Oppo Pad 5 Launch: భారతీయ టాబ్లెట్ మార్కెట్లో తన పట్టును మరింత బలోపేతం చేసుకోవడానికి చైనీస్ స్మార్ట్ఫోన్ తయారీదారు ఒప్పో ప్యాడ్ 5 ను ఒప్పో రెనో 15 సిరీస్తో పాటు విడుదల చేసింది. దీని స్టూడెంట్స్, ప్రొఫెషనల్స్ , గేమింగ్ లవర్స్ ను దృష్టిలో ఉంచుకుని అత్యుత్తమ ఫీచర్లతో రూపొందించారు. ఈ టాబ్లెట్ 12.1-అంగుళాల 2.8K (2,800×1,980 పిక్సెల్లు) LCD స్క్రీన్, ఆక్టా-కోర్ మీడియాటెక్ డైమెన్సిటీ 7300 అల్ట్రా చిప్సెట్, 10,050mAh బ్యాటరీ వంటి ఫీచర్లను కలిగి ఉంది. ఇప్పుడు ఈ టాబ్లెట్ కు సంబంధించి ధర, ఫీచర్ల గురించి వివరంగా ఈ స్టోరీలో తెలుసుకుందాం.
ఒప్పో ప్యాడ్ 5: ధర, లభ్యత
వై-ఫై-మాత్రమే వేరియంట్ కోసం ఒప్పో ప్యాడ్ 5 రూ.26,999 నుండి ప్రారంభమవుతుంది. వై-ఫై + 5G వేరియంట్ ధర రూ.32,999. ఇది ఒకే 8GBRAM+256GB స్టోరేజ్ వేరియంట్ లో అందుబాటులో ఉంది. ఇప్పటికే కొత్త ఒప్పో ప్యాడ్ 5 ప్రీ-ఆర్డర్ కోసం అందుబాటులో ఉంది. ఈ టాబ్లెట్ జనవరి 13 నుంచి ఫ్లిప్కార్ట్, ఒప్పో ఆన్లైన్ స్టోర్ ద్వారా విక్రయానికి రానుంది. కాగా, ఈ టాబ్లెట్ అరోరా పింక్, స్టార్లైట్ బ్లాక్ కలర్ ఆప్షన్లలో లభిస్తుంది.
ఒప్పో ప్యాడ్ 5: ఫీచర్లు
డిస్ప్లే
ఈ టాబ్లెట్ 12.1-అంగుళాల 2.8K (2,800×1,980 పిక్సెల్లు) LCD స్క్రీన్ను 120Hz వరకు రిఫ్రెష్ రేట్, 540Hz వరకు టచ్ శాంప్లింగ్ రేటు, 900 నిట్ల వరకు గరిష్ట ప్రకాశం, 284 ppi పిక్సెల్ డెన్సిటీ, 98 శాతం DCI-P3 కలర్ గాముట్తో కలిగి ఉంది.
ప్రాసెసర్, స్టోరేజీ
ఈ ట్యాబ్లెట్ ఆక్టా కోర్ మీడియాటెక్ డైమెన్సిటీ 7300 అల్ట్రా చిప్సెట్ తో వస్తుంది. Arm Mali G615 MC2 ను కూడా అమర్చారు. ఈ చిప్ LPDDR5x ర్యామ్, 256GB UFS 3.1 స్టోరేజీకి మద్దతు ఇస్తుంది.
సాఫ్ట్ వేర్
ఆండ్రాయిడ్ 16 ఆధారంగా పనిచేసే కలర్ఓఎస్ 16పై ఒప్పో ప్యాడ్ 5 నడుస్తుంది.
also read:Poco M8 5G Launched: పోకో M8 5G వచ్చేసిందోచ్!..వారికి ఏకంగా రూ.7000 డిస్కౌంట్..
కెమెరా
ఫోటోగ్రఫీ పరంగా..ఒప్పో ప్యాడ్ 5 లో f/2.0 ఎపర్చరు, 77-డిగ్రీ ఫీల్డ్ ఆఫ్ వ్యూ, ఆటోఫోకస్తో కూడిన సింగిల్ 8-మెగాపిక్సెల్ వెనుక కెమెరా ఉంది. ఇది సెల్ఫీలు, వీడియో కాల్ల కోసం..8-మెగాపిక్సెల్ (f/2.0) ఫ్రంట్-ఫేసింగ్ కెమెరాను కూడా కలిగి ఉంది. టాబ్లెట్ 30fps వద్ద 1080p రిజల్యూషన్ వరకు వీడియోలను రికార్డ్ చేస్తుంది.
బ్యాటరీ
ఒప్పో ప్యాడ్ 5 33W సూపర్వూక్ వైర్డ్ ఫాస్ట్ ఛార్జింగ్కు మద్దతుతో 10,050mAh బ్యాటరీని కలిగి ఉంది. పరికరంలోని సెన్సార్లలో యాంబియంట్ లైట్ సెన్సార్, కలర్ టెంపరేచర్ సెన్సార్, ఇ-కంపాస్, యాక్సిలెరోమీటర్, హాల్ సెన్సార్, ప్రాక్సిమిటీ సెన్సార్ ఉన్నాయి.
కనెక్టివిటీ ఫీచర్లు, కొలతలు
ఈ పరికరం Wi-Fi 6, బ్లూటూత్ 5.4, కనెక్టివిటీ కోసం USB టైప్-C పోర్ట్ను కూడా కలిగి ఉంది. టాబ్లెట్ కొలతలు 266×192.8x68mm. బరువు దాదాపు 599 గ్రాములు.