Royal Enfield Bullet 650:దశాబ్దాలుగా భారతీయ రోడ్లపై తమదైన ముద్ర వేసిన రాయల్ ఎన్‌ఫీల్డ్ బుల్లెట్ మోటార్‌సైకిల్ ఇప్పుడు సరికొత్త శక్తితో మార్కెట్‌లోకి అడుగుపెట్టడానికి సిద్ధమవుతోంది. బుల్లెట్ అంటే కేవలం వాహనం కాదు, అది ఒక తరానికి సంబంధించిన చిహ్నం, క్రేజ్. అలాంటి ఐకానిక్ బైక్‌ను ఫస్ట్ టైమ్ ట్విన్-సిలిండర్ (Twin-Cylinder) ఇంజిన్‌తో తీసుకురాబోతోంది రాయల్ ఎన్‌ఫీల్డ్. బుల్లెట్ 650 మోటోవర్స్ పేరుతో ఈ సరికొత్త వెర్షన్‌ను 2025లో గ్లోబల్ మార్కెట్‌లోకి పరిచయం చేశారు. ఈ బైక్ 2026 మొదటి త్రైమాసికంలో భారతీయ మార్కెట్‌లో అమ్మకానికి వచ్చే అవకాశం ఉందని అంచనా వేస్తున్నారు.

ట్విన్ సిలిండర్ల పవర్ హౌస్
బుల్లెట్ 650 లో అత్యంత ముఖ్యమైన మార్పు దాని ఇంజిన్. ఇది రాయల్ ఎన్‌ఫీల్డ్ 647.95cc ట్విన్-సిలిండర్ ఇంజిన్‌తో రన్ అవుతుంది. ఇదే ఇంజిన్ ఇంటర్‌సెప్టర్ , కాంటినెంటల్ GT 650 మోడల్స్‌కు కూడా పవర్ ఇస్తుంది.ఈ శక్తివంతమైన ఇంజిన్ 46.4bhp పవర్, 52.3Nm టార్క్‌ను ఉత్పత్తి చేస్తుంది.ఈ ఇంజిన్‌ను రేసింగ్ కోసం కాకుండా, సులభంగా క్రూజింగ్ చేయడానికి, వేగవంతమైన పవర్ డెలివరీ, బలమైన మిడ్-రేంజ్ పెర్ఫార్మెన్స్ కోసం ప్రత్యేకంగా ట్యూన్ చేశారు.

క్లాసిక్ లుక్, మోడర్న్ టచ్
రాయల్ ఎన్‌ఫీల్డ్ బుల్లెట్ 650 ఫ్యాన్స్ ఇష్టపడే పాత క్లాసిక్ బుల్లెట్ అప్పీల్‌ను చెక్కుచెదరకుండా ఉంచింది. లాంగ్, లో బాడీ ,వెడల్పు గల సింగిల్-పీస్ బెంచ్ సీటుతో ఇది సుదీర్ఘ ప్రయాణాలకు సౌకర్యంగా ఉంటుంది.ఫ్యూయల్ ట్యాంక్‌పై చేతితో పెయింట్ చేసిన గోల్డ్ పిన్‌స్ట్రిప్స్ , రాయల్ ఎన్‌ఫీల్డ్ బ్యాడ్జ్ ఉన్నాయి.సిగ్నేచర్ “కాస్కెట్” హెడ్‌ల్యాంప్ హౌసింగ్‌లో రౌండ్ హెడ్‌లైట్ మరియు ఐకానిక్ “టైగర్ ఐ” ఇండికేటర్‌లు ఇప్పుడు LED లైటింగ్‌తో అప్‌గ్రేడ్ అయ్యాయి.ఈ బైక్ క్రోమ్ పీషూటర్ ఎగ్జాస్ట్‌ను కలిగి ఉండి, వింటేజ్ బిగ్-బైక్ లుక్‌ను అందిస్తుంది.ఇది కానన్ బ్లాక్ మరియు బాటిల్ షిప్ బ్లూ అనే రెండు ఆకర్షణీయమైన కలర్ ఆప్షన్లలో లభిస్తుంది.

Layoff : హెచ్‌పీలో 6,000 ఉద్యోగులకు ఉద్వాసన..!

అడ్వాన్స్‌డ్ హార్డ్‌వేర్ & ఫీచర్లు
బుల్లెట్ 650లో స్టీల్ ట్యూబులర్ ఫ్రేమ్, టెలిస్కోపిక్ ఫ్రంట్ ఫోర్కులు, ట్విన్ రియర్ షాక్ అబ్జార్బర్లు ఉన్నాయి. భారతీయ రోడ్లకు అనుకూలంగా ఉండేలా 120mm ఫ్రంట్, 90mm బ్యాక్ సస్పెన్షన్ ట్రావెల్‌ను అందించారు. భద్రత కోసం డ్యూయల్-ఛానల్ ABSతో కూడిన 320mm ఫ్రంట్, 300mm రియర్ డిస్క్ బ్రేక్‌లు ఉన్నాయి.

ఇతర ఫీచర్లు:
స్మాల్ డిజిటల్ డిస్‌ప్లేతో కూడిన అనలాగ్-స్టైల్ ఇన్‌స్ట్రుమెంట్ క్లస్టర్.పాలిష్డ్ రెట్రో స్విచ్ గేర్ , రోటరీ నాబ్‌లు.800mm సీటు ఎత్తు, 154mm గ్రౌండ్ క్లియరెన్స్ , 14.8 లీటర్ల ఫ్యూయల్ ట్యాంక్.

ధర అంచనా
రాయల్ ఎన్‌ఫీల్డ్ బుల్లెట్ 650 ఎక్స్-షోరూమ్ ధర సుమారు రూ. 2.80 లక్షల నుంచి రూ. 3.17 లక్షల వరకు ఉంటుందని అంచనా. ఆన్-రోడ్ ధరలు రూ. 3.4 లక్షల నుంచి ప్రారంభమయ్యే అవకాశం ఉంది.ఈ బుల్లెట్ 650 లాంచ్‌తో, రాయల్ ఎన్‌ఫీల్డ్ తమ బుల్లెట్ ఔత్సాహికులకు అద్భుతమైన అప్‌గ్రేడ్‌ను అందిస్తూ, అదే సమయంలో అధునాతన ఫీచర్లతో యువ రైడర్‌లను కూడా ఆకర్షించాలని లక్ష్యంగా పెట్టుకుంది.