Samsung Galaxy F36 5G Launched: దక్షిణ కొరియా టెక్ దిగ్గజం శాంసంగ్‌ తన కొత్త మిడ్-రేంజ్ స్మార్ట్‌ఫోన్ శాంసంగ్‌ గెలాక్సీ F36 5Gని భారతదేశంలో విడుదల చేసింది. శాంసంగ్‌ గెలాక్సీ ఎఫ్ 36 5జీ అనేది కంపెనీ F సిరీస్‌లో కొత్త ఫోన్. ఈ పరికరంలో Exynos 1380 ప్రాసెసర్ ఉంది. ఇది కంపెనీ అంతర్గత ప్రాసెసర్. ఈ స్మార్ట్‌ఫోన్ 5G కనెక్టివిటీతో అమర్చబడటమే కాకుండా 50MP OIS కెమెరా, ఆండ్రాయిడ్ 15 సపోర్ట్, AI ఆధారిత ఎడిటింగ్ టూల్స్ వంటి అనేక ప్రీమియం ఫీచర్లను పొందుతుంది. అయితే, ఇప్పుడు ఈ ఫోన్ కు సంబంధించి పూర్తి వివరాలు తెలుసుకుందాం.

Samsung Galaxy F36 5G ధర:

6GB RAM + 128GB నిల్వ: రూ. 17,499
8GB RAM + 256GB నిల్వ: రూ. 18,999

ఈ ఫోన్‌ను కోరల్ రెడ్, లక్స్ వైలెట్, ఒనిక్స్ బ్లాక్ అనే మూడు రంగులలో కొనుగోలు చేయవచ్చు. అయితే, అన్ని వేరియంట్లలో ప్రీమియం లెదర్ ఫినిష్ బ్యాక్ ప్యానెల్ ఉంటుంది. కాగా, జూలై 29 నుంచి ఫ్లిప్‌కార్ట్, శాంసంగ్‌ అధికారిక ఆన్లైన్ స్టోర్ ద్వారా కొనుగోలు చేయొచ్చు.

Also Read: LAVA Blaze Dragon: ఆకర్షణీయమైన డిజైన్ తో లావా బ్లేజ్ డ్రాగన్.. లాంచ్ ఎప్పుడంటే..?

Samsung Galaxy F36 5G ఫీచర్లు:

శాంసంగ్‌ గెలాక్సీ F36 5G పరికరం 6.7-అంగుళాల సూపర్ AMOLED డిస్‌ప్లేను కలిగి ఉంది. ఇది పూర్తి HD+ రిజల్యూషన్, 120Hz రిఫ్రెష్ రేట్, కార్నింగ్ గొరిల్లా గ్లాస్ విక్టస్+ రక్షణతో వస్తుంది. పనితీరు కోసం..ఇందులో ఆక్టా-కోర్ Exynos 1380 SoC ప్రాసెసర్, Mali-G68 MP5 GPUని కలిగి ఉంది. Android 15-ఆధారిత One UI 7 తో నడుస్తుంది. అలాగే, మెరుగైన థర్మల్ నిర్వహణ కోసం ఇది వేపర్ చాంబర్ కూలింగ్ సిస్టమ్‌ను అందించారు. మైక్రో SD కార్డ్ సహాయంతో నిల్వను కూడా విస్తరించవచ్చు. దీనితో పాటు , గూగుల్ సర్కిల్ టు సెర్చ్, జెమిని లైవ్, ఆబ్జెక్ట్ ఎరేజర్, ఇమేజ్ క్లిప్పర్, AI ఎడిట్ సూచనలు వంటి అనేక AI ఫీచర్లు కూడా ఇందులో అందించారు.

ఈ స్మార్ట్ ఫోన్ కెమెరా గురించి మాట్లాడితే.. డిస్ప్లే పైభాగంలో వాటర్‌డ్రాప్ నాచ్ ఉంది. ఇది 13-మెగాపిక్సెల్ సెల్ఫీ కెమెరాను కలిగి ఉంది. ఇది 4K వీడియో రికార్డింగ్‌కు కూడా మద్దతు ఇస్తుంది. వెనుక కెమెరా సెటప్‌లో 50MP ప్రైమరీ కెమెరా (OIS మరియు 4K రికార్డింగ్ సపోర్ట్), 8MP అల్ట్రా-వైడ్ కెమెరా, 2MP మాక్రో సెన్సార్ ఉన్నాయి.

ఈ ఫోన్ శక్తివంతమైన 5,000mAh బ్యాటరీని కలిగి ఉంది. ఇది 25W ఫాస్ట్ ఛార్జింగ్‌కు మద్దతు ఇస్తుంది. దీనితో పాటు, ఈ ఫోన్ USB టైప్-C పోర్ట్, సైడ్ మౌంటెడ్ ఫింగర్ ప్రింట్ సెన్సార్, బ్లూటూత్ 5.3, డ్యూయల్-బ్యాండ్ Wi-Fi, GPS + GLONASS వంటి కనెక్టివిటీ ఫీచర్లతో వస్తుంది.దీనికి లెదర్ ఫినిషింగ్ బ్యాక్ ప్యానెల్ ఉంటుంది. దీనితో పాటు, హ్యాండ్‌సెట్ మందం 7.7 mm ఉంటుంది.