Reliance Jio launches a cheap 90 day plan: దేశంలోనే ప్రముఖ టెలికాం దిగ్గజం రిలయన్స్ జియో ఇటీవలే తన 9వ వార్షికోత్సవాన్ని జరుపుకుంది. రిలయన్స్‌ జియో రాకతో అన్ని టెలికాం సంస్థలు తమ ప్రీపెయిడ్‌ ప్లాన్లను తగ్గించాల్సిన అనివార్యత ఏర్పడింది. ప్రారంభం నుంచి ఎన్నో ఆఫర్లతో తన కస్టమర్లను ఆకట్టుకుంటూ వస్తోంది. అలాంటి జియో ఇప్పుడు తన కస్టమర్ల కోసం మరో ఆఫర్‌తో ముందుకొచ్చింది. కంపెనీ తన రూ. 899 ప్లాన్‌పై అద్భుతమైన ఆఫర్‌ను ప్రకటించింది. ఈ బేసిక్‌ ప్లాన్‌ ద్వారా తక్కువ ధరకు డేటా, అపరిమిత కాలింగ్‌ను అందించడమే కాకుండా ప్రధాన బ్రాండ్ల నుండి ఉచిత బహుమతులు, ప్రీమియం సబ్‌స్క్రిప్షన్‌ను కూడా ఆఫర్‌ చేస్తుంది. 90 రోజుల వ్యాలిడిటీతో వస్తున్న ఈ ప్రీపెయిడ్ ప్లాన్ గురించి మరిన్ని విషయాలు తెలుసుకుందాం.

జియో రూ. 899 ప్లాన్ బెనిఫిట్స్‌ ఇవే..

జియో నుండి కొత్తగా వచ్చిన ఈ ప్లాన్ కేవలం రూ. 899 వద్ద లభిస్తుంది. ఈ ప్లాన్‌ 90 రోజుల వ్యాలిడిటీ కలిగి ఉంటుంది. ఈ ప్లాన్‌ కింద మీరు రోజుకు 2 జీబీ హై-స్పీడ్ డేటాను కూడా పొందవచ్చు. ఈ ప్లాన్‌ ద్వారా 20GB అడిషనల్‌ డేటాతో పాటు మొత్తం 200GB లభిస్తుంది. అదనంగా ఈ ప్లాన్ అన్‌లిమిటెడ్‌ కాలింగ్‌ను కూడా అందిస్తుంది. ఈ ప్లాన్ కింద రోజుకు 100 ఎస్‌ఎమ్‌ఎస్‌లను కూడా పొందవచ్చు. మీరు జియో 5G నెట్‌వర్క్ ఉన్న ప్రాంతంలో నివసిస్తుంటే ఈ ప్లాన్‌తో మీరు అపరిమిత 5G డేటాను కూడా పొందవచ్చు.

అన్‌లిమిటెడ్‌ డేటా, కాలింగ్ ప్రయోజనాలు..

రూ. 899 ప్లాన్‌ కింద కేవలం డేటా, కాలింగ్ మాత్రమే కాకుండా జియో టీవీ, జియో ఏఐ క్లౌడ్‌, జియో హాట్‌స్టార్‌ వంటి ఓటీటీ యాప్‌లకు ఉచిత సబ్‌స్క్రిప్షన్‌తో సహా ఇతర ప్రయోజనాలను కూడా పొందవచ్చు. ఈ ప్లాన్‌తో 3 నెలల జియో హాట్‌స్టార్‌, మొబైల్, టీవీ సబ్‌స్క్రిప్షన్‌ కూడా లభిస్తుంది. అదనంగా ఈ ప్లాన్‌లో 3 నెలల పాటు జియో సావన్‌ ప్రో, 1 నెల జొమాటో గోల్డ్ సబ్‌స్క్రిప్షన్, 6 నెలల నెట్‌మేడ్స్‌ ఫస్ట్‌ సబ్‌స్క్రిప్షన్‌ కూడా లభిస్తుంది. మరోవైపు ఈ ప్లాన్ ఈజీమై ట్రిప్‌పై రూ. 2220 వరకు డిస్కౌంట్‌లను, హోటల్ బుకింగ్‌లపై 15% వరకు డిస్కౌంట్‌లను అందిస్తుంది. ఏజియో కొనుగోళ్లపై రూ. 200 డిస్కౌంట్‌, రిలయన్స్‌ డిజిటల్‌పై రూ. 399 వరకు డిస్కౌంట్‌ను కూడా పొందవచ్చు.