) మాత్రమే ఇతరులకు షేర్ చేయవచ్చు. దీనివల్ల ప్రైవసీకి అధిక భద్రత లభిస్తుంది.
- మొబైల్ నంబర్ అప్డేట్: ఆధార్లోని అత్యంత కీలకమైన మొబైల్ నంబర్ అప్డేట్ సదుపాయాన్ని ఇకపై యాప్ ద్వారానే పొందవచ్చు. ఫేస్ ఆథెంటికేషన్ (Face Authentication) ఉపయోగించి ఇంటి నుంచే మొబైల్ నంబర్ను మార్చుకోవచ్చు.
- ఫ్యామిలీ ప్రొఫైల్ (Family Profile): ఒకే మొబైల్ యాప్లో గరిష్టంగా 5 మంది కుటుంబ సభ్యుల ఆధార్ ప్రొఫైల్స్ను భద్రపరుచుకోవచ్చు , నిర్వహించవచ్చు.
- బయోమెట్రిక్ లాక్ (Biometric Lock): ఆధార్ దుర్వినియోగం కాకుండా కేవలం ఒక్క ట్యాప్తో మీ బయోమెట్రిక్ వివరాలను లాక్ లేదా అన్లాక్ చేసుకునే సదుపాయం ఉంది.
- ఆఫ్లైన్ వెరిఫికేషన్: ఇంటర్నెట్ లేకపోయినా క్యూఆర్ (QR) కోడ్ ద్వారా మీ గుర్తింపును వెరిఫై చేసుకునే అవకాశం కల్పించారు. హోటల్ రూమ్లు లేదా అద్దె ఇళ్ల వెరిఫికేషన్కు ఇది ఎంతో ఉపయోగపడుతుంది.
యాప్ వల్ల కలిగే ప్రధాన ప్రయోజనాలు
- ఫిజికల్ కార్డ్ అవసరం లేదు: ఎక్కడికి వెళ్లినా ఆధార్ కార్డును వెంట తీసుకెళ్లాల్సిన పనిలేదు. డిజిటల్ కార్డునే అధికారిక గుర్తింపుగా చూపించవచ్చు.
- సురక్షితమైనది: జిరాక్స్ కాపీల వల్ల జరిగే మోసాలకు ఈ యాప్ ద్వారా చెక్ పెట్టవచ్చు. వివరాలు అడిగే వారికి కేవలం క్యూఆర్ కోడ్ లేదా సిలెక్టివ్ డేటా మాత్రమే పంపవచ్చు.
- పేపర్ లెస్ సేవలు: కేవైసీ (e-KYC) ప్రక్రియను సులభంగా, పేపర్ లేకుండానే పూర్తి చేయవచ్చు.
- యూజర్ ఫ్రెండ్లీ ఇంటర్ఫేస్: ఈ యాప్ను ఆండ్రాయిడ్ , ఐఓఎస్ (iOS) వినియోగదారులు సులభంగా వాడుకోవచ్చు.
ఎలా డౌన్లోడ్ చేసుకోవాలి?
ఈ కొత్త వెర్షన్ యాప్ను గూగుల్ ప్లే స్టోర్ లేదా ఆపిల్ యాప్ స్టోర్ నుంచి ‘Aadhaar App’ అని సెర్చ్ చేసి డౌన్లోడ్ చేసుకోవచ్చు. పాత ‘mAadhaar’ యాప్ స్థానంలో ఈ కొత్త ఫుల్ వెర్షన్ యాప్ ఇకపై అందుబాటులో ఉంటుంది.
Mrunal Thakur : మృణాల్ ఠాకూర్ మ్యాజిక్.. ఒక్కో ఫోటో ఒక్కో ఫీలింగ్..!