Philips Bluetooth speakers: ఫిలిప్స్ భారతదేశ మార్కెట్లో రెండు కొత్త శక్తివంతమైన బ్లూటూత్ స్పీకర్‌లను రిలీజ్ చేసింది. వాటి పేర్లు TAS1400, TAS2400. ఈ స్పీకర్లు శక్తివంతమైన సౌండ్‌ను అందించడమే కాకుండా RGB లైటింగ్, 10 గంటల బ్యాటరీ లైఫ్, బ్లూటూత్ 5.3 వంటి అద్భుతమైన ఫీచర్‌లను కలిగి ఉన్నాయి. రోజువారీ ఉపయోగం, పార్టీ మూడ్ కోసం తయారు చేసిన ఈ స్పీకర్లు IPX4 స్ప్లాష్ రెసిస్టెంట్ కూడా. కాగా, వీటి ప్రారంభ ధర ₹1,299 వద్ద ఉంచారు. బడ్జెట్‌లో కొనుగోలు చేయడానికి బెస్ట్ ఆప్షన్స్. ఇప్పుడు వీటి ధర, ఇతర ఫీచర్ల గురించి వివరంగా తెలుసుకుందాం.

Philips TAS1400 ఫీచర్లు:

ఫిలిప్స్ TAS1400 52mm డైనమిక్ డ్రైవర్‌లను కలిగి ఉంది. ఇవి 20Hz నుండి 20kHz వరకు మొత్తం ఫ్రీక్వెన్సీ పరిధిని కవర్ చేస్తాయి. 10 గంటల వరకు నిరంతర ప్లేటైమ్‌ను కోసం ఇది 12W వరకు సౌండ్ అవుట్‌పుట్‌ను అందిస్తుంది. ఈ చిన్న స్పీకర్ బ్లూటూత్ 5.3 కి కూడా మద్దతు ఇస్తుంది. మెరుగైన బాస్ కోసం..పాసివ్ రేడియేటర్‌ను కలిగి ఉంది.

దీనితో పాటు, పరికరం RGB లైట్ మోడ్‌తో వస్తుంది. ఈ స్పీకర్‌లో హ్యాంగింగ్ స్ట్రాప్ కూడా ఉంది. వాయిస్ అసిస్టెంట్ ఫీచర్‌లకు మద్దతు ఇస్తుంది. ఇది బ్లూటూత్, USB, TF కార్డ్ ద్వారా ప్లేబ్యాక్‌ను అనుమతిస్తుంది. ఇది స్ప్లాష్, స్వేట్ ప్రొటెక్షన్ కోసం IPX4-రేటెడ్, USB-C ద్వారా ఛార్జ్ అవుతుంది. కాగా, ఈ స్పీకర్ 1-సంవత్సరం వారంటీతో వస్తుంది.

Also Read: Oppo K13 Turbo Series: ఒప్పో నుంచి కొత్త స్మార్ట్‌ఫోన్లు వచ్చేశాయ్‌..

Philips TAS2400 ఫీచర్లు:

ఫిలిప్స్ TAS2400 బిగ్ 57mm డైనమిక్ డ్రైవర్‌లను కలిగి ఉంది. 32W వరకు లౌడ్ స్టీరియో అవుట్‌పుట్‌ను అందిస్తుంది. బ్లూటూత్ 5.3 కి మద్దతు ఇస్తుంది. ఇది 10 గంటల వరకు ప్లేబ్యాక్‌ను అందిస్తుంది. TAS1400 లాగా, ఇది డీప్ బాస్ కోసం పాసివ్ రేడియేటర్, RGB లైట్ మోడ్‌లు, వాయిస్ అసిస్టెంట్ సపోర్ట్, బ్లూటూత్, USB, TF కార్డ్‌తో సహా బహుళ ప్లేబ్యాక్ ఎంపికలను కలిగి ఉంటుంది. ఇది హ్యాంగింగ్ స్ట్రాప్, మన్నికైన ABS ఫాబ్రిక్, సిలికాన్ బిల్డ్‌ను కలిగి ఉంటుంది. కాగా, స్పీకర్ IPX4-రేటెడ్. USB-C ద్వారా ఛార్జ్ అవుతుంది. ఇది 1-సంవత్సరం వారంటీని కూడా కలిగి ఉంటుంది.

ధర, లభ్యత

ఫిలిప్స్ TAS1400 ధర రూ.2,599కు అందుబాటులో ఉంది. ఇది డీప్ బ్లాక్, కోపెన్ బ్లూ, విల్లో బౌ రంగుల్లో లభిస్తుంది. ఇక ఫిలిప్స్ TAS2400 ధర రూ.3,499. ఇది విల్లో బౌ, డీప్ బ్లాక్ రంగుల్లో లభిస్తుంది. ఈ స్పీకర్లు అమెజాన్ ఇండియా, ఫ్లిప్ కార్ట్ లో అందుబాటులో ఉన్నాయి.