OnePlus 15R Launched: భారతీయ మార్కెట్లో స్మార్ట్‌ఫోన్ల సందడి ఎప్పుడూ ఉంటుంది. కానీ, కొన్ని ఫోన్లు మాత్రమే మార్కెట్లోకి రాకముందే భారీ అంచనాలను క్రియేట్ చేస్తాయి. అటువంటి క్రేజ్‌తోనే ప్రముఖ మొబైల్ దిగ్గజం వన్ ప్లస్ (OnePlus) తన సరికొత్త వేరియంట్ OnePlus 15R ను లాంచ్ చేసింది. సామాన్యుడి బడ్జెట్‌కు దగ్గరగా ఉంటూనే, ఫ్లాగ్‌షిప్ రేంజ్ ఫీచర్లను అందించడం ఈ ఫోన్ ప్రత్యేకత.

7400 mAh పవర్
ఈ ఫోన్‌లో అందరినీ ఆశ్చర్యపరిచే ప్రధాన ఫీచర్ దీని బ్యాటరీ. ఏకంగా 7400 mAh భారీ బ్యాటరీతో వచ్చిన ఈ ఫోన్, ఒక్కసారి ఛార్జ్ చేస్తే రెండు రోజుల పాటు నిరంతరాయంగా పనిచేస్తుంది. ఇంత పెద్ద బ్యాటరీని కేవలం గంటలోపే ఛార్జ్ చేసేలా 80W ఫాస్ట్ ఛార్జింగ్ సపోర్ట్‌ను కూడా కంపెనీ అందించింది. ఇక ప్రయాణాల్లో ఉన్నప్పుడు ఛార్జింగ్ అయిపోతుందన్న భయమే ఉండదు.

EPFO: ప్రైవేట్ ఉద్యోగులకు అదిరిపోయే వార్త.. EPFO కీలక ప్రకటన

అదిరిపోయే డిస్ ప్లే.. అద్భుతమైన కెమెరా
వీడియోలు చూసేవారికి, గేమర్లకు విజువల్ ట్రీట్ ఇచ్చేలా 6.83 అంగుళాల బిగ్ డిస్ ప్లే (165Hz రిఫ్రెష్ రేట్) ఇందులో ఉంది. ఫోన్ వెనుక భాగంలో 50MP మెయిన్ కెమెరా (Sony IMX906 సెన్సార్), 8MP అల్ట్రా వైడ్ కెమెరాను అమర్చారు. దీనివల్ల ఫోటోలు ప్రొఫెషనల్ క్వాలిటీతో వస్తాయి. ఇక సెల్ఫీ ప్రియుల కోసం 32MP హై-క్వాలిటీ ఫ్రంట్ కెమెరాను కూడా కేటాయించారు.

లేటెస్ట్ టెక్నాలజీ
వన్ ప్లస్ 15R ప్రపంచంలోనే మొట్టమొదటి సారిగా Snapdragon 8 Gen 5 ప్రాసెసర్‌తో వచ్చిన ఫోన్లలో ఒకటి. ఇది అత్యాధునిక Android 16 , Oxygen OS 16 వెర్షన్‌పై పనిచేస్తుంది. అంటే ఫోన్ హ్యాంగ్ అవ్వడం అనే మాటే ఉండదు.

ధర & ఆఫర్లు
ఈ ఫోన్ రెండు స్టోరేజ్ వేరియంట్లలో అందుబాటులో ఉంది:

12GB + 256GB: దీని ధర రూ. 47,999

12GB + 512GB: దీని ధర రూ. 52,999

మరింత తక్కువ ధరకే కావాలా? మీరు క్రెడిట్ కార్డుల (Axis & HDFC) ద్వారా కొనుగోలు చేస్తే సుమారు రూ. 3,000 వరకు ఇన్‌స్టంట్ డిస్కౌంట్ పొందే అవకాశం ఉంది. దీంతో ఈ పవర్‌ఫుల్ ఫోన్‌ను మీరు మరింత తక్కువ ధరకే మీ సొంతం చేసుకోవచ్చు.

ప్రస్తుతం మార్కెట్లో ఉన్న పోటీని తట్టుకుని, ప్రీమియం లుక్ , అదిరిపోయే పర్ఫార్మెన్స్‌తో వచ్చిన ఈ OnePlus 15R ఖచ్చితంగా టెక్ ప్రియులను అలరిస్తుంది.