Oppo Reno 14F 5G Star Wars Edition Launch Date, Features: చైనీస్ స్మార్ట్‌ఫోన్ తయారీ సంస్థ ఒప్పో త్వరలో ఒప్పో రెనో 14F 5G స్టార్ వార్స్ ఎడిషన్ అనే కొత్త ఫోన్‌ను నవంబర్ 15న మెక్సికోలో విడుదల చేయనున్నట్లు అధికారికంగా ప్రకటించింది. ఈ ప్రత్యేక ఎడిషన్ జూన్ 2025లో మార్కెట్లో లాంచ్ అయినా ఒప్పో రెనో 14F 5G ఆధారంగా రూపొందించబడింది. ఈ ఫోన్‌లో కొన్ని ముఖ్యమైన డిజైన్ మార్పులు ఉన్నాయి. స్టార్ వార్స్ థీమ్ తో వస్తోన్న ఈ ప్రత్యేక ఎడిషన్ స్మార్ట్ ఫోన్ వెనుక భాగంలో డార్త్ వేడర్ చిత్రాన్ని ఉంచారు. అలాగే బాక్స్‌లో డార్త్ వేడర్ థీమ్ సిమ్ ఎజెక్టర్ టూల్, డెత్ స్టార్ II ఫోన్ స్టాండ్ కూడా ఉంటాయి. ఇది “ఎక్స్‌క్లూజివ్ లిమిటెడ్ ఎడిషన్ కలెక్టర్స్ బాక్స్”లో వస్తుంది. ఇప్పుడు ఈ ఫోన్ లాంచ్ తేదీ, ఫీచర్ల గురించి వివరంగా తెలుసుకుందాం.
ఒప్పో రెనో 14F 5G స్టార్ వార్స్ ఎడిషన్ ఎప్పుడు లాంచ్ అవుతుంది?
ఒప్పో రెనో 14F 5G స్టార్ వార్స్ ఎడిషన్ నవంబర్ 15న మెక్సికోలో లాంచ్ అవుతుందని కంపెనీ తన సోషల్ మీడియా ప్లాట్‌ఫామ్ Xలో ఒక పోస్ట్‌లో ప్రకటించింది. ఈ ఫోన్ కోసం ప్రత్యేకంగా రూపొందించిన మైక్రోసైట్ ఇటీవల ఒప్పో మెక్సికో వెబ్‌సైట్‌లో ప్రత్యక్ష ప్రసారం అయింది. ఈ రాబోయే పరిమిత ఎడిషన్ హ్యాండ్‌సెట్ గురించి సమాచారాన్ని అందిస్తుంది. కాగా, ఈ పరికరం బ్లాక్ కలర్ లో వస్తుంది.
also read:Samsung Galaxy S25 Discount: శామ్‌సంగ్ గెలాక్సీ ఎస్ 25 పై ఏకంగా రూ.20,000 డిస్కౌంట్..డోంట్ మిస్!
ఒప్పో రెనో 14F 5G స్టార్ వార్స్ ఎడిషన్ ఫీచర్లు
ఫీచర్ల విషయానికి వస్తే..ఈ ఫోన్ ఒప్పో రెనో 14F 5Gకి సమానమైన ఫీచర్లను పంచుకుంటుందని భావిస్తున్నారు. ఈ ప్రత్యేక ఎడిషన్ 120Hz వరకు రిఫ్రెష్ రేట్‌కు మద్దతుతో 6.57-అంగుళాల పూర్తి-HD+ OLED డిస్‌ప్లేను కలిగి ఉంటుందని భావిస్తున్నారు. ఇది 240Hz వరకు టచ్ శాంప్లింగ్ రేటును కలిగి ఉంటుంది. ఈ ఫోన్ స్నాప్‌డ్రాగన్ 6 జెన్ 1 చిప్‌సెట్ ద్వారా శక్తిని పొందుతుంది. ఇది అడ్రినో A710 GPU, 12GB వరకు LPDDR4X RAM, 512GB వరకు UFS 3.1 ఆన్‌బోర్డ్ స్టోరేజ్ ఉంటుందని కూడా భావిస్తున్నారు. ఇక ఫోటోగ్రఫీ కోసం.. ఒప్పో రెనో 14F 5G ట్రిపుల్ రియర్ కెమెరా సెటప్‌ను కలిగి ఉంటుంది. ఇందులో 50-మెగాపిక్సెల్ ప్రైమరీ కెమెరా, 8-మెగాపిక్సెల్ అల్ట్రావైడ్ లెన్స్, 2-మెగాపిక్సెల్ మాక్రో కెమెరా కూడా ఉంటుంది. ఈ పరికరంలో 32-మెగాపిక్సెల్ సెల్ఫీ కెమెరాను అందించవచ్చు. బ్యాటరీ విషయానికి వస్తే..ఈ పరికరం 45W వైర్డు ఫాస్ట్ ఛార్జింగ్ సపోర్ట్ తో 6,000mAh బ్యాటరీని కలిగి ఉండవచ్చు.
